ಲಂಡನ್: ಧ್ಯಾನದಂತಹ ಸಾವಧಾನತೆ ಅಭ್ಯಾಸಗಳು ಜೊತೆಗೆ ವ್ಯಾಯಾಮವೂ ಮಾನಸಿಕ ಆರೋಗ್ಯವನ್ನು ಸುಧಾರಿಸುವಲ್ಲಿ ಪ್ರಮುಖವಾಗಿದೆ ಎಂದು ಹೊಸ ಅಧ್ಯಯನ ತಿಳಿಸುತ್ತದೆ.
ಜರ್ನಲ್ ಮೆಂಟಲ್ ಹೆಲ್ತ್ ಅಂಡ್ ಫಿಸಿಕಲ್ ಆ್ಯಕ್ಟಿವಿಟಿಯಲ್ಲಿ ಈ ಅಧ್ಯಯನವನ್ನು ಪ್ರಕಟಿಸಲಾಗಿದೆ. ಮನಸ್ಥಿತಿ ಬದಲಾವಣೆ ಮತ್ತು ಆರೋಗ್ಯ ಹಾಗೂ ಯೋಗ ಕ್ಷೇಮ ಸುಧಾರಣೆಯಲ್ಲಿ ಸಾವಧಾನತೆ ಮತ್ತು ದೈಹಿಕ ಚಟುವಟಿಕೆಗಳು ಪರಿಣಾಮಕಾರಿಯಾಗಿವೆ. ಇವರೆಡನ್ನು ಸಂಯೋಜಿಸಿದಾಗ ಜೀವನ ಬದಲಾವಣೆ ಕಾಣಬಹುದಾಗಿದೆ ಎಂದು ಸಲಹೆ ನೀಡಲಾಗಿದೆ.
ಸಾವಧಾನತೆ ಮತ್ತು ದೈಹಿಕ ಚಟುವಟಿಕೆಗಳ ಅಭ್ಯಾಸಗಳು ಮನೋವೈಜ್ಞಾನಿಕ ಪ್ರಯೋಜನವನ್ನು ನೀಡುತ್ತದೆ ಎಂಬುದನ್ನು ಸ್ಥಾಪಿಸಲಾಗಿದೆ. ಈ ಎರಡನ್ನು ಸಂಯೋಜಿಸಿದಾಗ ಹೇಗೆ ಸಕಾರಾತ್ಮಕ ಪರಿಣಾಮವನ್ನು ಹೆಚ್ಚಿಸಬಹುದು ಎಂಬುದನ್ನು ಮೊದಲ ಬಾರಿ ತೋರಿಸಲಾಗಿದೆ ಎಂದು ಯುಕೆಯ ಯುನಿವರ್ಸಿಟಿ ಆಫ್ ಬಾತ್ ಸಂಶೋಧಕರು ತಿಳಿಸಿದ್ದಾರೆ.
ಸಾವಧಾನತೆಯು ವ್ಯಾಯಾಮವನ್ನು ಅನ್ಲಾಕ್ ಮಾಡಲು ಸಹಾಯ ಮಾಡುವುದರ ಜೊತೆಗೆ ಮೊದಲ ಹಂತದಿಂದ ಆರಂಭಿಸಲು ಜನರಿಗೆ ಪ್ರೋತ್ಸಾಹ ನೀಡಲು ಸಹಾಯ ಮಾಡುತ್ತದೆ. ಇದು ಸಣ್ಣ ನೋವಿನಿಂದ, ಸೋಲಿನ ಮನಸ್ಥಿತಿಯಿಂದ ಹೊರ ಬರಲು ಹೆಚ್ಚಿನ ವ್ಯಾಯಾಮವೂ ಸಹಾಯ ಮಾಡುತ್ತದೆ. ವ್ಯಾಯಾಮವೂ ಸಕಾರಾತ್ಮಕ ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ. ಆದರೆ, ಇದನ್ನು ಆರಂಭಿಸುವುದು ಕಷ್ಟ ಸಾಧ್ಯ ಮತ್ತು ಇದಕ್ಕೆ ಕಾಲಾನಂತರದಲ್ಲಿ ಅಂಟಿಕೊಂಡಿರುವುದು ಕಷ್ಟ ಎಂದು ಯುನಿವರ್ಸಿಟಿ ಡಿಪಾರ್ಟ್ಮೆಂಟ್ ಆಫ್ ಹೆಲ್ತ್ನ ಬಿಹೇವಿಯರ್ ಚೇಂಜ್ನ ತಜ್ಞ ಮಾಶಾ ರೆಮಸ್ಕರ್ ತಿಳಿಸಿದ್ದಾರೆ.
