ಉಪಮುಖ್ಯಮಂತ್ರಿ ಕಾರನ್ನೂ ತಪಾಸಣೆ ಮಾಡಿದ ಚುನಾವಣಾಧಿಕಾರಿಗಳು

ಮೊನ್ನೆತಾನೇ ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರ ಕಾರನ್ನೂ ಬಿಡದೇ ಪರಿಶೀಲಿಸಿದ್ದ ಚುನಾವಣಾಧಿಕಾರಿಗಳು ಇವತ್ತು ಉಪಮುಖ್ಯಮಂತ್ರಿ ಡಾ. ಜಿ ಪರಮೇಶ್ವರ ಕಾರನ್ನೂ ಸಹ ತಪಾಸಣೆಗೊಳಪಡಿಸಿದರು.

ತುಮಕೂರು: ಉಪ ಮುಖ್ಯಮಂತ್ರಿ ಡಾ. ಜಿ ಪರಮೇಶ್ವರ್ ಅವರ ಕಾರನ್ನೂ ಸಹ ಇಂದು ಚುನಾವಣಾ ಅಧಿಕಾರಿಗಳು ಚೆಕ್ ಪೋಸ್ಟ್​ನಲ್ಲಿ ನಿಲ್ಲಿಸಿ ತಪಾಸಣೆಗೊಳಪಡಿಸಿದರು.

ತುಮಕೂರು ಹೊರವಲಯದ ಜಾಸ್ ಟೋಲ್ ಗೇಟ್ ಸಮೀಪ ಇರುವ ಚೆಕ್ ಪೋಸ್ಟ್​ನಲ್ಲಿ ಚುನಾವಣಾಧಿಕಾರಿಗಳ ಕೆಲಸಕ್ಕೆ ಉಪಮುಖ್ಯಮಂತ್ರಿ ಪರಮೇಶ್ವರ್ ಹಾಗೂ ಅವರ ಜೊತೆ ಇದ್ದಂತಹ ಸಿಬ್ಬಂದಿ ಸಹಕರಿಸಿದರು. ಪರಮೇಶ್ವರ್ ಅವರ ಬೆಂಗಾವಲು ವಾಹನಗಳನ್ನು ಕೂಡ ಇದೇ ವೇಳೆ ತಪಾಸಣೆಗೆ ಒಳಪಡಿಸಲಾಯಿತು.