ಶಿವಮೊಗ್ಗ: ಜಿಲ್ಲೆಯ ತೀರ್ಥಹಳ್ಳಿಯಲ್ಲಿ ಕಳೆದ ಸೋಮವಾರ(ಜುಲೈ 10) ಮಚ್ಚು ಬೀಸಿದ ಪ್ರಕರಣದಲ್ಲಿ ಚೋರ್ ಸಮೀರ್ ಸೇರಿ ಆರು ಮಂದಿಯನ್ನು ತೀರ್ಥಹಳ್ಳಿ ಪೊಲೀಸರು ಬಂಧಿಸಿದ್ದಾರೆ. ತೀರ್ಥಹಳ್ಳಿ ಪಟ್ಟಣದಲ್ಲಿ ಸೋಮವಾರ ಜೀವಿತ್, ಅಪ್ರೋಜ್, ಸಾದೀಕ್ ಮತ್ತು ರಾಘವೇಂದ್ರ ಅವರ ಸ್ನೇಹಿತ ವಿಷ ಸೇವನೆ ಮಾಡಿದ್ದ. ಆತನನ್ನು ತೀರ್ಥಹಳ್ಳಿಯ ಜಯ ಚಾಮರಾಜೇಂದ್ರ ಆಸ್ಪತ್ರೆಗೆ ದಾಖಲಿಸಿದ್ದರು. ನಂತರ ನಾಲ್ವರು ಆಸ್ಪತ್ರೆ ರಸ್ತೆಯಲ್ಲಿಯೇ ಇರುವ ಬಾರ್ಗೆ ಕುಡಿಯಲು ಹೋಗಿದ್ದರು. ಈ ವೇಳೆ, ಅದೇ ಬಾರ್ಗೆ ಚೋರ್ ಸಮೀರ್ ತನ್ನ ಸ್ನೇಹಿತರೊಂದಿಗೆ ಬಂದಿದ್ದನು. ಕುಡಿದ ಮತ್ತಿನಲ್ಲಿ ಅಪ್ರೋಜ್ಗೆ ಮನಬಂದಂತೆ ಅವಾಚ್ಯ ಶಬ್ದಗಳಿಂದ ಬೈದಿದ್ದ.
ಇದರಿಂದ ಎರಡು ಗುಂಪುಗಳ ನಡುವೆ ಗಲಾಟೆ ನಡೆದಿದೆ. ಈ ವೇಳೆ ಪೊಲೀಸರು ಮಧ್ಯ ಪ್ರವೇಶ ಮಾಡಿ ಎಲ್ಲರನ್ನು ಚದುರಿಸಿದ್ದರು. ಸಂಜೆ ವೇಳೆ ಅಪ್ರೋಜ್ ಮತ್ತು ಗೆಳೆಯರು ತೀರ್ಥಹಳ್ಳಿಯ ಆಗುಂಬೆ ಸರ್ಕಲ್ ಬಳಿಯ ಬಾರ್ಗೆ ಕುಡಿಯಲು ಹೋದಾಗ ಅಲ್ಲಿಂದ ಅಪ್ರೋಜ್, ಚೋರ್ ಸಮೀರ್ಗೆ ಪೋನ್ ಮಾಡಿ ನನಗೆ ಮಧ್ಯಾಹ್ನ ಯಾಕೆ ನನಗೆ ಬೈದೆ ಎಂದು ಕೇಳಿದ್ದಾನೆ. ಇದರಿಂದ ಕೆರಳಿದ ಪೋನ್ ನಲ್ಲಿಯೇ ಬೈದಾಡುಕೊಳ್ಳುತ್ತಾರೆ. ಚೋರ್ ಸಮೀರ್ ನೀನು ಎಲ್ಲಿದ್ದಿಯಾ ಎಂದ ಅಪ್ರೋಜ್ನನ್ನು ಕೇಳುತ್ತಾನೆ. ನಾನು ಆಗುಂಬೆ ವೃತ್ತದ ಬಾರರ್ನಲ್ಲಿ ಇದ್ದೇನೆ ಎಂದಾಗ ಚೋರ್ ಸಮೀರ್ ಅದೇ ಸರ್ಕಲ್ಗೆ ಬರುತ್ತಾನೆ. ಆಗ ಮತ್ತೆ ಚೋರ್ ಸಮೀರ್ ಹಾಗೂ ಅಪ್ರೋಜ್ ನಡುವೆ ಗಲಾಟೆ ಆಗುತ್ತದೆ. ಆಗ ಪೊಲೀಸರು ಮಧ್ಯ ಪ್ರವೇಶ ಮಾಡಿ ಎಲ್ಲರನ್ನು ಅಲ್ಲಿಂದ ಓಡಿಸುತ್ತಾರೆ.
