ಉಡುಪಿಯಲ್ಲಿ ಹಾಡಹಗಲೇ 2 ಲಕ್ಷ ಹಣ ದೋಚಿ ಬೈಕ್​ನಲ್ಲಿ ಖದೀಮರು ಎಸ್ಕೇಪ್​!

ಉಡುಪಿ ಜಿಲ್ಲೆಯ ಕಾರ್ಕಳ ತಾಲೂಕು ಕಾಬೆಟ್ಟಿನಲ್ಲಿ ಹಾಡಹಗಲೇ ಕಳ್ಳರು ಎರಡು ಲಕ್ಷ ಹಣ ದೋಚಿದ ಘಟನೆ ನಡೆದಿದೆ.

ಉಡುಪಿ: ಕಾರ್ಕಳ ತಾಲೂಕು ಕಾಬೆಟ್ಟಿನಲ್ಲಿ ಹಾಡಹಗಲೇ ಕಳ್ಳರು ಎರಡು ಲಕ್ಷ ಹಣ ದೋಚಿದ ಘಟನೆ ನಡೆದಿದೆ.

ಮಾಲಿನಿ ಕಾರ್ಕಳ ಎಂಬುವವರು ಸಿಂಡಿಕೇಟ್ ಬ್ಯಾಂಕ್​ನಿಂದ ಡ್ರಾ ಮಾಡಿದ್ದ ಎರಡು ಲಕ್ಷ ರೂ. ಹಣವನ್ನು ಕಳ್ಳರು ಎಗರಿಸಿದ್ದಾರೆ. ಮಾಲಿನಿ ಕಾಬೆಟ್ಡು ರೇಷನ್ ಅಂಗಡಿ ಬಳಿ ತಮ್ಮ ವಾಹನದಲ್ಲಿ ಹಣ ಇರಿಸಿ ದಿನಸಿ ಸಾಮಾನು ಖರೀದಿಸುತ್ತಿದ್ದರು.

ಬ್ಯಾಂಕ್​​ನಿಂದಲೇ ಹಿಂಬಾಲಿಸಿಕೊಂಡು ಬಂದಿದ್ದ ದುಷ್ಕರ್ಮಿಗಳು ಕಾರಿನಲ್ಲಿದ್ದ ಹಣ ದೋಚಿ ಬೈಕ್​ನಲ್ಲಿ ಪರಾರಿಯಾಗಿದ್ದಾರೆ. ಬೈಕ್​ ಹಿಂಬಾಲಿಸಿದರೂ ದುಷ್ಕರ್ಮಿಗಳು ಪರಾರಿಯಾಗಿದ್ದಾರೆ. ಈ ಸಂಬಂಧ ಕಾರ್ಕಳ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.