ವಾರ್ಡ್​ಗಳಲ್ಲಿ 'ಆರೋಗ್ಯ ಮಾಹಿತಿ ಪಡೆಯುವ ಜವಾಬ್ದಾರಿ 'ಪುರಸಭೆ' ಸದಸ್ಯರದ್ದು

60 ವರ್ಷ ಮೇಲ್ಪಟ್ಟವರಿಗೆ ಈ ಸೋಂಕು ಹೆಚ್ಚಿನ ಪ್ರಮಾಣದಲ್ಲಿ ಹರಡಲಿದ್ದು, ಈ ಹಿನ್ನೆಲೆ ಹೆಚ್ಚಿನ ಕಾಳಜಿ ವಯಸ್ಸಾದವರ ಮೇಲೆ ಇಡಬೇಕು. ಸಕ್ಕರೆ ಕಾಯಿಲೆ ಸೇರಿ ಇನ್ಯಾವುದೇ ರೀತಿ ಕಾಯಿಲೆ ಇದ್ದರೆ ಸಮೀಕ್ಷೆಗೆ ಬಂದ ವೇಳೆ ತಿಳಿಸಿ ತಾಲೂಕು ಆಡಳಿತಕ್ಕೆ ಸಹಕರಿಸಬೇಕು ಎಂದರು.

ಭಟ್ಕಳ: ಈ ಬಾರಿ ಗಂಭೀರವಾಗಿ ಆರೋಗ್ಯ ಸಮೀಕ್ಷೆ ನಡೆಸಬೇಕಾಗಿದ್ದು, ಪುರಸಭೆ ಸದಸ್ಯರು ಇದರ ಜವಾಬ್ದಾರಿ ಹೊತ್ತು ಸಹಕರಿಸಬೇಕಿದೆ ಎಂದು ಪುರಸಭೆ ಸಹಾಯಕ ಆಯುಕ್ತ ಭರತ ಎಸ್. ಹೇಳಿದರು.

ಇಲ್ಲಿನ ಅರ್ಬನ್​​ ಬ್ಯಾಂಕ್ ಹಾಲ್‍ನಲ್ಲಿ ನಡೆದ ಆರೋಗ್ಯ ಸಮೀಕ್ಷೆ ಕುರಿತ ಸಭೆಯಲ್ಲಿ ಅಧ್ಯಕ್ಷತೆ ವಹಿಸಿದ್ದ ಅವರು ಮಾತನಾಡಿ, ಆಯಾ ಪುರಸಭೆ ಸದಸ್ಯರು ತಮ್ಮ ವಾರ್ಡ್​​ಗಳಲ್ಲಿನ ಮನೆಯ ಸದಸ್ಯರ ಆರೋಗ್ಯ ತಪಾಸಣೆಯ ಬಗ್ಗೆ ಅವರಿಗೆ ಮನವರಿಕೆ ಮಾಡಿ ಮಾಹಿತಿ ಪಡೆದುಕೊಳ್ಳುವಂತೆ ತಿಳಿಸಿದರು.

ತಹಶೀಲ್ದಾರ್​ ಎಸ್. ರವಿಚಂದ್ರ ಮಾತನಾಡಿ, ತಾಲೂಕು ‘ಗ್ರೀನ್ ಝೋನ್​​ ಹೋಗಬೇಕಾದ ಸಂದರ್ಭದಲ್ಲಿ ಇನ್ನೊಂದು ಪ್ರಕರಣ ಪತ್ತೆಯಾಗಿದೆ. ಈ ಬಗ್ಗೆ ಕಟ್ಟುನಿಟ್ಟಿನ ನಿರ್ಣಯ ತೆಗೆದುಕೊಂಡಿದ್ದೇವೆ. ಹೆಲ್ತ್ ಸರ್ವೆ ಪಡೆಯಲು ಹೋದ ವೇಳೆ ಕಾರಣಾಂತರಗಳಿಂದ ಮಾಹಿತಿ ಸಿಕ್ಕಿಲ್ಲ. ಈ ಬಗ್ಗೆ ಐಜಿಪಿ, ಸಂಸದರು ಭಟ್ಕಳಕ್ಕೆ ಬಂದು ಸೂಕ್ತ ಸೂಚನೆ ನೀಡಿದ್ದು, ಅದರಂತೆ ಕಾರ್ಯೋನ್ಮುಖರಾಗಲಿದ್ದೇವೆ. ಈ ಬಗ್ಗೆ ಪುರಸಭೆ ಸದಸ್ಯರು ಅವರ ಸಹಕಾರದ ಜೊತೆಗೆ ಕರ್ತವ್ಯ ನಿಭಾಯಿಸಬೇಕಿದೆ ಎಂದರು. ಆರೋಗ್ಯ ವಿಭಾಗದ ನೋಡಲ್​ ಅಧಿಕಾರಿ ಡಾ. ಶರದ ನಾಯಕ ಮಾತನಾಡಿ, ಈಗಾಗಲೇ 4 ಬಾರಿ ಸಮೀಕ್ಷೆ ಆಗಿದ್ದರೂ ಸಹ ಸರಿಯಾದ ಮಾಹಿತಿ ಸಿಕ್ಕಿಲ್ಲ. ಚಿಕ್ಕ ಪುಟ್ಟ ಅನಾರೋಗ್ಯವಿದ್ದರೂ ಸಹ ಅದರ ಬಗ್ಗೆ ಮಾಹಿತಿ ನೀಡಬೇಕು. 60 ವರ್ಷ ಮೇಲ್ಪಟ್ಟವರಿಗೆ ಈ ಸೋಂಕು ಹೆಚ್ಚಿನ ಪ್ರಮಾಣದಲ್ಲಿ ಹರಡಲಿದ್ದು, ಈ ಹಿನ್ನೆಲೆ ಹೆಚ್ಚಿನ ಕಾಳಜಿ ವಯಸ್ಸಾದವರ ಬಗ್ಗೆ ಇಡಬೇಕು. ಸಕ್ಕರೆ ಕಾಯಿಲೆ ಸೇರಿ ಇನ್ಯಾವುದೇ ರೀತಿ ಕಾಯಿಲೆ ಇದ್ದರೆ ಸಮೀಕ್ಷೆಗೆ ಬಂದ ವೇಳೆ ತಿಳಿಸಿ ತಾಲೂಕಾಡಳಿತಕ್ಕೆ ಸಹಕರಿಸಬೇಕು ಎಂದರು.