ವಾಷಿಂಗ್ಟನ್: ಮರೆವಿಗೆ ಸಂಬಂಧಿಸಿದ ಅಲ್ಝೈಮರ್ ಸಮಸ್ಯೆ ಆರಂಭದಲ್ಲಿ ಪತ್ತೆ ಮಾಡುವುದಕ್ಕೆ ವಿಶ್ವಾಸಾರ್ಹ ಚಿಕಿತ್ಸೆ ಮತ್ತು ವೆಚ್ಚ ಹೆಚ್ಚಳ ಜೊತೆಗೆ ತಂತ್ರಜ್ಞಾನದ ಅವಶ್ಯಕತೆ ಇದೆ. ಆದರೆ ಇದೀಗ ರಕ್ತದ ಸಕ್ಕರೆಯ ಅಣುವಿನ ಮೂಲಕ ಇದನ್ನು ಪತ್ತೆ ಮಾಡಬಹುದಾಗಿದೆ ಎಂದು ಸ್ವೀಡನ್ ಸಂಶೋಧಕರು ತೋರಿಸಿದ್ದಾರೆ. ಇಲ್ಲಿನ ಕರೋಲಿನ್ಸ್ಕಾ ಇನ್ಸ್ಟಿಟ್ಯೂಟ್ ಸಂಶೋಧಕರು ಅಲ್ಝೈಮರ್ನಲ್ಲಿ ಪಾತ್ರವಹಿಸುವ ಪ್ರೋಟಿನ್ ಟೌ ಪ್ರಮಾಣವನ್ನು ರಕ್ತದ ಸಕ್ಕರೆ ಅಣುವಿನಲ್ಲಿ ಪತ್ತೆ ಮಾಡುವುದು ಸಾಧ್ಯ ಎಂದು ತಿಳಿಸಿದ್ದಾರೆ. ಈ ಮೂಲಕ ಮರೆವು ಸಂಬಂಧಿತ ಸಮಸ್ಯೆ ಗಳನ್ನು ಸರಳವಾಗಿ ಪತ್ತೆ ಮಾಡಬಹುದಾಗಿದೆ ಎಂದಿದ್ದಾರೆ.
ಗ್ಲೈಕಾನ್ಸ್ಗಳ ರಚನೆಗಳು ಸಕ್ಕರೆಯ ಅಣುವಿನಿಂದ ಮಾಡಿರುತ್ತದೆ, ಇದು ಡೆಮೆನ್ಶಿಯಾ ಸಶೋಧನೆಯಲ್ಲಿ ತುಲಾನಾತ್ಮಕ ಸಂಶೋಧನೆಯಾಗಿದೆ ಎಂದು ಸಂಶೋಧನೆಯ ಮೊದಲ ಲೇಖಕರಾದ ರಾಬಿನ್ ಜೂಹು ತಿಳಿಸಿದ್ದಾರೆ. ರೋಗದ ಬೆಳವಣಿಗೆಯ ಸಮಯದಲ್ಲಿ ಗ್ಲೈಕಾನ್‌ಗಳ ರಕ್ತದ ಮಟ್ಟಗಳು ಪ್ರಾರಂಭದಲ್ಲಿ ಬದಲಾಗುತ್ತದೆ ಎಂದು ತಿಳಿದು ಬಂದಿದೆ. ಇದರ ಅರ್ಥ ಇದು ಮರೆವಿನ ಕಾಯಿಲೆಯನ್ನು ರಕ್ತ ಪರೀಕ್ಷೆ ಮಾಡುವ ಮೂಲಕ ನೆನಪಿನ ಶಕ್ತಿ ಮತ್ತು ನೆನಪಿನ ಶಕ್ತಿಯೊಂದಿಗೆ ಪತ್ತೆ ಮಾಡಲು ಸಾಧ್ಯ.
ಮೆರೆವಿನ ಕಾಯಿಲೆಯಲ್ಲಿ ಮೆದುಳಿನ ನರಕೋಶಗಳು ಸಾಯುತ್ತವೆ. ಅಮಿಲಾಯ್ಡ್ ಬೀಟಾ ಮತ್ತು ಟೌ ಪ್ರೋಟೀನ್ಗಳ ಅಸಹಜ ಶೇಖರಣೆಯ ಪರಿಣಾಮವಾಗಿ ಇದು ಉಂಟಾಗುತ್ತದೆ. ಹಲವಾರು ನರಕೋಶಗಳು ಸಾಯುವ ಹಂತವನ್ನು ತಡವಾಗಿ ತೋರಿಸುತ್ತದೆ. ಇದರಿಂದ ಈ ಪ್ರಕ್ರಿಯೆಯನ್ನು ತಡೆಯುವುದು ಕಷ್ಟವಾಗುತ್ತದೆ.
