ಶನಿ ದೇವರ ವಿಗ್ರಹ ಸೇರಿದಂತೆ ಮಾರಕಾಸ್ತ್ರಗಳ ಜಪ್ತಿ: ಐವರು ದರೋಡೆಕೋರರ ಬಂಧನ

ಬಾಣವಾರ ಗೇಟ್ ಬಳಿ ದರೋಡೆ ಮಾಡಲು ಹೊಂಚುಹಾಕಿ ಕುಳಿತಿದ್ದ ಐವರನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆಗೊಳಪಡಿಸಿದಾಗ ಶನಿ ದೇವರ ವಿಗ್ರಹ ದರೋಡೆ, ಹಾಗೂ ಸುಲಿಗೆ ಪ್ರಕರಣಗಳು ಬೆಳಕಿಗೆ ಬಂದಿವೆ.

ತುಮಕೂರು: ತಾಲ್ಲೂಕು ಹೆಬ್ಬೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿನ ಬಾಣವಾರ ಗೇಟ್ ಬಳಿ ದರೋಡೆ ಮಾಡಲು ಹೊಂಚುಹಾಕಿ ಕುಳಿತಿದ್ದ ಐವರನ್ನು ವಶಕ್ಕೆ ತೆಗೆದುಕೊಂಡು ವಿಚಾರಣೆಗೊಳಪಡಿಸಿದಾಗ ದರೋಡೆ ಮತ್ತು ಸುಲಿಗೆ ಪ್ರಕರಣಗಳು ಬೆಳಕಿಗೆ ಬಂದಿವೆ.

ನ.23ರಂದು ಆರೋಪಿಗಳಾದ ಜಫ್ರುದ್ದೀನ್, ಸಫಿರುದ್ದೀನ್, ಮೊಕದ್ದರ್ ಪಾಷಾ, ಮಹಮ್ಮದ್ ಸಲೀಂ , ಕಲೀಂ ಪಾಷಾ ಎಂಬುವರು ತುಮಕೂರು-ಕುಣಿಗಲ್ ರಸ್ತೆಯಲ್ಲಿ ವಾಹನಗಳನ್ನು ತಡೆದು ನಿಲ್ಲಿಸಿ ದರೋಡೆ ಮಾಡಲು ಹೊಂಚು ಹಾಕಿ ಕುಳಿತಿದ್ದರು. ಖಚಿತ ಮಾಹಿತಿ ಮೇರೆಗೆ ಸ್ಥಳಕ್ಕೆ ತೆರಳಿದ ಹೆಬ್ಬೂರು ಪೊಲೀಸ್ ಠಾಣೆ ಸಿಬ್ಬಂದಿಗಳು ಟಾಟಾ ಸುಮೋ ಸಮೇತ ಐವರನ್ನು ವಶಕ್ಕೆ ಪಡೆದಿದ್ದರು.