ತುಮಕೂರು: ಸ್ಮಾರ್ಟ್ ಸಿಟಿಯಾಗಿ ಆಯ್ಕೆಯಾದ ನಂತರ ತುಮಕೂರು ನಗರದಲ್ಲಿ ಸಾಕಷ್ಟು ಅಭಿವೃದ್ಧಿ ಕಾಮಗಾರಿ ನಡೆಯುತ್ತಿದೆ, ಕೆಲವು ವೇಗವಾಗಿ ನಡೆದರೆ ಮತ್ತೆ ಕೆಲ ಕಾಮಗಾರಿ ಆಮೆಗತಿಯಲ್ಲಿ ಸಾಗುತ್ತಿದೆ ಇದರ ಮಧ್ಯೆ ಸ್ಮಾರ್ಟ್ ಸಿಟಿ ಯೋಜನೆಯಲ್ಲಿ ಸಿದ್ಧವಾಗಿರುವ ಹೈಟೆಕ್ ಬಸ್ ನಿಲ್ದಾಣ ಎಲ್ಲರನ್ನು ಸೆಳೆಯುತ್ತಿದೆ.
ಸ್ಮಾರ್ಟ್ ಸಿಟಿ ತುಮಕೂರಿನಲ್ಲಿ ಎಲ್ಲರ ಸೆಳೆಯುತ್ತಿದೆ ಹೈಟೆಕ್ ಬಸ್ ನಿಲ್ದಾಣ
ತುಮಕೂರು ವಿಶ್ವವಿದ್ಯಾನಿಲಯದ ಎದುರು ಸಿದ್ದವಾಗಿರುವ ಬಸ್ ನಿಲ್ದಾಣ ಈಗ ಎಲ್ಲರ ಆಕರ್ಷಣೆಯ ತಾಣ ಎನಿಸಿದೆ. ಈ ಬಸ್ ನಿಲ್ದಾಣದ ವಿಶೇಷತೆಯೆಂದರೆ ಪ್ರಯಾಣಿಕರಿಗೆ ಅಗತ್ಯವಾದ ವಸ್ತುಗಳು ಸಿಗಲಿವೆ, ಇನ್ನು ಪ್ರಯಾಣಿಕರಿಗೆ ವೈ-ಫೈ ಸೌಲಭ್ಯ ಸಹ ಕಲ್ಪಿಸಲಾಗಿದೆ. ಬಸ್‌ಗಳ ಮಾಹಿತಿ ಕೂಡ ಸಿಗಲಿದ್ದು, ನಗರದ ವಿವಿಧೆಡೆ ಯಾವ ಸಮಯದಲ್ಲಿ ಯಾವ ನಂಬರ್ ಬಸ್ ಬರಲಿದೆ, ಯಾವೆಲ್ಲಾ ಮಾರ್ಗವಾಗಿ ಚಲಿಸಲಿದೆ ಎಂಬುದನ್ನು ತಿಳಿಯಬಹುದು. ಜೊತೆಗೆ ನಿಲ್ದಾಣದ ಮೂಲಕ ಯಾವೆಲ್ಲಾ ನಗರಗಳಿಗೆ ಬಸ್ಗಳು ಹೋಗಲಿವೆ ಎಂಬುದನ್ನು ಪ್ರಯಾಣಿಕರು ತಿಳಿಯಬಹುದಾಗಿದೆ.