ಅಲ್ಲಿಂದ ತೆರಳಿದ ಅಪ್ರೋಜ್ ರಸ್ತೆಯಲ್ಲಿ ನಡೆದುಕೊಂಡು ಹೋಗುವಾಗ ಪುನಃ ವಾಪಸ್ ಬಂದು ಸಮೀರ್ ಅಪ್ರೋಜ್ ಮೇಲೆ ಮಚ್ಚು ಬೀಸುತ್ತಾನೆ. ಇದರಿಂದ ಅಪ್ರೋಜ್ ತಲೆಗೆ ಗಾಯವಾಗುತ್ತದೆ. ಜೊತೆಗೆ ಜೀವಿತ್ಗೆ ಗಾಯವಾಗುತ್ತದೆ. ಈ ದೃಶ್ಯವು ಸಿಸಿ ಕ್ಯಾಮೆರದಲ್ಲಿ ಸೆರೆಯಾಗಿರುತ್ತದೆ. ಗಾಯಗೊಂಡ ಅಪ್ರೋಜ್ ಹಾಗೂ ಜೀವಿತ್ ಅವರು ನೀಡಿದ ದೂರಿನ ಮೇರೆಗೆ ಚೋರ್ ಸಮೀರ್ ಹಾಗೂ ಸಫನ್ ಹಾಗೂ ಇತರ ನಾಲ್ವರನ್ನು ತೀರ್ಥಹಳ್ಳಿ ಪೊಲೀಸರು ಬಂಧಿಸಿದ್ದಾರೆ.
ಮಚ್ಚು ಬೀಸಿದ್ದ ಮೂವರಿಗೆ ಜೈಲು ಶಿಕ್ಷೆ ವಿಧಿಸಿದ್ದ ಕೋರ್ಟ್: ಹಳೇ ವೈಷ್ಯಮದ ಹಿನ್ನೆಲೆ ರಸ್ತೆಯಲ್ಲಿ ಹೋಗುತ್ತಿದ್ದವನ ಮೇಲೆ ಮಚ್ಚು ಬೀಸಿದ ಮೂವರು ಆರೋಪಿಗಳಿಗೆ ಶಿವಮೊಗ್ಗ ಕೋರ್ಟ್ ಇತ್ತೀಚೆಗೆ ಏಳು ವರ್ಷಗಳವರೆಗೆ ಕಠಿಣ ಕಾರಾಗೃಹ ಶಿಕ್ಷೆ ನೀಡಿತ್ತು. 2016ರಲ್ಲಿ ಹರೀಶ ಎಂಬಾತನ ಮೇಲೆ ಮಂಜು, ಅನಿಲ್ ಮತ್ತು ಪ್ರಶಾಂತ ಎಂಬುವವರು ಮಚ್ಚು ಬೀಸಿ ಹಲ್ಲೆ ನಡೆಸಿದ್ದರು. ಇದರಿಂದ ಹರೀಶ್ ಗಂಭೀರವಾಗಿ ಗಾಯಗೊಂಡಿದ್ದರು. ಬಳಿಕ ಸ್ಥಳೀಯರು ಹರೀಶ್ನನ್ನು ಆಸ್ಪತ್ರೆಗೆ ದಾಖಲಿಸಿದ್ದರು. ಈ ಕುರಿತು ದೊಡ್ಡಪೇಟೆ ಪೊಲೀಸ್ ಠಾಣೆಯ ಅಂದಿನ ಪಿಎಸ್ಐ ಹಾಲಿ ಕುಂಸಿ ಪಿಐ ಅಭಯ್ ಸೋಮನಾಳ್ ದೂರು ದಾಖಲಿಸಿಕೊಂಡು ಒಂದು ವರ್ಷದೊಳಗೆ ಆರೋಪಪಟ್ಟಿ ಸಲ್ಲಿಸಿದ್ದರು.
ಪ್ರಕರಣದ ವಿಚಾರಣೆ ನಡೆಸಿದ್ದ ಶಿವಮೊಗ್ಗದ 1ನೇ ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶ ಮನು ಕೆ.ಎಸ್ ಅವರು, ಆರೋಪಿಗಳಾದ ಮಂಜುನಾಥ್ ಅಲಿಯಾಸ್ ಕಟಿಂಗ್ ಶಾಪ್ ಮಂಜ(30), ಅನಿಲ್(30) ಮತ್ತು ಪ್ರಶಾಂತ ಅಲಿಯಾಸ್ ಕೊಡ್ಲಿ ಪ್ರಶಾಂತ(30) ವಿರುದ್ಧ 307 ಐಪಿಸಿ ಅಡಿಯಲ್ಲಿ ಆರೋಪ ಸಾಬೀತಾದ ಹಿನ್ನೆಲೆ, ಮೂವರಿಗೂ 7 ವರ್ಷ ಕಠಿಣ ಕಾರಾಗೃಹ ಶಿಕ್ಷೆ ಮತ್ತು 40 ಸಾವಿರ ರೂ. ದಂಡ ವಿಧಿಸಿತ್ತು.
ಇದನ್ನೂ ಓದಿ: Thrashing Of Tribal Youth: ಜೆಸಿಬಿಗೆ ಕಟ್ಟಿ ಬುಡಕಟ್ಟು ಯುವಕನಿಗೆ ಥಳಿತ.. ಮೂವರು ಆರೋಪಿಗಳ ಬಂಧನ
