ತುಮಕೂರು: ಲಾಕ್ಡೌನ್ ಅಗತ್ಯವಿರುವ ವೈದ್ಯರು ಸೇರಿದಂತೆ ಕೆಲವು ಆಯ್ದ ವಾಹನಗಳಿಗೆ ಮಾತ್ರ ಪಾಸ್ ವಿತರಿಸಲಾಗಿತ್ತು. ಇನ್ನು ತುಮಕೂರಲ್ಲಿ ಈ ಪಾಸ್ಗಳು ದುರ್ಬಳಕೆಯಾಗುತ್ತಿವೆ ಎಂಬ ಆರೋಪ ಕೇಳಿಬಂದಿತ್ತು. ಈ ಹಿನ್ನೆಲೆ ಇಂದು ವ್ಯಕ್ತಿಯೊಬ್ಬರ ವಾಹನದ ಪಾಸ್ ಪರಿಶೀಲಿಸಿದಾಗ ಗುಬ್ಬಿ ಶಾಸಕರ ಹೆಸರಲ್ಲಿ ಪಾಸ್ ಬಳಸಿರುವುದು ಪತ್ತೆಯಾಗಿದೆ.
ಎನ್.ರಮೇಶ್ ಎಂಬುವರ ಹೆಸರಿನಲ್ಲಿ, ಪದ ನಾಮ- ಶಾಸಕರು ಗುಬ್ಬಿ, ಕಚೇರಿ- ಗುಬ್ಬಿ ಎಂದು ಗುರುತಿನ ಪತ್ರದಲ್ಲಿ ನಮೂದಾಗಿದೆ. ಆದರೆ ಗುಬ್ಬಿ ವಿಧಾನಸಭಾ ಕ್ಷೇತ್ರದ ಶಾಸಕ ಶ್ರೀನಿವಾಸ್ ಅವರ ಶಾಸಕ ಹುದ್ದೆಯನ್ನು ರಮೇಶ್ ಎಂಬುವರು ಬಳಸಿರುವುದು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ. ಈ ಕುರಿತಂತೆ ಪರಿಶೀಲನೆ ನಡೆಸುವುದಾಗಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ವಂಶಿಕೃಷ್ಣ ಸ್ಪಷ್ಟನೆ ನೀಡಿದ್ದಾರೆ.
