ತುಮಕೂರು: ಜಿಲ್ಲೆಯಲ್ಲಿಂದು 116 ಕೋವಿಡ್ ಪಾಸಿಟಿವ್ ಪ್ರಕರಣಗಳು ಪತ್ತೆಯಾಗಿದೆ ಮತ್ತು ಸೋಂಕಿನಿಂದ ಮೂವರು ಮೃತಪಟ್ಟಿದ್ದಾರೆ. ಈ ಮೂಲಕ ಸೋಂಕಿತರ ಸಂಖ್ಯೆ 3119 ಮತ್ತು ಮೃತರ ಸಂಖ್ಯೆ 92ಕ್ಕೆ ಏರಿಕೆಯಾಗಿದೆ.
ತುಮಕೂರು ತಾಲೂಕಿನಲ್ಲಿ 49, ಕುಣಿಗಲ್ ನಲ್ಲಿ 18, ಶಿರಾದಲ್ಲಿ 13, ಪಾವಗಡದಲ್ಲಿ 12, ಗುಬ್ಬಿಯಲ್ಲಿ 8, ಮಧುಗಿರಿಯಲ್ಲಿ 6, ತುರುವೇಕೆರೆಯಲ್ಲಿ 4, ತಿಪಟೂರಿನಲ್ಲಿ 4, ಕೊರಟಗೆರೆಯಲ್ಲಿ 2 ಮತ್ತು ಚಿಕ್ಕನಾಯಕನಹಳ್ಳಿ ತಾಲೂಕಿನಲ್ಲಿ 1 ಕೊರೊನಾ ಪಾಸಿಟಿವ್ ಪ್ರಕರಣಗಳು ಇಂದು ಪತ್ತೆಯಾಗಿದೆ.
ಇಂದು ಒಂದೇ ದಿನ 125 ಮಂದಿ ಗುಣಮುಖರಾಗಿದ್ದು, ಈವರೆಗೆ 2008 ಸೋಂಕಿತರು ಸಂಪೂರ್ಣ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದಾರೆ. ಸದ್ಯ 1019 ಸೋಂಕಿತರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
