ನವದೆಹಲಿ: ಕಾಶ್ಮೀರದ ಕಣಿವೆ ಎಂದರೆ ನೆನಪಾಗುವುದು ಹಿಮಾಲಯದ ಪರ್ವತಗಳ ಜೊತೆಗೆ ರುಚಿಕರ ಸ್ಥಳೀಯ ಸೇಬುಗಳು. ಭಾರತದಲ್ಲಿ ಅನೇಕ ಬಗೆಯ ಸೇಬುಗಳನ್ನು ಬೆಳೆಯಲಾಗುವುದು. ಪ್ರತಿಯೊಂದು ಸೇಬು ಕೂಡ ತನ್ನದೇ ಆದ ಮಹತ್ವ ಹೊಂದಿದ್ದು, ಆರೋಗ್ಯ ಪ್ರಯೋಜನ ನೀಡುತ್ತದೆ. ಅಂತಹ ಸೇಬಿನ ಕುರಿತು ಮಾಹಿತಿ ಇಲ್ಲಿದೆ
ಒಟಿಪೆ ಎಂಬ ಅಗ್ರಿ ಟೆಕ್ ಸ್ಟಾರ್ಟ್ಅಪ್ನ ಉಪಾಧ್ಯಕ್ಷರಾಗಿರುವ ದೀಪಕ್ ತಿವಾರಿ, ಭಾರತದಲ್ಲಿ ಬೆಳೆಯಲಾಗುವ ಆರು ಸೇಬಿನ ವಿಶೇಷತೆ, ಅದರ ರುಚಿ ಹಾಗೂ ಅದರಿಂದಾಗುವ ಆರೋಗ್ಯ ಪ್ರಯೋಜನ ಕುರಿತು ಮಾಹಿತಿ ನೀಡಿದ್ದಾರೆ.
ಶಿಮ್ಲಾ ಸೇಬು: ಶಿಮ್ಲಾ ಸೇಬು ಸಿಹಿ ಮತ್ತು ಜ್ಯೂಸಿ ರುಚಿ ಹೊಂದಿದೆ. ಕ್ರಿಸ್ಪ್ ಟೆಕ್ಸಚರ್ ಹೊಂದಿರುವ ಈ ಸೇಬನ್ನು ಹಿಮಾಲಯದಲ್ಲಿ 6000 ಅಡಿ ಎತ್ತರದಲ್ಲಿ ಬೆಳೆಯಲಾಗುವುದು. ಇದರಲ್ಲಿ ವಿಟಮಿನ್, ಫೈಬರ್ ಮತ್ತು ಆ್ಯಂಟಿ ಆಕ್ಸಿಡೆಂಟ್ ಗುಣ ಹೊಂದಿರುತ್ತದೆ. ಸಮೃದ್ಧ ವಿಟಮಿನ್ ಸಿ ಮತ್ತು ಫೈಬರ್ ಹೊಂದಿರುವ ಶಿಮ್ಲಾ ಸೇಬು ಇಮ್ಯೂನಿಟಿ ಹೆಚ್ಚಿಸುತ್ತದೆ. ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಇದು ಶೀತ ಮತ್ತು ಸೋಂಕಿನ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.
ರೆಸಿಪಿ ಐಡಿಯಾ: ಶಿಮ್ಲಾ ಸೇಬಿಗೆ ಜೇನುತುಪ್ಪ ಮತ್ತು ವಾಲ್ನಟ್ ಹಾಕಿ ಬೆರಸಿ ಸೇವಿಸಬಹುದು
ಕಾಶ್ಮೀರಿ ಸೇಬು: ಕಾಶ್ಮೀರಿ ಕಣಿವೆಯಲ್ಲಿ ಸಿಗುವ ರಸಭರಿತ, ಸಿಹಿ ಮತ್ತು ಮೃದು ಸೇಬು ಇದಾಗಿದೆ. ಇತರೆ ಸೇಬಿಗೆ ಹೋಲಿಕೆ ಮಾಡಿದಾಗ ಇದು ಕೊಂಚ ಕಡಿಮೆ ಕೆಂಪು ಬಣ್ಣವನ್ನು ಹೊಂದಿರುತ್ತದೆ. ಹೃದಯದ ಆರೋಗ್ಯವನ್ನು ಕಾಪಾಡಲು, ಕಡಿಮೆ ಕೊಲೆಸ್ಟ್ರಾಲ್ಗೆ ಇದು ಸಹಾಯವಾಗಿದೆ. ಶ್ವಾಸಕೋಶ ಕಾರ್ಯಾಚರಣೆ, ಇಮ್ಯೂನಿಟಿ ಹೆಚ್ಚಳ, ಚರ್ಮ ಮತ್ತು ಕೂದಲ ಆರೋಗ್ಯಕ್ಕೆ ಇದು ಸಹಾಯ ಮಾಡುತ್ತದೆ.
