ಮಳೆಗಾಗಿ ಕೆರೆಯಲ್ಲಿ ನಿಂತು ನಮಾಜ್​​

ಮಳೆಗಾಲ ಆರಂಭವಾಗಿ ತಿಂಗಳು ಕಳೆದರೂ ಸರಿಯಾಗಿ ಮಳೆಯಾಗದ ಕಾರಣ ತುಮಕೂರು ಜಿಲ್ಲೆ ದೊಡ್ಡ ಅಗ್ರಹಾರ ಗ್ರಾಮದ ಮುಸಲ್ಮಾನರು ಕೆರೆಯಲ್ಲಿ ನಿಂತು ನಮಾಜ್​​ ಮಾಡುವ ಮೂಲಕ ಉತ್ತಮ ಮಳೆಗಾಗಿ ದೇವರಲ್ಲಿ ಪ್ರಾರ್ಥಿಸಿದರು.

ತುಮಕೂರು: ಮಳೆಗಾಲ ಆರಂಭವಾಗಿ ತಿಂಗಳು ಕಳೆದರೂ ಸರಿಯಾಗಿ ಮಳೆಯಾಗದ ಕಾರಣ ಉತ್ತಮ ಮಳೆಗಾಗಿ ಮುಸ್ಲಿಂ ಬಾಂಧವರಿಂದ ವಿಶೇಷ ಪ್ರಾರ್ಥನೆ ನಡೆಯಿತು.

ಜಿಲ್ಲೆಯ ಶಿರಾ ತಾಲೂಕಿನ ದೊಡ್ಡ ಅಗ್ರಹಾರ ಗ್ರಾಮದ ಮುಸ್ಲಿಂ ಬಾಂಧವರು ಕೆರೆಯಲ್ಲಿ ನಿಂತು ನಮಾಜ್​​ ಮಾಡುವ ಮೂಲಕ ಉತ್ತಮ ಮಳೆಗಾಗಿ ದೇವರಲ್ಲಿ ಪ್ರಾರ್ಥಿಸಿದರು. ಬಳಿಕ ಮಾತನಾಡಿ, ಮಳೆಗಾಲ ಆರಂಭವಾಗಿ ಒಂದು ತಿಂಗಳು ಕಳೆದರೂ ಇದುವರೆಗೆ ಮಳೆ ಹನಿ ಭೂಮಿಗೆ ತಲುಪಿಲ್ಲ. ಇದರಿಂದಾಗಿ ನಾಡಿನಲ್ಲಿ ಬರದ ಛಾಯೆ ಮೂಡಿದೆ. ಪ್ರಕೃತಿಗೆ ಯಾವುದೇ ಜಾತಿ, ಧರ್ಮವಿಲ್ಲ. ಆ ದೇವರು ಕರುಣೆಯ ನೋಟ ಬೀರಿದರೆ ದೇಶ ಸುಭಿಕ್ಷವಾಗಲು ಕ್ಷಣ ಸಾಕು ಎಂದರು.