ಉಡುಪಿ: ಸಾಂಪ್ರದಾಯಿಕ ಶೈಲಿಯ ಗೂಡು ದೀಪಗಳನ್ನು ತಯಾರಿಸುವ ಯುವತಿಯರು

ಬಣ್ಣ ಬಣ್ಣದ ಗೂಡು ದೀಪಗಳು, ಬೆಳಕಿನ ಅಂದ ಹೆಚ್ಚಿಸುತ್ತವೆ. ಮನೆ ಮುಂದೆ ಕಂಗೊಳಿಸುವ ಸಾಂಪ್ರದಾಯಿಕ ಗೂಡು ದೀಪಗಳನ್ನು ತಯಾರಿಸುವುದೇ ಒಂದು ವಿಶಿಷ್ಟ ಕಲೆ. ಇಂತಹ ಕಲೆಯನ್ನು ಕರಗತ ಮಾಡಿಕೊಂಡ ಯುವತಿಯರ ತಂಡ ಬಗೆ ಬಗೆಯ ಗೂಡುದೀಪಗಳನ್ನು ತಯಾರಿಸುತ್ತಿದೆ.

ಉಡುಪಿ: ಇತ್ತೀಚಿನ ವರ್ಷಗಳಲ್ಲಿ ಚೀನಿ ಗೂಡು ದೀಪಗಳನ್ನು ಓವರ್ ಟೇಕ್ ಮಾಡಿ ಸಾಂಪ್ರದಾಯಿಕ ಗೂಡು ದೀಪಗಳು ‌ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಇದೇ ಸಮಯವನ್ನು ಬಂಡವಾಳವನ್ನಾಗಿ ಮಾಡಿಕೊಂಡಿರುವ ಯುವತಿಯರ ತಂಡ ಕಳೆದ ನಾಲ್ಕು ವರ್ಷಗಳಿಂದ ಸಾಂಪ್ರದಾಯಿಕ ಗೂಡು ದೀಪಗಳನ್ನು ತಯಾರಿಸುತ್ತಿದೆ.

ದೀಪಾವಳಿ ಹಬ್ಬದ ಮುಂಚಿತದ ನಾಲ್ಕು ತಿಂಗಳ ಮೊದಲೇ ಹೆಣ್ಣುಮಕ್ಕಳ ತಂಡ, ಬಿದಿರಿನ ಗೂಡು ದೀಪಗಳನ್ನು ತಯಾರಿಸಲು ಶುರು ಮಾಡುತ್ತಾರೆ. ಪ್ಲಾಸ್ಟಿಕ್ ರಹಿತವಾದ ಗೂಡು ದೀಪಗಳು ಅಪ್ಪಟ ಮಂಟಪ ಶೈಲಿ ಹೋಲುತ್ತವೆ. ಗೂಡು ದೀಪದ ಒಳಗೆ ಹಣತೆ ಅಥವಾ ಲೈಟ್ ಇಡುವುದಕ್ಕೂ ವ್ಯವಸ್ಥೆ ಮಾಡಿದ್ದಾರೆ. ಬಣ್ಣದ ಕಾಗದಗಳನ್ನು ಅಂಟಿಸಿ, ವಿಶೇಷವಾದ ಮೆರುಗನ್ನು ಅದಕ್ಕೆ ನೀಡುತ್ತಾರೆ.

ಸದ್ಯ ಕೃಷ್ಣನೂರಿನ ಈ ಯುವತಿಯರು ತಯಾರಿಸುವ ಗೂಡು ದೀಪಗಳಿಗೆ ಮಾರುಕಟ್ಟೆಯಲ್ಲಿ ಸಖತ್ ಡಿಮ್ಯಾಂಡ್ ಇದೆ. ನಂದಿತಾ ಆಚಾರ್ಯ ಮತ್ತು ಮಮತಾ ಅವರ ತಂಡ ಈ ಗೂಡು ದೀಪಗಳನ್ನು ತಯಾರಿಸುತ್ತಿದೆ.

ಇದನ್ನೂ ಓದಿ: ದೀಪದ ಬೆಳಕಲ್ಲಿ ಕಂಗೊಳಿಸಿದ ಅಯೋಧ್ಯೆ.. 14 ಲಕ್ಷ ದೀಪೋತ್ಸವಕ್ಕೆ ಪ್ರಧಾನಿ ಮೋದಿ ಚಾಲನೆ