ಫುಡ್​ ಪಾಯ್ಸನ್​, ಹೊಟ್ಟೆ ಜ್ವರ ಎರಡೂ ಒಂದೇ ಅಲ್ಲ: ವ್ಯತ್ಯಾಸ, ಲಕ್ಷಣ, ಪರಿಹಾರದ ಮಾಹಿತಿ..

ಮಳೆಗಾಲದಲ್ಲಿ ಬಹುತೇಕ ಜನರನ್ನು ಇನ್ನಿಲ್ಲದಂತೆ ಕಾಡುವ ಈ ಸಮಸ್ಯೆಗಳ ಕುರಿತು ತಿಳಿವಳಿಕೆ ಅಗತ್ಯ.

ನವದೆಹಲಿ: ಋತುಮಾನದ ಬದಲಾವಣೆಗಳು ಅನೇಕ ಅನಾರೋಗ್ಯ ಸವಾಲುಗಳನ್ನು ತಂದೊಡ್ಡುತ್ತವೆ. ಇದರಲ್ಲೊಂದು ಜೀರ್ಣಾಂಗವ್ಯೂಹದ ಬಾಧೆಗಳು. ಅಂದರೆ ಹೊಟ್ಟೆ ಜ್ವರ ಮತ್ತು ಫುಡ್​ ಪಾಯ್ಸನ್​​. ಇವೆರಡೂ ಕೂಡಾ ಸಾಮಾನ್ಯ ಗುಣಲಕ್ಷಣ ಹೊಂದಿವೆ. ಆದರೆ ಎರಡರ ನಡುವೆ ಭಿನ್ನತೆ ಇದೆ.

ಹೊಟ್ಟೆ ಜ್ವರ ಎಂದರೇನು?: ಸ್ಟಮಕ್​ ಫ್ಲೂ ಅಥವಾ ಹೊಟ್ಟೆ ಜ್ವರ ಜೀರ್ಣಾಂಗವ್ಯೂಹಕ್ಕೆ ಸಂಬಂಧಿಸಿದ್ದಾಗಿದೆ. ಪ್ರಾಥಮಿಕವಾಗಿ ವೈರಲ್​ ಸೋಂಕಿನಿಂದ ಉಂಟಾಗುತ್ತದೆ. ನೊರೊವೈರಸ್​, ರೊಟೊ ವೈರಸ್​, ಅಡೆನೊವರಸ್​ ಇದಕ್ಕೆ ಪ್ರಮುಖ ಕಾರಣ. ಈ ವೈರಸ್​​ಗಳು ಬಲುಬೇಗ ಪ್ರತ್ಯಕ್ಷ ಮತ್ತು ಪರೋಕ್ಷವಾಗಿ ಹರಡುತ್ತವೆ. ಸೋಂಕಿತ ಆಹಾರ/ ನೀರು ಅಥವಾ ಕಲುಷಿತ ಆಹಾರ ಸ್ಪರ್ಶಿಸಿ ಬಾಯಿ ಸೇರುವುದರಿಂದಲೂ ಇದು ಉಂಟಾಗುತ್ತದೆ. ಹೊಟ್ಟೆ ಅಥವಾ ಕರುಳಿನಲ್ಲಿ ಊರಿಯೂತ ಸಂಭವಿಸುವುದು ಆರಂಭಿಕ ಲಕ್ಷಣ. ಇದು ಋತುಮಾನದ ಜ್ವರವಾಗಿದ್ದು, ಉಸಿರಾಟ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುತ್ತದೆ.

ಫುಡ್​ ಪಾಯ್ಸನ್ ಎಂದರೇನು?​​: ಕಲುಷಿತ ಆಹಾರ/ ದ್ರವಗಳ ಸೇವನೆಯಿಂದ ಉಂಟಾಗುತ್ತದೆ. ಹಾನಿಕಾರಕ ಬ್ಯಾಕ್ಟೀರಿಯಾ, ಪ್ಯಾರಾಸೈಟ್ಸ್​​, ವಿಷ ಅಥವಾ ರಾಸಾಯನಿಕಗಳಿಂದ ಉದ್ಭವಿಸುತ್ತದೆ. ಆಹಾರ ಉತ್ಪಾದನೆ, ಪ್ರಕ್ರಿಯೆ/ ನಿರ್ವಹಣೆಯ ವೇಳೆ ಕಲುಷಿತದಿಂದಾಗಿ ಸಂಭವಿಸುತ್ತದೆ. ಸಲ್ಮೊನೆಲ್ಲಾ, ಇ ಕೊಲಿ ಮತ್ತು ಕ್ಯಾಪೆಲೊಬ್ಯಾಕ್ಟರ್​​ಗಳು ಫುಡ್​ ಪಾಯ್ಸನ್​ ತಗಲಿಸುವ ಪ್ರಮುಖ ಬ್ಯಾಕ್ಟೀರಿಯಾಗಳು. ಈ ಬ್ಯಾಕ್ಟೀರಿಯಾಗಳು ದೇಹದಲ್ಲಿ ವಿಷಾಂಶ ಉತ್ಪಾದಿಸುತ್ತವೆ.

ಲಕ್ಷಣಗಳು:

ಹೊಟ್ಟೆ ಜ್ವರ: ತಲೆತಿರುಗುವಿಕೆ, ವಾಂತಿ, ಅತಿಸಾರ, ಹೊಟ್ಟೆ ನೋವು, ಕಡಿಮೆ ಮಟ್ಟದ ಜ್ವರ.

