ಸುಂಟರಗಾಳಿಗೆ ನಾಶವಾದ ಅಡಿಕೆ, ಬಾಳೆ ತೋಟ

ಉಡುಪಿಯ ಕಾರ್ಕಳ ತಾಲೂಕಿನಲ್ಲಿ ಬೆಳಗ್ಗೆ ಬೀಸಿದ ಸುಂಟರಗಾಳಿಗೆ ಮನೆ ಹಂಚು, ಶೀಟ್​ಗಳು ಹಾರಿಹೋಗಿವೆ. ಬೆಳೆದುನಿಂತ ಅಡಕೆ, ಬಾಳೆಗಳು ನೆಲಕಚ್ಚಿವೆ. ಇದರಿಂದ ಅಪಾರ ಪ್ರಮಾಣದ ಆಸ್ತಿ ನಾಶವಾಗಿದೆ.

ಉಡುಪಿ: ಕಾರ್ಕಳ ತಾಲೂಕಿನಲ್ಲಿ ಬೆಳ್ಳಂಬೆಳಗ್ಗೆ ಎದ್ದ ಸುಂಟರಗಾಳಿಗೆ ಮನೆ ಮೇಲಿನ ಹಂಚುಗಳು ಹಾರಿಹೋಗಿವೆ. ಬೆಳೆದು ನಿಂತ ಬಾಳೆ, ತೆಂಗಿನ ಮರಗಳು ಮುರಿದು ಬಿದ್ದಿವೆ.

ಗಾಳಿಯ ರಭಸಕ್ಕೆ ನೆಲಕಚ್ಚಿದ ಅಡಿಕೆ, ಬಾಳೆ ಬೆಳೆಗಳು

ತಾಲೂಕಿನ ಪೆರ್ವಾಜೆ ಮತ್ತು ಬೊಬ್ಬಳ ಪರಿಸರದ ಹತ್ತಕ್ಕೂ ಹೆಚ್ಚು ಮನೆಯ ಶೀಟುಗಳು ಮತ್ತು ಹಂಚು ಗಾಳಿ ಹೊಡೆತಕ್ಕೆ ಹಾರಿ ಹೋಗಿದ್ದು, ಅಡಿಕೆ, ಬಾಳೆ ತೆಂಗಿನ‌ಮರಗಳು ಕೂಡಾ ತುಂಡಾಗಿ ಬಿದ್ದಿದೆ. ಸುಮಾರು 10ಲಕ್ಷ ರೂ.ಗೂ ಹೆಚ್ಚು ನಷ್ಟ ಸಂಭವಿಸಿದೆ ಎಂದು ಅಂದಾಜಿಸಲಾಗಿದೆ.