ವಿಜಯಪುರ: ಕೊರೊನಾ ಭೀತಿಯಿಂದ ಎಲ್ಲ ಜಾತ್ರೆ, ಸಭೆ, ಸಮಾರಂಭ, ದೇವಸ್ಥಾನ ಪ್ರವೇಶವನ್ನು ರಾಜ್ಯಾದ್ಯಂತ ನಿರ್ಬಂಧಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ಹನುಮ ಜಯಂತಿಯನ್ನು ನಗರದ ಶಿಕಾರಖಾನೆ ಬಡಾವಣೆಯಲ್ಲಿರುವ ಹನುಮಾನ್ ಮಂದಿರದಲ್ಲಿ ಅರ್ಚಕರೊಬ್ಬರು ಆಂಜನೇಯ ಮೂರ್ತಿಗೆ ಮಾಸ್ಕ್ ಹಾಕುವ ಮೂಲಕ ವಿಶೇಷವಾಗಿ ಆಚರಿಸಿದ್ದಾರೆ.
ಹನುಮ ಜಯಂತಿಯನ್ನು ನಗರದಲ್ಲಿ ಪ್ರತಿ ವರ್ಷ ಅದ್ದೂರಿಯಾಗಿ ಆಚರಿಸಲಾಗುತ್ತಿದೆ. ಆದರೆ, ಈ ವರ್ಷ ದೇವಸ್ಥಾನ ಬಂದ್ ಮಾಡಿದ ಕಾರಣ ದೇವಸ್ಥಾನದತ್ತ ಭಕ್ತರು ಸುಳಿಯುತ್ತಿಲ್ಲ.
ನಗರದ ಮನಗೂಳಿ ಅಗಸಿಯ ಆಂಜನೇಯ ದೇವಸ್ಥಾನ ಪ್ರತಿ ಶನಿವಾರ, ಅಮವಾಸ್ಯೆ, ಹನುಮ ಜಯಂತಿ ದಿನ ಜನಜಂಗುಳಿ ಸೇರುತ್ತಿತ್ತು. ಆದರೆ ಈ ವರ್ಷ ದೇವಸ್ಥಾನ ಬಿಕೋ ಎನ್ನುತ್ತಿದೆ.