ರೆಸಿಪಿ ಐಡಿಯಾ: ಕಾಶ್ಮೀರಿ ಸೇಬಿನ ಚಟ್ನಿ ಜೊತೆಗೆ ಏಲಕ್ಕಿ ಮತ್ತು ಚಕ್ಕೆ ಪುಡಿಯನ್ನು ಬೆರಸಿದರೆ, ರುಚಿಕರ ಆಹಾರ ಸಿದ್ದ
ಕಿನ್ನೊರ್ ಸೇಬು: ಹಿಮಾಚಲದ ಕಿನ್ನೊರ್ ಜಿಲ್ಲೆಯ ಈ ಸೇಬನ್ನು 9000 ಅಡಿ ಎತ್ತರದ ಪ್ರದೇಶದಲ್ಲಿ ಬೆಳೆಯಲಾಗುವುದು. ಈ ಬಗೆಯ ಸೇಬು ಗಾಢ ಕೆಂಪು ಬಣ್ಣದಲ್ಲಿರುತ್ತದೆ. ನೀಡಲು ಅತ್ಯಾಕರ್ಷಕವಾಗಿರುವ ಈ ಸೇಬಿನಲ್ಲಿ ವಿಟಮಿನ್ ಸಿ, ಫೈಬರ್ ಮತ್ತು ಆ್ಯಂಟಿ ಆಕ್ಸಿಡೆಂಟ್, ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಇಮ್ಯೂನಿಟಿ ಹೆಚ್ಚಿಸಿ, ತೂಕ ನಿರ್ವಹಣೆ ಮಾಡುವ ಇದು ಬಾಯಿಯ ಆರೋಗ್ಯ ಕಾಪಾಡುವಲ್ಲಿ ಸಹಾಯ ಮಾಡುತ್ತದೆ.
ರೆಸಿಪಿ ಐಡಿಯಾ: ಕಿನ್ನೋರರ್ ಸೇಬನ್ನು ಚೆನ್ನಾಗಿ ಬೇಯಿಸಿ ಸಂಜೆ ಡೆಸರ್ಟ್ಗೆ ಸೇವಿಸಬಹುದು
ಇಂಡಿಯನ್ ಗ್ರಾನಿ ಸೇಬು: ಹಿಮಾಚಲ್ ಪ್ರದೇಶ್ ಮತ್ತು ಕಾಶ್ಮೀರ ಕಣಿವೆಯಲ್ಲಿ 7000 ಅಡಿ ಎತ್ತರ ಪ್ರದೇಶದಲ್ಲಿ ಬೆಳೆಯಲಾಗುತ್ತದೆ. ರಸಭರಿತ ರುಚಿ ಜೊತೆ ಹುಳಿ ಅನುಭವವನ್ನು ನೀಡುತ್ತದೆ. ವಿಟಮಿನ್ ಸಿ, ಫೈಬರ್ ಮತ್ತು ಪೋಟಾಶಿಯಂ, ಅನ್ನು ಹೊಂದಿರುವ ಈ ಸೇಬು ಹೃದಯ ಮತ್ತು ಪಾಶ್ವವಾಯುವಿನ ಅಪಾಯವನ್ನು ತಪ್ಪಿಸುತ್ತದೆ. ತೂಕ ನಷ್ಟಕ್ಕೂ ಇದು ಸಹಾಯ ಮಾಡುತ್ತದೆ
