ನಮ್ಮ ಆರೋಗ್ಯ ಉತ್ತಮವಾಗಿ ಇರುವುದರಲ್ಲಿ ದೇಹದ ಸಾಮರ್ಥ್ಯವು (ಫಿಟ್ನೆಸ್) ಮುಖ್ಯವಾಗಿರುತ್ತದೆ. ಆ ಫಿಟ್ನೆಸ್ಗಾಗಿ ವ್ಯಾಯಾಮವು ತುಂಬಾ ಉಪಯುಕ್ತ. ಆದರೆ ವ್ಯಾಯಾಮವನ್ನು ಸರಿಯಾಗಿ ಮಾಡುವುದು ಇನ್ನೂ ತುಂಬಾ ಮುಖ್ಯವಾಗಿದೆ. ಹಾಗಾದರೆ ವ್ಯಾಯಾಮಕ್ಕೆ ಸಂಬಂಧಪಟ್ಟ ಕೆಲವು ಸಲಹೆಗಳನ್ನು ತಿಳಿಯೋಣ ಬನ್ನಿ..
- ನಿಮ್ಮ ದೇಹದಲ್ಲಿ ಸಣ್ಣಪುಟ್ಟ ಗಾಯಗಳಾಗಿದ್ದಲ್ಲಿ ವ್ಯಾಯಾಮ ನಿಲ್ಲಿಸುವುದು ಸೂಕ್ತವಲ್ಲ. ಇದರಿಂದ ನಿಮ್ಮ ಫಿಟ್ನೆಸ್ ಗುರಿ ತಲುಪಲು ಕಷ್ಟವಾಗುತ್ತದೆ. ಒಂದು ಬಾರಿ ವ್ಯಾಯಾಮ ನಿಲ್ಲಿಸಿದರೆ ಪರಿಣಾಮವಾಗಿ ಅಲ್ಲಿಯವರೆಗೆ ಮಾಡಿದ ಎಲ್ಲಾ ಪ್ರಯತ್ನದ ಬೆಳವಣಿಗೆಗಳು ಹಿಂದಕ್ಕೆ ಹೋಗುತ್ತದೆ.
- ಇನ್ನು ನೀವು ವ್ಯಾಯಾಮ ಪ್ರಾರಂಭಿಸುವ 2 ಗಂಟೆಯ ಮೊದಲು ಆಹಾರವನ್ನು ತಿನ್ನಬಾರದು. ಯಾಕೆಂದರೆ ಈ ರೀತಿ ಮಾಡುವುದರಿಂದ ನಿಮ್ಮ ಸ್ನಾಯುಗಳಿಗೆ ಸಾಕಷ್ಟು ರಕ್ತ ಪೂರೈಕೆಯಾಗುವುದಿಲ್ಲ. ಅಲ್ಲದೆ ಇದರಿಂದ ಸ್ನಾಯು ಸೆಳೆತ ಉಂಟಾಗಬಹುದು.
- ಹಾಗೆ ಪ್ರತಿ ಬಾರಿ ವ್ಯಾಯಾಮ ಪ್ರಾರಂಭಿಸುವ ಮೊದಲು ಪೂರ್ವಸಿದ್ಧತಾ ವ್ಯಾಯಾಮಗಳು ಮಾಡುವುದು ಸಹ ಮುಖ್ಯವಾಗುತ್ತದೆ. ಇದು ದೇಹದ ಉಷ್ಣತೆಯನ್ನು ಹೆಚ್ಚಿಸುದರ ಜೊತೆಗೆ ರಕ್ತ ಪೂರೈಕೆಯನ್ನು ಪುನಃಸ್ಥಾಪಿಸಲಾಗುತ್ತದೆ. ಪರಿಣಾಮ ಸ್ನಾಯುಗಳು ವಿಶ್ರಾಂತಿ ಪಡೆಯುತ್ತವೆ.
