ಜಾಗ ಅಳತೆ ಮಾಡಿಕೊಡಲು ₹ 5 ಸಾವಿರ ಲಂಚ ಕೇಳಿದ.. ಕೊನೆಗೆ ಎಸಿಬಿ ಬಲೆಗೆ ಬಿದ್ದ ಪ್ರಥಮ ದರ್ಜೆ ಸಹಾಯಕ..

ಜಮೀನನ್ನು ಅಳತೆ ಮಾಡಿಕೊಡಲು 5000 ಸಾವಿರ ಲಂಚ ಕೇಳಿದ FDA ಅಧಿಕಾರಿ ಮಹ್ಮದ್​ ರಫೀಕ್ ಗೋಳಸಂಗಿ ಎಸಿಬಿ ಬಲೆಗೆ ಬಿದ್ದಿದ್ದು, ವಿಜಯಪುರ ಎಸಿಬಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವಿಜಯಪುರ: ಒಂದು ಗುಂಟೆ ಜಮೀನನ್ನು ಅಳತೆ ಮಾಡಿಕೊಡಲು 5000 ಸಾವಿರ ಲಂಚ ಕೇಳಿದ ಪ್ರಥಮ ದರ್ಜೆ ಸಹಾಯಕರೊಬ್ಬರು ಎಸಿಬಿ ಬಲೆಗೆ ಬಿದ್ದಿದ್ದಾರೆ.

ಎಸಿಬಿ ಬಲೆಗೆ ಬಿದ್ದ ಎಫ್​ಡಿಎ ಅಧಿಕಾರಿ..

ವಿಜಯಪುರ ನಗರದ ಹೊಸ ತಹಶೀಲ್ದಾರ ಕಚೇರಿಯಲ್ಲಿ ಎಸಿಬಿ ದಾಳಿ ನಡೆಸಿದ್ದು, ಮಹ್ಮದ್​ ರಫೀಕ್ ಗೋಳಸಂಗಿ ಎಸಿಬಿ ಬಲೆಗೆ ಬಿದ್ದ ಪ್ರಥಮ ದರ್ಜೆ ಸಹಾಯಕ. ತಮ್ಮ ಒಂದು ಗುಂಟೆ ಜಮೀನನ್ನು ಅಳತೆ ಮಾಡಿಕೊಡಲು ಶಬ್ಬೀರ್ ಅಹ್ಮದ್ ಅತ್ತಾರ್ ಎಂಬುವರು ವಿನಂತಿಸಿದ್ದರು. ಆದರೆ, ಎಫ್​ಡಿಎ ಮಹ್ಮದ್ ರಫೀಕ್ ಇದಕ್ಕೆ 5000 ರೂ. ಲಂಚ ಕೇಳಿದ್ದರು. ಈ ಬಗ್ಗೆ ಶಬ್ಬೀರ್‌ ಎಸಿಬಿಗೆ ದೂರು ನೀಡಿದ್ದರು. ಇಂದು ಕಚೇರಿಯಲ್ಲಿ ಹಣ ಸ್ವೀಕರಿಸುವ ಸಮಯದಲ್ಲಿ ಎಸಿಬಿ ಡಿವೈಎಸ್ಪಿ ಮಲ್ಲೇಶ ದೊಡಮನಿ ನೇತೃತ್ವದಲ್ಲಿ ದಾಳಿ ನಡೆಸಲಾಗಿತ್ತು. ವಿಜಯಪುರ ಎಸಿಬಿ ಪೊಲೀಸ್ ಠಾಣೆಯಲ್ಲಿ ಆರೋಪಿ ಮೊಹ್ಮದ್‌ ರಫೀಕ್‌ ವಿರುದ್ಧ ಪ್ರಕರಣ ದಾಖಲಾಗಿದೆ.