ವಿಜಯಪುರ: ಸಿದ್ದೇಶ್ವರ ಸ್ವಾಮೀಜಿ ಚೇತರಿಸಿಕೊಂಡಿದ್ದಾರೆ. ಸದ್ಯ ಆರೋಗ್ಯವಾಗಿದ್ದು, ಭಕ್ತರಿಗೆ ದರ್ಶನ ಕೊಡುತ್ತಿದ್ದಾರೆ. ಯಾವುದೇ ವದಂತಿಗಳಿಗೆ ಭಕ್ತರು ಕಿವಿಕೊಡಬಾರದು ಎಂದು ಜ್ಞಾಜಯೋಗಾಶ್ರಮ ಪ್ರಕಟಣೆ ಹೊರಡಿಸಿದೆ.
ಇಲ್ಲಿನ ಜ್ಞಾನಯೋಗಾಶ್ರಮದ ಮೊದಲ ಮಹಡಿಯಿಂದಲೇ ಮಧ್ಯಾಹ್ನ 1 ಮತ್ತು ಸಾಯಂಕಾಲ 5ಗಂಟೆಗೆ ಸ್ವಾಮೀಜಿ ದರ್ಶನ ನೀಡಿದ್ದರು. ಆದ್ರೆ ಸಂಜೆ ಭಕ್ತರು ಹೆಚ್ಚಿಗೆ ಬಂದ ಕಾರಣ ಸ್ವಾಮೀಜಿ ಮತ್ತೆ ಸಂಜೆ 7ಕ್ಕೆ ದರ್ಶನ ನೀಡಿದರು. ಸ್ವಾಮೀಜಿ ಕಂಡ ಕೂಡಲೇ ಭಕ್ತರು ಚಪ್ಪಾಳೆ ಹೊಡೆದು ಹರ್ಷ ವ್ಯಕ್ತಪಡಿಸಿದರು. ಈ ವೇಳೆ ಸ್ವಾಮೀಜಿ ಆಶೀರ್ವಾದ ಮಾಡಿದರು. ನಾಳೆಯಿಂದ ಭಕ್ತರು ಮಧ್ಯಾಹ್ನ ಮಾತ್ರ ದರ್ಶನ ಪಡೆಯಬೇಕೆಂದು ಆಶ್ರಮದ ಅಧ್ಯಕ್ಷ ಬಸವಲಿಂಗ ಸ್ವಾಮೀಜಿ ಮನವಿ ಮಾಡಿದರು.
ಮೊದಲ ಮಹಡಿಯಿಂದ ನೆಲ ಮಹಡಿಗೆ ಲಿಫ್ಟ್ ಮೂಲಕ ವ್ಹೀಲ್ ಚೇರ್ನಲ್ಲಿ ಸ್ವಾಮೀಜಿ ಆಗಮಿಸಿ, ಕೆಲಕಾಲ ವಿಹರಿಸಿದ್ದಾರೆ. ನಾಳೆಯಿಂದ ಎಂದಿನಂತೆ ಪೂಜೆ ನೆರವೇರಲಿದೆ ಎಂದು ಬಸವಲಿಂಗ ಸ್ವಾಮೀಜಿ ತಿಳಿಸಿದರು. ಇತ್ತೀಚೆಗೆ ಕೆಲ ದಿನಗಳಿಂದ ಸಿದ್ದೇಶ್ವರ ಸ್ವಾಮೀಜಿ ಅನಾರೋಗ್ಯದಿಂದ ಬಳಲುತ್ತಿದ್ದರು. ಸದ್ಯ ಚೇತರಿಸಿಕೊಂಡಿದ್ದು, ಇಂದಿನಿಂದ ಭಕ್ತರಿಗೆ ದರ್ಶನ ಕೊಡುತ್ತಿದ್ದಾರೆ.
(ಇದನ್ನೂ ಓದಿ: ಸಿದ್ದೇಶ್ವರ ಶ್ರೀಗಳನ್ನು ಭೇಟಿ ಮಾಡಿ ಆರೋಗ್ಯ ವಿಚಾರಿಸಿದ ಮುರುಗೇಶ ನಿರಾಣಿ )
