ಕರಾವಳಿಯಲ್ಲಿ ಉಗ್ರರ ಜಾಡು: ಮಲ್ಪೆ ಬಂದರಿನಲ್ಲಿ ಅಲರ್ಟ್ ನೊಟೀಸ್

ಕರಾವಳಿಯಲ್ಲಿ ಉಗ್ರರ ಪ್ರವೇಶ ಶಂಕೆಯಿಂದಾಗಿ ಉಡುಪಿಯ ಮಲ್ಪೆ ಬಂದರಿನಲ್ಲಿ ಕರಾವಳಿ ಕಾವಲು ಪೊಲೀಸರು ನೊಟೀಸ್ ಅಂಟಿಸಿದ್ದಾರೆ. ಶಂಕಿತ ಉಗ್ರನನ್ನು ಹೋಲುವ ವ್ಯಕ್ತಿ ಕಂಡಲ್ಲಿ ತಿಳಿಸುವಂತೆ ಸೂಚಿಸಿದ್ದಾರೆ.

ಉಡುಪಿ: ಉಗ್ರರ ಪತ್ತೆಗೆ ಕರ್ನಾಟಕ ಕರಾವಳಿಯಲ್ಲಿ ಅಲರ್ಟ್ ನೊಟೀಸ್ ಅಂಟಿಸಲಾಗಿದೆ. ಉಡುಪಿಯ ಮಲ್ಪೆ ಬಂದರಿನಲ್ಲಿ ಕರಾವಳಿ ಕಾವಲು ಪೊಲೀಸರು ನೊಟೀಸ್ ಅಂಟಿಸಿದ್ದಾರೆ.

ಅಲರ್ಟ್ ನೊಟೀಸ್

ಆರು ಮಂದಿ ಉಗ್ರರು ತಮಿಳುನಾಡು ಪ್ರವೇಶಿಸಿರುವ ಬಗ್ಗೆ ಮಾಹಿತಿಯಿದ್ದು, ಲಷ್ಕರ್ ಈ ತೋಯ್ಬಾ ಉಗ್ರಗಾಮಿ ಸಂಘಟನೆ ಸದಸ್ಯರು ಎಂದು ಹೇಳಲಾಗ್ತಿದೆ. ಇವರಲ್ಲಿ ಓರ್ವ ಪಾಕ್ ಪ್ರಜೆ ಇರುವುದಾಗಿ ಮಾಹಿತಿ ತಿಳಿದುಬಂದಿದೆ. ಭಾರತದಲ್ಲಿ ವಿಧ್ವಂಸಕ ಕೃತ್ಯ ಎಸಗುವ ಬಗ್ಗೆ ಎಚ್ಚರ ವಹಿಸಲಾಗಿದ್ದು, ಶಂಕಿತನನ್ನು ಹೋಲುವ ವ್ಯಕ್ತಿ ಕಂಡಲ್ಲಿ ಕರಾವಳಿ ಕಾವಲುಪಡೆ ಪೊಲೀಸರಿಗೆ ತಿಳಿಸುವಂತೆ ಸೂಚಿಸಲಾಗಿದೆ.