- ವ್ಯಾಯಾಮದ ಸಂದಂರ್ಭದಲ್ಲಿ ಮಾಡಲು ಬಯಸುವ ಭಂಗಿಯನ್ನು ಖಚಿತಪಡಿಸಿಕೊಳ್ಳುವುದು ಮುಖ್ಯ ಇಲ್ಲಾವಾದರೆ ಬಿದ್ದು ಗಾಯಗೊಳ್ಳುವ ಸನ್ನಿವೇಷ ಬರಬಹುದು. ಉದಾಹರಣೆಗೆ-ಟ್ರೆಡ್ ಮಿಲ್ ಮೇಲೆ ನಡೆಯುವಾಗ ಸಾಧನದ ಮೇಲೆ ಒರಗಬೇಡಿ. ಇನ್ನು, ತೂಕವನ್ನು ಎತ್ತುವಾಗ ಬೆನ್ನನ್ನು ನೇರವಾಗಿರಿಸಿ ಭುಜಗಳನ್ನು ಹಿಂದಕ್ಕೆ ಸರಿಸಿ ವಿಶ್ರಾಂತಿ ಪಡೆಯಿರಿ. ಹಾಗೆ ನಿಮ್ಮ ಮೊಣಕಾಲನ್ನು ಕೂಡ ತುಂಬಾ ಬಿಗಿಯಾಗಿ ಇಡಬೇಡಿ.
- ಕೆಲವು ರೀತಿಯ ವ್ಯಾಯಾಮಗಳನ್ನು ಮಾಡುವಾಗ, ಉಸಿರಾಟವು ಬಿಗಿಯಾಗುತ್ತದೆ. ಇದು ಆರೋಗ್ಯಕ್ಕೆ ಅಡ್ಡ ಪರಿಣಾಮ ಬೀರಬಹುದು ಯಾಕೆಂದರೆ ಉಸಿರಾಟದ ತೊಂದರೆಯು ದೇಹಕ್ಕೆ ಆಮ್ಲಜನಕವನ್ನು ಕಡಿಮೆ ಮಾಡುತ್ತದೆ. ಆದ್ದರಿಂದ ತೂಕವನ್ನು ಎತ್ತುವಂಥ ಸಂದಂರ್ಭದಲ್ಲಿ ಮೊದಲು ಆಳವಾದ ಉಸಿರನ್ನು ತೆಗೆದುಕೊಂಡು ನಂತರ ಆರಾಮವಾಗಿ ಬಿಡಬೇಕು.
- ಹೆಚ್ಚಿನವರಿಗೆ ತಮ್ಮ ದೇಹದ ಫಿಟ್ನೆಸ್ ಬೇಗ ವೃದ್ಧಿಯಾಗಬೇಕೆಂದು ತಮ್ಮ ಸಾಮರ್ಥ್ಯವನ್ನು ಮೀರಿ ವ್ಯಾಯಾಮ, ವರ್ಕೌಟ್ ಮಾಡುತ್ತಾರೆ. ಆದರೆ ನೆನಪಿಟ್ಟುಕೊಳ್ಳಿ ನಿಮ್ಮ ಶಕ್ತಿ ಮೀರಿ ಭಾರ ಎತ್ತಿದರೆ ಸ್ನಾಯುಗಳಲ್ಲಿ ನೋವು ಕಾಣಿಸಿಕೊಳ್ಳಬಹುದು. ಇದರಿಂದ ನೀವು ವ್ಯಾಯಾಮವನ್ನು ಸಂಪೂರ್ಣವಾಗಿ ನಿಲ್ಲಿಸಬೇಕಾಗಿ ಬರಬಹುದು.
ಹಾಗಾಗಿ ನೀವು ಹೆಚ್ಚು ತೂಕವನ್ನು ಎತ್ತಲು ಬಯಸಿದರೆ, ಅವುಗಳನ್ನು ಒಂದೇ ಬಾರಿಗೆ ಮಾಡುವ ಬದಲು ನಿಧಾನವಾಗಿ ಹಂತ ಹಂತವಾಗಿ ವ್ಯಾಯಾಮ ಮಾಡುವುದು ಎಲ್ಲಾ ರೀತಿಯ ದೃಷ್ಟಿಕೋನದಿಂದ ಉತ್ತಮ.
ಇದನ್ನೂ ಓದಿ: ಚಳಿಗಾಲದಲ್ಲಿ ಒಣ ಚರ್ಮ, ತಲೆ ಹೊಟ್ಟಿನ ಸಮಸ್ಯೆ ಕಾಡುತ್ತಿದ್ಯಾ?; ಇಲ್ಲಿದೆ ಪರಿಹಾರ
