ವಿಜಯಪುರದಲ್ಲಿ ಕೊನೆಗೂ ಸರಿಯಾಯ್ತು ಓಪನ್​ ಜಿಮ್​​​: ಈಟಿವಿ ಭಾರತ ವರದಿ ಫಲಶೃತಿ

ವಿಜಯಪುರದ ಉದ್ಯಾನವನದಲ್ಲಿ ಸಾರ್ವಜನಿಕರಿಗೆ ವ್ಯಾಯಾಮ ಮಾಡಲು ಅನುಕೂಲವಾಗಲೆಂದು ಓಪನ್​ ಜಿಮ್​ ವ್ಯವಸ್ಥೆ ಕಲ್ಪಿಸಲಾಗಿತ್ತು. ಆದರೆ ಜಿಮ್​​​ ಉಪಕರಣಗಳ ಫಿಟಿಂಗ್ ಸರಿಯಾಗಿರದೆ ತೊಂದರೆಯಾಗಿತ್ತು. ಈ ಅವ್ಯವಸ್ಥೆ ಕುರಿತು ಈಟಿವಿ ಭಾರತ ವಿಸ್ತ್ರತ ವರದಿ ಪ್ರಕಟಿಸಿದ ಹಿನ್ನೆಲೆಯಲ್ಲಿ ಅಧಿಕಾರಿಗಳು ಎಚ್ಚೆತ್ತುಕೊಂಡಿದ್ದಾರೆ.

ವಿಜಯಪುರ: ಅಂತೂ ಇಂತೂ ವಿಜಯಪುರ ಮಹಾನಗರದಲ್ಲಿ ಪಾಲಿಕೆ ಅಧಿಕಾರಿಗಳು ಸಾರ್ವಜನಿಕರಿಗೆ ಕಲ್ಪಿಸಲಾಗಿದ್ದ ಓಪನ್ ಜಿಮ್ ಅವ್ಯವಸ್ಥೆ ಸರಿಪಡಿಸಿದ್ದಾರೆ.

ನಗರದ 14 ಉದ್ಯಾನವನದಲ್ಲಿ ಸಾರ್ವಜನಿಕರಿಗೆ ವ್ಯಾಯಾಮ ಮಾಡಲು ಅನುಕೂಲವಾಗಲೆಂದು ಓಪನ್ ಜಿಮ್ ವ್ಯವಸ್ಥೆ ಅಳವಡಿಸಿದ್ದರು. ಆದರೆ ಕೆಲ ಉದ್ಯಾನವನದಲ್ಲಿ ಜಿಮ್​​​ಗಳ ಫಿಟಿಂಗ್ ಸರಿಯಾಗಿರಲಿಲ್ಲ. ಈ ಕುರಿತು ಈಟಿವಿ ಭಾರತ ವರದಿ ಪ್ರಕಟಿಸಿತ್ತು. ವರದಿಯಿಂದ ಎಚ್ಚೆತ್ತ ಅಧಿಕಾರಿಗಳು, ನಗರದ ಗುರುಪಾದೇಶ್ವರ ನಗರದ ಉದ್ಯಾನವನದಲ್ಲಿ ಓಪನ್ ಜಿಮ್​​ಗೆ ಸಿಮೆಂಟಿನ ಹೊಸ ಪರ್ಸಿ ಅಳವಡಿಸಿದ್ದಾರೆ.

ಓಪನ್ ಜಿಮ್​​ಗೆ ಅಳವಡಿಸಿದ್ದ ಸಿಮೆಂಟ್ ಕಿತ್ತು ಹೋಗಿದ್ದ ಕಾರಣ, ವ್ಯಾಯಾಮ ಮಾಡುವಾಗ ಮಹಿಳೆಯೊಬ್ಬರು ಬಿದ್ದು ಗಾಯಗೊಂಡಿರುವ ಕುರಿತು ಈಟಿವಿ ಭಾರತ ವರದಿ ಪ್ರಕಟಿಸಿ ಅಧಿಕಾರಿಗಳ ಗಮನಸೆಳೆದಿತ್ತು.