ನವದೆಹಲಿ: 2023ರಲ್ಲಿ ಕಂಡಂತಹ ಮಾರಣಾಂತಿಕ ಶಾಖದ ಅಲೆಗಳು ಮುಂಬರುವ ವರ್ಷದಲ್ಲಿ ಸಾಮಾನ್ಯವಾಗಲಿದೆ. ಕಳೆದ 20 ವರ್ಷದಲ್ಲಿ ಈ ಶಾಖದ ಅಲೆಯ ಅಪಾಯಗಳು, ಸಾವಿನ ಪ್ರಮಾಣಗಳು ಗಮನಾರ್ಹವಾಗಿ ಹೆಚ್ಚಾಗುತ್ತದೆ ಎಂದು ಹೊಸ ಅಧ್ಯಯನ ಜರ್ನಲ್ ನೇಚರ್ ಕಮ್ಯೂನಿಕೇಷನ್ ತಿಳಿಸಿದೆ.
ಈ ವರ್ಷ ಅಂದರೆ, 2023ರಲ್ಲಿ ಜಗತ್ತಿನೆಲ್ಲೆಡೆ ನಾವು ಇದೀಗ ಶಾಖದ ಅಲೆಯನ್ನು ಕಾಣುತ್ತಿದ್ದೇವೆ. ಯುರೋಪ್ನಲ್ಲಿ ತಾಪಮಾನ 47.5 ಡಿಗ್ರಿ ಸೆಲ್ಸಿಯಸ್ಗೆ ತಲುಪಿದೆ. ಇತ್ತೀಚಿಗೆ ಜರುಗಿನ ಕೆಟ್ಟ ನೈಸರ್ಗಿಕ ವಿಕೋಪ ಇದಾಗಿದೆ. ಇದರಿಂದಾಗಿ 45,00 ರಿಂದ 70 ಸಾವಿರ ಸಂತ್ರಸ್ತರು ಪರಿಣಾಮಕ್ಕೆ ಒಳಗಾಗಿದ್ದಾರೆ.
ಬಿಸಿಲ ತಾಪದಿಂದ ಅರಣ್ಯಗಳಲ್ಲಿ ಕಾಡ್ಬಿಚ್ಚು ಕಂಡು ಬಂದವು, ಬೆಳೆಗಳು ನಾಶವಾದವು. ಶಾಖದ ಅಲೆಯಿಂದಾಗಿ ನಗರ ಪ್ರದೇಶದಲ್ಲಿ ತುರ್ತು ವಾರ್ಡ್ಗಳು ರೋಗಿಗಳಿಂದ ತುಂಬಿದವು. ಜಾಗತಿಕವಾಗಿ 13 ಬಿಲಿಯನ್ ನಷ್ಟ ಇದರಿಂದ ಉಂಟಾಯಿತು.
ಶತಮಾನ ಅಲ್ಲ ದಶಕಗಳಿಗೆ ಮರುಕಳಿಸುತ್ತಿರುವ ಶಾಖದ ಅಲೆ: 2023ಲ್ಲಿ ಅಧಿಕ ಬೇಸಿಗೆ ದಾಖಲಾಗಿದ್ದು, ಇದರಿಂದ ಅನೇಕ ಸಾವುಗಳು ಕಂಡು ಬಂದವು. ಈ ರೀತಿಯ ಘಟನೆ ಶತಮಾನದಲ್ಲಿ ಒಮ್ಮೆ ಬರುತ್ತಿತ್ತು. ಆದರೆ ಇದೀಗ ಇದನ್ನು ಪ್ರತಿ 10 ರಿಂದ 20 ವರ್ಷಕ್ಕೆ ಒಮ್ಮೆ ನಿರೀಕ್ಷಿಸುತ್ತಿದ್ದೇವೆ ಎಂದು ಸ್ವಿಟ್ಜರ್ಲೆಂಡ್ನ ಇನ್ಸುಟಿಟ್ಯೂಟ್ ಫಾರ್ ಎನ್ವರಮೆಂಟಲ್ ಡಿಸಿಷನ್ನ ಸಂಶೋಧಕರು, ಅಧ್ಯಯನದ ಮುಖ್ಯ ಲೇಖಕರಾದ ಸ್ಯಾಮ್ಯುಯಲ್ ಲುಥಿ ತಿಳಿಸಿದ್ದಾರೆ.
ಜಗತ್ತಿನ ಅನೇಕ ಪ್ರದೇಶದಲ್ಲಿ ಎರಡರಿಂದ ಮೂರು ವರ್ಷಕ್ಕೆ ಜಗತ್ತು 2 ಡಿಗ್ರಿ ಉಷ್ಣಾಂಶ ಏರಿಕೆ ಮಾಡುತ್ತಿದೆ. ಶಾಖದ ಸಾವಿನ ಪ್ರಮಾಣವನ್ನು ಪತ್ತೆ ಹಚ್ಚುವುದು ಹೆಚ್ಚು ಅಸಂಭವನೀಯ. ಇದು ಪ್ರತಿ 100 ವರ್ಷದಲ್ಲಿ 14 ಬಾರಿ ಆಗುತ್ತಿದ್ದು, 2 ಡಿಗ್ರಿ ತಾಪಮಾನ ಹೆಚ್ಚುತ್ತಿದೆ. ಈ ಶಾಖದ ಹೊಂದಾಣಿಕೆ ಸಾಧ್ಯವಿಲ್ಲ ಎಂದು ಭಾವಿಸಿದರೆ, ಅಂತಹ ತೀವ್ರ ಶಾಖದ ಅಲೆಗಳಿಂದ ಮರಣದ ಸಂಭವನೀಯತೆಯು 69 ಅಂಶಗಳಷ್ಟು ಹೆಚ್ಚಾಗುತ್ತದೆ ಎಂದು ಅಧ್ಯಯನವು ಹೇಳಿದೆ.