ರೆಸಿಪಿ ಐಡಿಯಾ: ದಾಲ್ಚಿನಿ ಪುಡಿ ಜೊತೆಗೆ ಚೆನ್ನಾಗಿ ಮಿಕ್ಸ್ ಮಾಡಿದ ಇಂಡಿಯನ್ ಗ್ರಾನಿ ಸೇಬನ್ನು ಮಿಕ್ಸ್ ಅನ್ನು ಸೇವಿಸಬಹುದು
ಗೋಲ್ಡನ್ ಡಿಲಿಶಿಯಸ್ ಸೇಬು: ಕಾಶ್ಮೀರ ಮೂಲದ ಈ ಹಣ್ಣು ರಸಭರಿತ ಮತ್ತು ತುಂಬಾ ಸಿಹಿಯಿಂದ ಕೂಡಿದೆ. ಹಳದಿ- ಗೋಲ್ಡನ್ ಬಣ್ಣದ ಇದು ಅದ್ಬುತ ರುಚಿಯನ್ನು ಹೊಂದಿದೆ. ಈ ಸೇಬು ಆ್ಯಂಟಿಮೈಕ್ರೋಬಿಯಲ್ ಬೆಂಬಲ ನೀಡಿ, ಶಕ್ತಿಯನ್ನು ಹೆಚ್ಚಿಸಿ, ರಕ್ತದ ಸಕ್ಕರೆಯನ್ನು ನಿಯಂತ್ರಿಸುತ್ತದೆ. ದೇಹದ ರೋಗ ನಿರೋಧಕ ವ್ಯವಸ್ಥೆಯನ್ನು ಅಭಿವೃದ್ದಿ ಮಾಡಿ ಒಟ್ಟಾರೆ ಆರೋಗ್ಯಕ್ಕೆ ಸಹಾಯಕವಾಗಿದೆ.
ರೆಸಿಪಿ ಐಡಿಯಾ: ಪೌಷ್ಟಿಕಾಂಶ ಮತ್ತು ನಿಮ್ಮಿಷ್ಟದ ಆಹಾರಗಳ ಜೊತೆಗೆ ಈ ಗೋಲ್ಡನ್ ಡಿಲಿಶಿಯಸ್ ಸೇಬನ್ನು ಸವಿಯಬಹುದಾಗಿದೆ.
ರಾಯಲ್ ಗಾಲಾ ಸೇಬು: ಈ ಸೇಬು ತಿಳಿ ಕೆಂಪಿನಿಂದ ಗುಲಾಬಿ ಬಣ್ಣದಲ್ಲಿ ಇರುತ್ತದೆ. ಇದು ಕೂಡ ನಿಮ್ಮ ಬಾಯಲ್ಲಿ ನೀರೂರಿಸುವ ರುಚಿಯ ಸ್ವಾದವನ್ನು ನೀಡುತ್ತದೆ. ಇದರಲ್ಲೂ ಪೋಟಾಶಿಯಂ ಜೊತೆಗೆ ಆರೋಗ್ಯಯುತ ರಕ್ತದೊತ್ತಡ ನಿಯಂತ್ರಿಸುವ ಅಮಶ ಇದೆ.
ರೆಸಿಪಿ ಐಡಿಯಾ: ನಿಮ್ಮಿಷ್ಟದ ಸಿಹಿ ತಿನಿಸಿನ ಜೊತೆಗೆ ಈ ರಾಯಲ್ ಗಾಲಾ ಸೇಬಿನ ತುರಿಯನ್ನು ಸೇರಿಸಿ ಸೇವಿಸಬಹುದು. (ಐಎಎನ್ಎಸ್)
ಇದನ್ನೂ ಓದಿ: ನವರಾತ್ರಿ ಉಪವಾಸದಲ್ಲಿ ರುಚಿಕರ, ಆರೋಗ್ಯ ಆಹಾರಗಳನ್ನು ಸುಲಭವಾಗಿ ತಯಾರಿಸಿ..
