ಭಟ್ಕಳ: ಜಾಲಿ ಪಟ್ಟಣ ಪಂಚಾಯತ್ನ 13 ವಾರ್ಡ್ನ ಚುನಾವಣೆಯಲ್ಲಿ 6 ಪಕ್ಷೇತರರು ಅತೀ ಹೆಚ್ಚು ಗೆಲುವು ಸಾಧಿಸಿರುವುದರ ಮೂಲಕ ತಮ್ಮ ಪ್ರಭಾವ ತೋರಿಸಿದ್ದು, 7 ಅವಿರೋಧ ಆಯ್ಕೆ ಸೇರಿ ಬಹುಪಾಲು ತಂಜೀಂ ಬೆಂಬಲಿತ ಅಭ್ಯರ್ಥಿಗಳು ಒಟ್ಟಾರೆ ಗೆಲುವು ಸಾಧಿಸಿದಂತಾಗಿದೆ.
ಸೋಮವಾರದಂದು ನಡೆದ ಚುನಾವಣೆಯಲ್ಲಿ ಅಭ್ಯರ್ಥಿಗಳ ಮತ ಭವಿಷ್ಯವು ಗುರುವಾರದಂದು ಇಲ್ಲಿನ ಶ್ರೀ ಗುರು ಸುಧೀಂದ್ರ ಕಾಲೇಜಿನಲ್ಲಿ ನಡೆದ ಮತ ಎಣಿಕೆಯ ಮೂಲಕ ಕೊನೆಗೊಂಡಿತು. ಜಾಲಿ ಪಟ್ಟಣ ಪಂಚಾಯತ್ನ ಒಟ್ಟು 20 ವಾರ್ಡ್ಗಳಲ್ಲಿ 7 ಸ್ಥಾನವನ್ನು ಅವಿರೋಧವಾಗಿ ಪಕ್ಷೇತರರು ಆಯ್ಕೆಯಾಗಿದ್ದರು. ಬಳಿಕ ನಿಗದಿಯಂತೆ ಚುನಾವಣೆ 13 ವಾರ್ಡ್ಗಳಲ್ಲಿ ನಡೆದಿದ್ದು, ಇದರಲ್ಲಿ 4 ಕಾಂಗ್ರೆಸ್, 3 ಬಿಜೆಪಿ, 6 ಸ್ಥಾನದಲ್ಲಿ ಪಕ್ಷೇತರ ಗೆಲುವು ಕಾಣುವ ಮೂಲಕ ಒಟ್ಟು 13 ಸ್ಥಾನದಲ್ಲಿ ಪಕ್ಷೇತರರು ಗೆಲುವು ಕಂಡಿದ್ದಾರೆ.
ಬಹುತೇಕ ಪಕ್ಷೇತರರು ತಂಜೀಂ ಸಂಸ್ಥೆ ಬೆಂಬಲದಿಂದ ಕಣಕ್ಕೆ ಇಳಿದಿದ್ದು, ಮೊದಲೇ ಅವರ ಗೆಲುವು ನಿಗದಿಪಡಿಸಿಕೊಂಡಂತೆ ವಿಶ್ವಾಸದಲ್ಲಿದ್ದರು. ಇನ್ನು ಈ ಬಾರಿ ಆಶ್ಚರ್ಯಕರ ರೀತಿಯಲ್ಲಿ 72 ನೋಟಾ ಮತ ಹಾಕಿರುವ ಮತದಾರರು 3, 8 ಹಾಗೂ 11ನೇ ವಾರ್ಡ್ನಲ್ಲಿ ಕ್ರಮವಾಗಿ 12, 12 ಮತ್ತು 15 ನೋಟಾ ಮತ ಚಲಾಯಿಸಿದ್ದಾರೆ.
ತಹಶೀಲ್ದಾರ್ ಎಸ್. ರವಿಚಂದ್ರ, ಚುನಾವಣಾಧಿಕಾರಿ ಕ್ಷೇತ್ರ ಶಿಕ್ಷಣಾಧಿಕಾರಿ ದೇವಿದಾಸ ಮೋಗೆರ ಉಪಸ್ಥಿತಿಯಲ್ಲಿ ಮುಂಜಾನೆ 8 ಗಂಟೆಗೆ ಆರಂಭಗೊಂಡ ಮತ ಎಣಿಕೆಯು 13 ವಾರ್ಡ್ಗಳ ಮತ ಕ್ಷೇತ್ರದಲ್ಲಿ ಮುಕ್ತಾಯಗೊಂಡಿತು. ಮತ ಎಣಿಕೆ ಹೊರ ಭಾಗದಲ್ಲಿ ಅಭ್ಯರ್ಥಿಗಳ ನೂರಾರು ಬೆಂಬಲಿಗರು ಮಲ್ಲಿಗೆ ಹಾರ ಹಾಕಿ ಅಭ್ಯರ್ಥಿಗಳ ಗೆಲುವಿಗೆ ಎರಡು ಪಕ್ಷದ ಹಾಗೂ ಪಕ್ಷೇತರ ಅಭ್ಯರ್ಥಿಗಳ ಬೆಂಬಲಿಗರು ಸಂಭ್ರಮ ಪಟ್ಟರು.
ಡಿವೈಎಸ್ಪಿ ಬೆಳ್ಳಿಯಪ್ಪ, ಸಿಪಿಐ ದಿವಾಕರ, ಮಹಾಬಲೇಶ್ವರ ನಾಯ್ಕ, ನಗರ ಹಾಗೂ ಗ್ರಾಮೀಣ ಪೊಲೀಸ್ ಠಾಣಾ ಪಿಎಸ್ಐಗಳು ಸಿಬ್ಬಂದಿ ಮತ ಎಣಿಕೆ ಕೇಂದ್ರದಲ್ಲಿ ಬಿಗಿ ಭದ್ರತೆ ಒದಗಿಸಿದರು. ಒಟ್ಟಾರೆ, ಈ ಬಾರಿ ಪಟ್ಟಣ ಪಂಚಾಯತ್ ಆಡಳಿತ ತಂಜೀಂ ಬೆಂಬಲಿತ ಪಕ್ಷೇತರರ ಕೈಗೆ ಹೋಗುವ ಸಾಧ್ಯತೆಗಳಿದ್ದು, ಆಡಳಿತ ವೈಖರಿಯು ಹೇಗಿರಲಿವೆ ಎಂಬುದನ್ನು ಕಾದು ನೋಡಬೇಕಿದೆ.
ಓದಿ: ಸಿಇಒಗಳ ಕಾರ್ಯನಿರ್ವಹಣೆಗೆ ಜಿಲ್ಲಾವಾರು ಶ್ರೇಯಾಂಕ ವ್ಯವಸ್ಥೆ ಜಾರಿ: ಸಿಎಂ