ಈ ಅಧ್ಯಯನಕ್ಕಾಗಿ ತಂಡವು ವ್ಯವಸ್ಥಿತವಾಗಿ ದೈನಂದಿನ ಶಾಖದ ಅಲೆಯಿಂದ 748 ನಗರ ಮತ್ತು ಯುರೋಪ್ನ 47 ದೇಶದ ಸಮುದಾಯಗಳಿಂದ ಮರಣಪ್ರಮಾಣದ ದತ್ತಾಂಶವನ್ನು ಪಡೆದಿದೆ. 2013ರಿಂದ ಯುರೋಪ್, ಲ್ಯಾಟಿನ್ ಅಮೆರಿಕ, ಅಮೆರಿಕ ಮತ್ತು ಕೆನಡಾದಿಂದ ದತ್ತಾಂಶ ಸಂಗ್ರಹಿಸಿದೆ.
ಸಾವಿನ ಪ್ರಮಾಣವೂ ಹೆಚ್ಚಳ: ಸಂಶೋಧಕರು, ಸರಾಸರಿ ಜಾಗತಿಕ ತಾಪಮಾನ 2000ದಲ್ಲಿ 0.7 ಡಿಗ್ರಿ, 2020ರಲ್ಲಿ 1.2 ಡಿಗ್ರಿ, 1.5 ಮತ್ತು 2 ಡಿಗ್ರಿಗಳ ಹೆಚ್ಚಳದೊಂದಿಗೆ ಸಾವಿನ ಮರಣವು ಹೇಗೆ ಬೆಳವಣಿಗೆಯಾಗುತ್ತದೆ ಎಂಬುದನ್ನು ಲೆಕ್ಕ ಹಾಕಿದ್ದಾರೆ. ಫಲಿತಾಂಶದಲ್ಲಿ ಅಧಿಕ ಶಾಖದ ಅಲೆ ಜೊತೆಗೆ ಅಧಿಕ ಸಾವಿನ ಸಂಖ್ಯೆಗಳು ಕಳೆದ 20 ವರ್ಷದಿಂದ ಗಣನೀಯವಾಗಿ ಹೆಚ್ಚಳ ಕಂಡಿದೆ.
ಗಲ್ಫ್ ಮತ್ತು ಅಮೆರಿಕದ ಅಟ್ಲಾಂಟಿಕ್ ಕೋಸ್ಟ್, ಕೋಸ್ಟ್ ಆಫ್ ಲ್ಯಾಟಿನ್ ಅಮೆರಿಕ, ಮಿಡಲ್ ಈಸ್ಟ್, ಆಗ್ನೇಯ ಏಷ್ಯಾ, ಮೆಡಿಟೇರಿಯನ್ ಪ್ರದೇಶದ ಕೆಲವು ನಿರ್ದಿಷ್ಟ ಪ್ರದೇಶದಲ್ಲಿ ಅಪಾಯದ ಶಾಖದ ಅಲೆ ಹೆಚ್ಚಿದೆ. ಆದಾಗ್ಯೂ ಸುಧಾರಿತ ಹವಾಮಾನ ಬದಲಾವಣೆ ಈ ಪ್ರದೇಶದಲ್ಲಿನ ಬೇಸಿಗೆಯೂ ದೇಶದಲ್ಲಿನ ಶಾಖದ ಅಲೆಯ ಸಾವಿನ ಪ್ರಮಾಣದಲ್ಲಿ ಶೇ 10ರಷ್ಟು ಹೆಚ್ಚಿಸಿದೆ ಎಂದು ಅಧ್ಯಯನ ಎಚ್ಚರಿಸಿದೆ.
ಅಧ್ಯಯನ ಅಂದಾಜಿಸಿದಂತೆ ಜಾಗತಿಕ ಸರಾಸರಿ ತಾಪಮಾನ ಗರಿಷ್ಠ 1.5 ರಿಂದ 2 ಡಿಗ್ರಿ ಸೆಲ್ಸಿಯಸ್ ಹೆಚ್ಚಳದ ಟ್ರಾಕ್ ಅನ್ನು ಹೊಂದಿದೆ. ಈ ನಿಟ್ಟಿನಲ್ಲಿ ತುರ್ತು ಕ್ರಮಕ್ಕೆ ಮುಂದಾಗಬೇಕಿದೆ ಎಂದು ಲೇಖಕರು ಹೇಳಿದ್ದಾರೆ.
ಇದನ್ನೂ ಓದಿ: ಮಾನಸಿಕ ಆರೋಗ್ಯದ ಮೇಲೂ ಬೀರುತ್ತದೆ ಬಿಸಿಲಿನ ತಾಪಮಾನ; ಕೆಜಿಎಂಯು ತಜ್ಞರ ಅಭಿಮತ
