ಅಂದು ಮಾತ್ರೆ, ಇಂದು ವಿಜ್ಞಾನಿಗಳು: ಕೊರೊನಾ ಅಧ್ಯಯನಕ್ಕೆ ಭಾರತೀಯ ವಿಜ್ಞಾನಿಗಳಿಗೆ ಅಮೆರಿಕ ಬುಲಾವ್​!

ಆ್ಯಂಟಿವೈರಲ್ ಲೇಪನ, ರೋಗನಿರೋಧಕ ಮಾಡ್ಯುಲೇಷನ್, ತ್ಯಾಜ್ಯ ನೀರಿನಲ್ಲಿ ಸಾರ್ಸ್​ ಸಿಒವಿ-2 (SARS CoV-2) ಅನ್ನು ಪತ್ತೆಹಚ್ಚುವುದು, ರೋಗ ಪತ್ತೆ ಮಾಡುವ ಕಾರ್ಯವಿಧಾನಗಳು, ರಿವರ್ಸ್ ಜೆನೆಟಿಕ್ಸ್ ತಂತ್ರಗಳು ಮತ್ತು ಔಷಧ ಮರು ಹಂಚಿಕೆಯಂತಹ ಮುಂತಾದ ಕ್ಷೇತ್ರಗಳಲ್ಲಿ ತಂಡಗಳು ಸಂಶೋಧನೆ ನಡೆಸಲಿವೆ.

ನ್ಯೂಯಾರ್ಕ್​: ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮನವಿಯ ಹಿನ್ನೆಲೆಯಲ್ಲಿ ಭಾರತ ಸರ್ಕಾರ ಅಮೆರಿಕಕ್ಕೆ ಹೈಡ್ರಾಕ್ಸಿಕ್ಲೋರೋಕ್ವಿನ್ ಮಾತ್ರೆಗಳನ್ನು ರಫ್ತು ಮಾಡಿದ ಬಳಿಕ, ಕೊರೊನಾ ವೈರಸ್ ಅಧ್ಯಯನಕ್ಕೆ ಭಾರತದ ವಿಜ್ಞಾನಿಗಳನ್ನು ಅಮೆರಿಕ ಆಯ್ಕೆ ಮಾಡಿಕೊಂಡಿದೆ.

ಕೋವಿಡ್​-19 ವೈರಸ್​ ರೋಗಕಾರಕ ಮತ್ತು ರೋಗ ನಿರ್ವಹಣೆಯಲ್ಲಿ ಅತ್ಯಾಧುನಿಕ ಸಂಶೋಧನೆ ನಡೆಸಲು ಭಾರತ ಮತ್ತು ಅಮೆರಿಕ ಸಂಶೋಧಕರ ಎಂಟು ತಂಡಗಳನ್ನು ಆಯ್ಕೆ ಮಾಡಲಾಗಿದೆ ಎಂದು ಮಂಗಳವಾರ ಅಧಿಕೃತ ಪ್ರಕಟಣೆಯಲ್ಲಿ ಹೇಳಿದೆ.

ಆ್ಯಂಟಿವೈರಲ್ ಲೇಪನ, ರೋಗನಿರೋಧಕ ಮಾಡ್ಯುಲೇಷನ್, ತ್ಯಾಜ್ಯ ನೀರಿನಲ್ಲಿ ಸಾರ್ಸ್​ ಸಿಒವಿ-2 (SARS CoV-2) ಅನ್ನು ಪತ್ತೆಹಚ್ಚುವುದು, ರೋಗ ಪತ್ತೆ ಮಾಡುವ ಕಾರ್ಯವಿಧಾನಗಳು, ರಿವರ್ಸ್ ಜೆನೆಟಿಕ್ಸ್ ತಂತ್ರಗಳು ಮತ್ತು ಔಷಧ ಮರುಹಂಚಿಕೆಯಂತಹ ಮುಂತಾದ ಕ್ಷೇತ್ರಗಳಲ್ಲಿ ತಂಡಗಳು ಸಂಶೋಧನೆ ನಡೆಸಲಿವೆ.

ಭಾರತ ಮತ್ತು ಅಮೆರಿಕ ಸರ್ಕಾರಗಳು ಜಂಟಿಯಾಗಿ ಧನಸಹಾಯ ನೀಡುವ ಸ್ವಾಯತ್ತ ದ್ವಿಪಕ್ಷೀಯ ಸಂಘಟನೆಯಾದ ಇಂಡೋ-ಯುಎಸ್ ಸೈನ್ಸ್ ಆ್ಯಂಡ್ ಟೆಕ್ನಾಲಜಿ ಫೋರಂ (ಐಯುಎಸ್​​ಎಸ್​ಟಿಎಫ್) ಸಂಸ್ಥೆಯಾಗಿದೆ. ಇದು ಸರ್ಕಾರಗಳ ನಡುವೆ ಶೈಕ್ಷಣಿಕ ಮತ್ತು ಕೈಗಾರಿಕೆಗಳಂತಹ ಪರಸ್ಪರ ಕ್ರಿಯೆಯ ಮೂಲಕ ವಿಜ್ಞಾನ, ತಂತ್ರಜ್ಞಾನ, ಎಂಜಿನಿಯರಿಂಗ್ ಮತ್ತು ನಾವೀನ್ಯತೆಯನ್ನು ಉತ್ತೇಜಿಸುತ್ತದೆ.

ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯದ ಅಧೀನದಲ್ಲಿರುವ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ (ಡಿಎಸ್‌ಟಿ) ಮತ್ತು ಅಮೆರಿಕದ ರಾಜ್ಯ ಇಲಾಖೆ ಆಯಾ ನೋಡಲ್ ವಿಭಾಗಗಳನ್ನು ಹೊಂದಿದೆ.