ಇದರ ನಿವಾರಣೆ ಪ್ರಯೋಗಿಕ ಪತ್ತೆಗೆ ಆರ್ಥಿಕ ಅವಶ್ಯಕತೆ ಹೆಚ್ಚಿನ ಮಟ್ಟದಲ್ಲಿ ಬೇಕಿದೆ. ಇದರ ಪತ್ತೆ ಮಿದುಳಿನ ಸೆರೆಬ್ರೊಸ್ಪೈನಲ್ ದ್ರವದ ಮಾದರಿಗಳನ್ನು ತೆಗೆದುಕೊಳ್ಳುವುದು ಕೂಡ ಕಷ್ಟವಾಗಿರುವ ಹಿನ್ನಲೆ ರಕ್ತದ ಮಾದರಿ ಅಧ್ಯಯನ ಪ್ರಯೋಜನವಾಗಲಿದೆ. ಕರೋಲಿನ್ಸ್ಕಾ ಇನ್‌ಸ್ಟಿಟ್ಯೂಟ್‌ನ ಸಂಶೋಧಕರು ಈಗ ರಕ್ತದಲ್ಲಿನ ಒಂದು ನಿರ್ದಿಷ್ಟ ಗ್ಲೈಕಾನ್ ರಚನೆಯ ಮಟ್ಟವನ್ನು ವ್ಯಕ್ತಪಡಿಸಿದೆ ಇದನ್ನು ಬಿಸ್ಸೆಟೆಡ್ ಎನ್-ಅಸೆಟೈಲ್‌ಗ್ಲುಕೋಸ್ಅಮೈನ್ ಎಂದು ಸೂಚಿಸಲಾಗುತ್ತದೆ, ಆಲ್ಝೈಮರ್ನ ಕಾಯಿಲೆಯ ಅಪಾಯವನ್ನು ಪತ್ತೆ ಮಾಡಬಹುದು.
ಆಲ್ಝೈಮರ್ ಹೊಂದಿರುವವರಲ್ಲಿ ಟೌ ಪ್ರೊಟೀನ್ ಮತ್ತು ಗ್ಲೈಕಾನ್ ಮಟ್ಟಗಳ ನಡುವಿನ ಸಂಬಂಧ ಹೊಂದಿದೆ. ಗ್ಲೈಕಾನ್‌ಗಳು ಪ್ರೋಟೀನ್ಗಳ ಮೇಲ್ಮೈಯಲ್ಲಿ ಕಂಡುಬರುವ ಸಕ್ಕರೆ ಅಣುಗಳಾಗಿವೆ. ರಕ್ತದ ಗ್ಲೈಕಾನ್ ಮಟ್ಟವನ್ನು ಅಳೆಯುವ ಮೂಲಕ ಸಂಶೋಧಕರು ಗ್ಲೈಕಾನ್‌ಗಳು ಮತ್ತು ಟೌಗಳ ಹೊಂದಾಣಿಕೆಯ ಮಟ್ಟವನ್ನು ಹೊಂದಿರುವ ವ್ಯಕ್ತಿಗಳು ಆಲ್ಝೈಮರ್ ಮಾದರಿಯ ಬುದ್ಧಿಮಾಂದ್ಯತೆಯನ್ನು ಅಭಿವೃದ್ಧಿಪಡಿಸುವ ಸಾಧ್ಯತೆ ಎರಡು ಪಟ್ಟು ಹೆಚ್ಚಾಗಿದೆ ಎಂದು ಕಂಡುಹಿಡಿದರು.
ರಕ್ತದ ಗ್ಲೈಕಾನ್ ಮತ್ತು ಟೌ ಮಟ್ಟಗಳು, ಅಪಾಯದ ಜೀನ್ ಎಪಿಒಇ4 ಮತ್ತು ಮೆಮೊರಿ ಪರೀಕ್ಷೆಯನ್ನು ಗಣನೆಗೆ ತೆಗೆದುಕೊಳ್ಳುವ ಸರಳ ಅಂಕಿ ಅಂಶಗಳ ಮಾದರಿಯನ್ನು ಆಲ್ಝೈಮರ್ನ ಕಾಯಿಲೆಯನ್ನು 80 ಪ್ರತಿಶತದಷ್ಟು ವಿಶ್ವಾಸಾರ್ಹತೆಗೆ ನೆನಪಿನ ನಷ್ಟದಂತಹ ರೋಗಲಕ್ಷಣಗಳ ಮೊದಲು ಊಹಿಸಲು ಬಳಸಬಹುದು ಎಂದು ಅಧ್ಯಯನ ತಿಳಿಸಿದೆ.
ಈ ಸಂಬಂದ 233 ಭಾಗಿದಾರರನ್ನು ಪರೀಕ್ಷೆಗೆ ಒಳಪಡಿಸಲಾಗಿದೆ. 2001 ಮತ್ತು 2004 ಭಾಗಿದಾರರ ನೆನಪಿನ ಶಕ್ತಿ ನಷ್ಟ ಮತ್ತು ಬುದ್ಧಿಮಾಂದ್ಯತೆಯ ನಿಯಮಿತವಾಗಿ ಮೇಲ್ವಿಚಾರಣೆ ಮಾಡಲಾಯಿತು. ಅನುಸರಣೆಗಳನ್ನು ಪ್ರತಿ ಮೂರರಿಂದ ಆರು ವರ್ಷಗಳಿಗೊಮ್ಮೆ ನಡೆಸಲಾಯಿತು.
ಇದನ್ನೂ ಓದಿ: ಪಾರ್ಕಿನ್ಸನ್ ಕಾಯಿಲೆಗೆ ತುತ್ತಾದ ಪ್ರಮುಖ ವ್ಯಕ್ತಿಗಳಿವರು..: ರೋಗದ ಕುರಿತು ಬೇಕಿದೆ ಅರಿವು