ಸಾವಧಾನತೆ ಎಂಬುದು ವ್ಯಾಯಾಮ ದೇಹವನ್ನು ಟ್ಯೂನ್ ಮಾಡಿದಂತೆ ಮಾನಸಿಕ ಶಕ್ತಿಯನ್ನು ನಮ್ಮ ದೇಹಕ್ಕೆ ಹೊಂದಿಕೆ ಆಗಲು ಬಳಕೆ ಮಾಡುವ ವಿಧಾನವಾಗಿದೆ. ಮನಸ್ಸಿಗೆ ತರಬೇತಿ ನೀಡಲು ಇದು ಸಹಾಯ ಮಾಡುತ್ತದೆ. ಇದು ವ್ಯಾಯಾಮವನ್ನು ಮತ್ತಷ್ಟು ಆಸಕ್ತಿದಾಯಕವಾಗಿಸುತ್ತದೆ.
ಹೆಚ್ಚು ಸಾವಧಾನತೆಯಿಂದ ಇರುವುದು ನಮ್ಮ ಜೀವನಶೈಲಿಯ ಬಗ್ಗೆ ವಿಭಿನ್ನವಾಗಿ ಆಲೋಚಿಸಲು ಪ್ರೋತ್ಸಾಹಿಸುತ್ತದೆ. ಇದರಿಂದ ಹೆಚ್ಚಿನ ಸ್ವೀಕಾರ ಮತ್ತು ಕಡಿಮೆ ನಿರ್ಣುವನ್ನು ಕಾಣಬಹುದು. ಇದು ಆರೋಗ್ಯಕರ ಅಭ್ಯಾಸ ನಿರ್ಮಾಣಕ್ಕೆ ಸಹಾಯ ಮಾಡುತ್ತದೆ. ವ್ಯಾಯಾಮ ನೀಡುವ ಸಕಾರಾತ್ಮಕ ಪ್ರಯೋಜನವನ್ನು ಹಿಡಿದಿಡುವಲ್ಲಿ ಸಾವಧಾನತೆ ಹೆಚ್ಚು ಸಹಾಯ ಮಾಡುತ್ತದೆ ಎಂದಿದ್ದಾರೆ ಅಧ್ಯಯನಕಾರರು.
ವ್ಯಾಯಾಮ ಮತ್ತು ಸಾವಧಾನತೆಗಳನ್ನು ಸಂಯೋಜಿಸಲು ಪರಿಣಾಮಕಾರಿತ್ವ ಮತ್ತು ಸೂಕ್ತವಾದ ಮಧ್ಯಂತರ ನಿರ್ಧರಿಸಲು ದೊಡ್ಡ ಪ್ರಯೋಗವನ್ನು ನಡೆಸಲು ತಂಡವು ನಿರ್ಧಾರ ಹೊಂದಿರುವುದಾಗಿ ತಿಳಿಸಿದೆ. (ಐಎಎನ್ಎಸ್)
ಇದನ್ನೂ ಓದಿ: ಅತಿಯಾದ ಆಶಾವಾದ ಕೂಡಾ ಕಳಪೆ ನಿರ್ಧಾರಕ್ಕೆ ಕಾರಣವಾಗುತ್ತದೆ: ಸಂಶೋಧನೆ
