ಮುದ್ದೇಬಿಹಾಳ (ವಿಜಯಪುರ) : ಹೊಲದಲ್ಲಿ ಕೆರೆ ಹಾವು ಹಾಗೂ ನಾಗರ ಹಾವುಗಳೆರಡು ಸೇರಿ ಮಿಲನದಲ್ಲಿ ನಿರತವಾಗಿರುವ ದೃಶ್ಯ ಸೆರೆಯಾಗಿದೆ.
ತಾಲೂಕಿನ ಕೊಣ್ಣೂರ ಗ್ರಾಮದಲ್ಲಿ ಈ ದೃಶ್ಯ ಶನಿವಾರ ಬೆಳಕಿಗೆ ಬಂದಿವೆ. ಗ್ರಾಮ ವಿದ್ಯುತ್ ಪ್ರತಿನಿಧಿ ಬಸನಗೌಡ ಯಾಳವಾರ ಅವರ ಹೊಲದಲ್ಲಿ ಕೆರೆ ಹಾವು ಹಾಗೂ ನಾಗರಹಾವುಗಳೆರಡರ ಮಿಲನದ ದೃಶ್ಯ ಸೆರೆಯಾಗಿದೆ.
ಹೊಲದಲ್ಲಿ ಕೆರೆ ಹಾವು ಹಾಗೂ ನಾಗರಹಾವುಗಳ ಮಿಲನದ ದೃಶ್ಯ ಸೆರೆ..
ಹಾವುಗಳ ಈ ದೃಶ್ಯವನ್ನು ಸುತ್ತಮುತ್ತಲಿನ ಗದ್ದೆಗಳಲ್ಲಿ ಕೆಲಸ ಮಾಡುವ ರೈತರು ಕುತೂಹಲ ಭರಿತರಾಗಿ ವೀಕ್ಷಿಸಿದ್ದಾರೆ. ಒಂದು ಗಂಟೆಗೂ ಹೆಚ್ಚು ಕಾಲ ಹಾವುಗಳೆರಡು ಹೊಲ ಬಿಟ್ಟು ಕದಲಲಿಲ್ಲ ಎಂದು ಹೊಲದ ಮಾಲೀಕ ಬಸನಗೌಡ ಈಟಿವಿ ಭಾರತಕ್ಕೆ ಮಾಹಿತಿ ನೀಡಿದ್ದಾರೆ.
