ಕಾರವಾರ: ಫೋರ್ಜರಿ ಸಹಿಮಾಡಿ ಬ್ಯಾಂಕಿಗೆ ಮೋಸ ಮಾಡಿದ ಆರೋಪಿಗೆ ಹೊನ್ನಾವರದ ಹಿರಿಯ ಸಿವಿಲ್‌ ಮತ್ತು ಜೆ.ಎಂ.ಎಫ್.ಸಿ. ನ್ಯಾಯಾಲಯ 3 ವರ್ಷ ಜೈಲು ಶಿಕ್ಷೆ ಮತ್ತು ರೂ. 30 ಸಾವಿರ ದಂಡ ವಿಧಿಸಿದೆ. ಕುಮಟಾದ ದೇವರಹಕ್ಕಲದ ಪ್ರಭಾತನಗರ ನಿವಾಸಿಯಾದ ರವೀಂದ್ರ ವಾಸುದೇವ ನಾಯ್ಕ ಬಂದಿತ ಆರೋಪಿಯಾಗಿದ್ದು, ತಾಲೂಕು ಪಂಚಾಯತ್ನಲ್ಲಿ ಎಫ್ಡಿಸಿಯಾಗಿ ಕಾರ್ಯನಿರ್ವಹಿಸುತ್ತಿದ್ದರು.
ಬ್ಯಾಂಕಿನ ಲೆಟರ್ ಹೆಡ್ ಮತ್ತು ಫಾರ್ಮ ನಂ. 35ರಲ್ಲಿ ಬ್ಯಾಂಕಿನವರು ಹೈಪೋಥಿಕೇಶನ್ ಸ್ಥಗಿತಗೊಳಿಸಲು ಹೊನ್ನಾವರ ಎ.ಆರ್.ಟಿ.ಓಗೆ ಬ್ಯಾಂಕಿನಿಂದ ತಂದಿರುವ ಪತ್ರದಂತೆ ನಕಲಿಸಿದ್ದ ಪತ್ರವನ್ನು ನೀಡಿದ್ದರು. ಅಲ್ಲದೇ ಬ್ಯಾಂಕ್ ವ್ಯವಸ್ಥಾಪಕರ ನಕಲಿ ಸಹಿ ಮಾಡಿ ಪತ್ರದ ಮೇಲೆ ಬ್ಯಾಂಕ್ ಶೀಲ್ನ್ನು ಹಾಕಿದ್ದರು. ನಕಲಿ ಫಾರ್ಮ್ನ್ನು ಎ.ಆರ್.ಟಿ.ಓ ಕಚೇರಿಯಲ್ಲಿ ಹಾಜರುಪಡಿಸಿ ತಮ್ಮ ವಾಹನಕ್ಕೆ ಬ್ಯಾಂಕನೊಂದಿಗೆ ಇರುವ ಹೈಪೋಥಿಕೇಶನ್ ಸ್ಥಗಿತಗೊಳಿಸಿಕೊಂಡು ಬ್ಯಾಂಕಿಗೆ ಮೋಸ ಮಾಡಿದ್ದರು ಎನ್ನಲಾಗ್ತಿದೆ.
ರವೀಂದ್ರ ಅಕ್ಟೋಬರ್ 17 2008 ರಂದು ತನ್ನ ವಾಹನವನ್ನು ಖರೀದಿಗಾಗಿ ಕುಮಟಾ ಕಾರ್ಪೊರೇಶನ್ ಬ್ಯಾಂಕಿನಿಂದ 5.70 ಸಾವಿರ ಸಾಲ ಪಡೆದಿದ್ದನು. ಸಾಲ ಮರುಪಾವತಿಸದೆ ತನ್ನ ವಾಹನಕ್ಕೆ ಈ ಬ್ಯಾಂಕನೊಂದಿಗೆ ಇರುವ ಹೈಪೋಥಿಕೇಶನ್ ಸ್ಥಗಿತಗೊಳಿಸಿದ್ದನು.
ಪುನಃ ಬೇರೆ ಬ್ಯಾಂಕಿನಿಂದ ಇದೇ ವಾಹನದ ಮೇಲೆ ಸಾಲ ಪಡೆಯುವ ದುರುದ್ದೇಶದಿಂದ ಇನ್ನೋರ್ವ ಆರೋಪಿ ಮಹೇಶ ಅಚ್ಯುತ ನಾಯ್ಕ ಸಹಾಯ ಪಡೆದಿದ್ದು, ಬ್ಯಾಂಕಿಗೆ ಸಂಬಂಧಿಸಿದ ಲೆಟರ್ ಹೆಡ್ ಮತ್ತು ಸೀಲ್ ಸೃಷ್ಟಿಸಿಕೊಂಡಿದ್ದರು. ಬ್ಯಾಂಕಿಗೆ ಮೋಸ ಮಾಡಿದ ಬಗ್ಗೆ ಹೊನ್ನಾವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.
ಇದನ್ನೂ ಓದಿ: ಪತ್ರಕರ್ತ ಮೊಹಮ್ಮದ್ ಜುಬೇರ್ರನ್ನು ಬೆಂಗಳೂರಿಗೆ ಕರೆತಂದ ಪೊಲೀಸರು