ಫುಡ್​ ಪಾಯ್ಸನ್​: ತಲೆ ಸುತ್ತುವಿಕೆ, ಅತಿಸಾರ, ಹೊಟ್ಟೆ ನೋವು, ಜ್ವರ, ಸ್ನಾಯು ನೋವು.

ಫುಡ್​ಪಾಯ್ಸನ್​​ ಆದಾಗ ಆಹಾರ ಸೇವಿಸಿದ ಕೆಲವೇ ಹೊತ್ತಿನಲ್ಲಿ ಈ ರೀತಿಯ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ಇದು ಎಚ್ಚರಿಕೆಯ ಘಂಟೆ.

ಪ್ರಮುಖ ವ್ಯತ್ಯಾಸ:

ಹೊಟ್ಟೆ ಜ್ವರ ಕಾಣಿಸಿಕೊಂಡಾಗ, ವೈರಸ್​ ದಾಳಿಗೆ ಒಳಗಾದ ಕೆಲವೇ ಸಮಯದಲ್ಲಿ ಈ ಲಕ್ಷಣಗಳು ಗೋಚರಿಸುತ್ತವೆ. ಒಂದರಿಂದ ಮೂರು ದಿನದಲ್ಲಿ ಸರಿ ಹೋಗುತ್ತದೆ. ಫುಡ್​ ಪಾಯ್ಸನ್​​ನಲ್ಲಿ ಕಲುಷಿತ ಆಹಾರ ಸೇವಿಸಿ, ಕೆಲವೇ ಹೊತ್ತಿನಲ್ಲಿ ಲಕ್ಷಣ ಕಾಣಿಸಿಕೊಂಡು ಅನೇಕ ದಿನಗಳ ಕಾಲ ಇದು ಕಾಡಬಹುದು.

ಎರಡು ಆರೋಗ್ಯ ಸಮಸ್ಯೆಗಳಲ್ಲಿ ಜ್ವರ ಸಾಮಾನ್ಯ. ಫುಡ್​ ಪಾಯ್ಸನ್​​​ ಆದಾಗ ಇದರ ಲಕ್ಷಣಗಳ ತೀವ್ರತೆ ಹೆಚ್ಚಿದ್ದು, ಹೊಟ್ಟೆ ಸಮಸ್ಯೆ ಗಮನಾರ್ಹವಾಗಿ ಕಾಡುತ್ತದೆ. ಕೆಲವು ಪ್ರಕರಣಗಳಲ್ಲಿ ರಕ್ತ ಕೂಡ ಇದಕ್ಕೆ ಹಾನಿ ಮಾಡುತ್ತದೆ.

ಚಿಕಿತ್ಸೆ ಹೇಗೆ?: ಹೊಟ್ಟೆ ಜ್ವರದಲ್ಲಿ ವೈದ್ಯಕೀಯ ಹಸ್ತಕ್ಷೇಪ ಕೆಲವೊಮ್ಮೆ ಬೇಡ. ಉತ್ತಮ ವಿಶ್ರಾಂತಿ, ಹೈಡ್ರೇಷನ್​ ಮತ್ತು ಸರಳ ಆಹಾರ ಸೇವನೆಯಿಂದ ಜೀರ್ಣಕ್ರಿಯೆ ಸುಲಭವಾಗುತ್ತದೆ.

ತಡೆಗಟ್ಟುವ ಬಗೆ: ಅಗತ್ಯವಿದ್ದಾಗ ವೈದ್ಯಕೀಯ ಚಿಕಿತ್ಸೆ, ಸರಿಯಾದ ವಿಶ್ರಾಂತಿ, ಹೈಡ್ರೇಷನ್​ ಸರಳ ಆಹಾರ ಸೇವನೆ. ಫುಡ್​ ಪಾಯ್ಸನ್​ ಪ್ರಕರಣದಲ್ಲಿ ವೈದ್ಯಕೀಯ ಹಸ್ತಕ್ಷೇಪ ಅಗತ್ಯವಿದೆ. ಮಳೆಗಾಲದಲ್ಲಿ ಸಾಮಾನ್ಯವಾಗುವ ಈ ಸಮಸ್ಯೆಗಳಲ್ಲಿ ಕಲುಷಿತ ಆಹಾರ ಮತ್ತು ಪಾನೀಯ ಸೇವಿಸುವುದು ಖಾಯಿಲೆಗೆ ಕಾರಣವಾಗುತ್ತದೆ. ಶುದ್ದ ಮತ್ತು ಸುರಕ್ಷಿತ ಕ್ರಮಗಳ ಆರೋಗ್ಯ ಕಾಳಜಿ ಹೊಂದಿರವ ಆಹಾರ ಸೇವಿಸುವುದು ಅವಶ್ಯಕ. (ಐಎಎನ್​ಎಸ್​)

ಇದನ್ನೂ ಓದಿ: ನೈಟ್‌ ಶಿಫ್ಟ್‌ನಲ್ಲಿ ಕೆಲಸ ಮಾಡ್ತೀರಾ? ನಿಮಗೆ ಈ 5 ರೀತಿಯ ಆಹಾರ ಸೇವನೆ ಅತ್ಯುತ್ತಮ