ಉಡುಪಿ : ಕಾಂತಾರ ಚಿತ್ರ ವಿಶ್ವದಾದ್ಯಂತ ಪ್ರದರ್ಶನ ಕಂಡು ಹೊಸ ದಾಖಲೆಗಳನ್ನು ಸೃಷ್ಟಿ ಮಾಡಿದೆ. ಸಿನೆಮಾ ಬಿಡುಗಡೆಯಾಗಿ 50 ದಿನ ಪೂರೈಸಿ ಅತಿ ಹೆಚ್ಚು ಗಳಿಕೆ ಮಾಡಿದ್ದು, ಅತಿ ಹೆಚ್ಚು ಗಳಿಕೆ ಮಾಡಿದ ಕನ್ನಡದ ಎರಡನೇ ಸಿನೆಮಾ ಎಂಬ ಖ್ಯಾತಿಗೆ ಭಾಜನವಾಗಿದೆ. ಈ ಮೂಲಕ ನಟ ಮತ್ತು ನಿರ್ದೇಶಕ ರಿಷಬ್ ಶೆಟ್ಟಿ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಹೊರ ಹೊಮ್ಮಿದ್ದಾರೆ.
ರಿಷಭ್ ಶೆಟ್ಟಿಯವರನ್ನೇ ಹೋಲುವ ವ್ಯಕ್ತಿಯೊಬ್ಬರು ಉಡುಪಿಯಲ್ಲಿ ಇದ್ದಾರೆ. ಒಂದು ಕ್ಷಣ ನೀವು ನೋಡುವಾಗ ಕಾಂತಾರ ಸಿನೆಮಾದ ಶಿವನಂತೆಯೇ ಕಂಡರೂ ಇವರು ಅವರಲ್ಲ.
ನೋಡಲು ರಿಷಭ್ ಶೆಟ್ಟಿಯಂತೆಯೇ ಕಾಣುವ ಪ್ರದೀಪ್ : ಇವರ ಹೆಸರು ಪ್ರದೀಪ್ ಆಚಾರ್ಯ. ಉಡುಪಿಯ ಶಿರ್ವದ ನಿವಾಸಿ. ಮೊಬೈಲ್ ಶಾಪ್ವೊಂದರಲ್ಲಿ ಕೆಲಸ ಮಾಡುತ್ತಿರುವ ಇವರು, ಕಾಂತಾರ ಸಿನೆಮಾ ಯಶಸ್ಸಿನ ಬಳಿಕ ಮುನ್ನಲೆಗೆ ಬಂದಿದ್ದಾರೆ. ಇನ್ನು ಇವರ ಅಂಗಡಿಗೆ ಬಂದವರು ಅಯ್ಯೋ ನೀವು ರಿಷಬ್ ಶೆಟ್ಟಿ ಥರಾನೇ ಇದ್ದೀರಿ ಎಂದು ಹೇಳಿದ್ರಂತೆ.
ಆಮೇಲೆ ಪ್ರದೀಪ್ ಅವರು ಅದೇ ರೀತಿ ಬಿಳಿ ಪಂಚೆ, ಅರ್ಧ ತೋಳಿನ ಶರ್ಟ್ ಹಾಕಿಕೊಳ್ಳಲು ಪ್ರಾರಂಭಿಸಿದರು. ಇದೀಗ ಇವರ ಜೊತೆ ಸೆಲ್ಫಿ ತೆಗೆದುಕೊಳ್ಳಲು ಜನ ಮುಗಿ ಬೀಳ್ತಾ ಇದ್ದಾರೆ. ಇನ್ನು ಈ ಬಗ್ಗೆ ಸಂತಸ ವ್ಯಕ್ತಪಡಿಸುವ ಪ್ರದೀಪ್ ಆಚಾರ್ಯ, ರಿಷಭ್ ಶೆಟ್ಟಿಯವರನ್ನೊಮ್ಮೆ ಭೇಟಿ ಮಾಡಿ ಸೆಲ್ಫಿ ತೆಗೆದುಕೊಳ್ಳಬೇಕೆಂಬ ಇಂಗಿತವನ್ನು ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ : ವಿಶ್ವದಾದ್ಯಂತ ಕಾಂತಾರ ಅಬ್ಬರ.. 400 ಕೋಟಿ ರೂ. ದಾಟಿದ ರಿಷಬ್ ಶೆಟ್ಟಿ ಸಿನಿಮಾ!
