ಅಳುತ್ತಾ ಕಿರಿಕಿರಿ ಮಾಡ್ತಿದೆ ಎಂದು 9 ತಿಂಗಳ ಹೆಣ್ಣು ಮಗುವನ್ನೇ ಕೊಲೆ ಮಾಡಿದ ಕಿರಾತಕ ತಂದೆ

ತುಂಬಾ ಅಳುತ್ತಿದ್ದೆ ಎಂದು ಕಿರಿಕಿರಿ ತಾಳದೇ 9 ತಿಂಗಳ ಕಂದಮ್ಮನನ್ನು ತಂದೆಯೊಬ್ಬ ಕೊಲೆ ಮಾಡಿದ ಘಟನೆ ನಡೆದಿದೆ.

ಯಾದಗಿರಿ: ಹೆಣ್ಣು ಮಗು ಹುಟ್ಟಿದೆ ಎಂದು ಮೊದಲಿನಿಂದಲೂ ಸಿಟ್ಟಿನಲ್ಲಿ ಪಾಪಿಯೊಬ್ಬ 9 ತಿಂಗಳ ಹಸುಗೂಸನ್ನು ಕುಡಿದ ಮತ್ತಿನಲ್ಲಿ ಕೊಲೆ ಮಾಡಿದ ಅಮಾನವೀಯ ಪ್ರಕರಣ ಜಿಲ್ಲೆಯ ಬದ್ದೆಪಲ್ಲಿ ಗ್ರಾಮದಲ್ಲಿ ನಡೆದಿದೆ.

ತನುಶ್ರೀ ಮೃತ ಕಂದಮ್ಮ. ರಾಮು ಪಲ್ಲುರ್ ಕೊಲೆ ಮಾಡಿದ ಆರೋಪಿ ತಂದೆ. ರಾಮು ಮತ್ತು ಸಾವಿತ್ರಿ ದಂಪತಿಗೆ 9 ತಿಂಗಳ ಹಿಂದೆ ಹೆಣ್ಣು ಮಗು ಜನಿಸಿತ್ತು. ಹೆಣ್ಣು ಮಗು ಜನಿಸಿದ್ದಕ್ಕೆ ರಾಮು ಪಲ್ಲುರ್​​ ಬೇಸರಗೊಂಡಿದ್ದ. ಮಗುವಿನ ಆರೈಕೆಗಾಗಿ ಕೂಲಿ ಕೆಲಸ ಬಿಟ್ಟು ಪತ್ನಿ ಮನೆಯಲ್ಲೇ ಇದ್ದರು. ಮನೆಯಲ್ಲಿ ನಾನೇ ಮಗುವನ್ನು ನೋಡಿಕೊಳ್ಳುತ್ತೇನೆ, ನೀನು ಕೆಲಸಕ್ಕೆ ಹೋಗು ಎಂದು ಪತ್ನಿಯನ್ನು ಪತಿ ನವೆಂಬರ್ 30 ರಂದು ಕೆಲಸಕ್ಕೆ ಕಳುಹಿಸಿದ್ದ.