ಕೃಷ್ಣಾ ನದಿ ಹಿನ್ನೀರಿನಲ್ಲಿ ಚಕ್ಕಡಿ ಮುಳುಗಿ ಜೋಡೆತ್ತು ಸಾವು

ಗುಂಡಪ್ಪ ಭೀಮಪ್ಪ ಮುದೂರ ಎಂಬುವರಿಗೆ ಸೇರಿದ ಎತ್ತುಗಳು ಕೃಷ್ಣಾ ನದಿ ಹಿನ್ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿವೆ. ಈ ಘಟನೆಯು ಮುದ್ದೇಬಿಹಾಳ ತಾಲೂಕಿನ ಹುನಕುಂಟಿ ಗ್ರಾಮದಲ್ಲಿ ನಡೆದಿದ್ದು, ಮುದ್ದೇಬಿಹಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವಿಜಯಪುರ: ಕೃಷ್ಣಾ ನದಿ ಹಿನ್ನೀರಿನಲ್ಲಿ ಚಕ್ಕಡಿ ಮುಳುಗಿ ಎರಡು ಎತ್ತುಗಳು ಸಾವನ್ನಪ್ಪಿರುವ ಘಟನೆ ಮುದ್ದೇಬಿಹಾಳ ತಾಲ್ಲೂಕಿನ ಹುನಕುಂಟಿ ಗ್ರಾಮದಲ್ಲಿ ನಡೆದಿದೆ.

ಗುಂಡಪ್ಪ ಭೀಮಪ್ಪ ಮುದೂರ ಎಂಬುವರಿಗೆ ಸೇರಿದ ಎತ್ತುಗಳು ಘಟನೆಯಲ್ಲಿ ಮೃತಪಟ್ಟಿವೆ. ಹೊಲದಲ್ಲಿ ಕೆಟ್ಟಿದ್ದ ಮೋಟರ್ ತರಲು ಹೋದ ವೇಳೆ, ಹಿನ್ನೀರಿನ ನದಿ ಪಾತ್ರದಲ್ಲಿನ ತಗ್ಗಿನಲ್ಲಿ ಸಂಗ್ರಹವಾಗಿದ್ದ ನೀರಿನಲ್ಲಿ ಎತ್ತಿನ ಚಕ್ಕಡಿ ಮುಗುಚಿ ಬಿದ್ದ ಪರಿಣಾಮ ಈ ದುರ್ಘಟನೆ ಸಂಭವಿಸಿದೆ.

ಘಟನೆಯಲ್ಲಿ ಇಬ್ಬರು ರೈತರು, ಓರ್ವ ಬಾಲಕ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಆದರೆ, ಎರಡು ಎತ್ತುಗಳು ಅಸುನೀಗಿದ್ದು, ಮುದ್ದೇಬಿಹಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.