ಹಳ್ಳಿ-ಹಳ್ಳಿಗೂ ಕೊರೊನಾ.. ಸ್ವಯಂ ಲಾಕ್​ಡೌನ್ ಹೇರಿಕೊಂಡ ನಾರಾಯಣಪುರ ಗ್ರಾಮಸ್ಥರು

ಕೊರೊನಾ ಹೆಚ್ಚಾದ ಹಿನ್ನೆಲೆ ಶಿವಮೊಗ್ಗ ತಾಲೂಕಿನ ನಾರಾಯಣಪುರ ಗ್ರಾಮಸ್ಥರು ಸ್ವಯಂ ಲಾಕ್​ಡೌನ್ ಘೋಷಿಸಿಕೊಂಡಿದ್ದಾರೆ.

ಶಿವಮೊಗ್ಗ: ಕೊರೊನಾ ಹೆಚ್ಚಾದ ಕಾರಣ ನಾರಾಯಣಪುರ ಗ್ರಾಮಸ್ಥರು ತಮ್ಮ ಊರಲ್ಲಿ ಇಂದಿನಿಂದ ಸ್ವಯಂ ಲಾಕ್​ಡೌನ್​ ಮಾಡಿಕೊಂಡಿದ್ದಾರೆ.

ತಾಲೂಕಿನ ಹಾರನಹಳ್ಳಿ ಹೋಬಳಿಯ ನಾರಾಯಣಪುರದಲ್ಲಿ 40ಕ್ಕೂ ಅಧಿಕ ಕೊರೊನಾ ಪಾಸಿಟಿವ್ ಪ್ರಕರಣಗಳಿವೆ. ಕೊರೊನಾದಿಂದ ಗ್ರಾಮದ ಮುಖಂಡರೊಬ್ಬರು ಮೃತಪಟ್ಟಿದ್ದಾರೆ.

ಸರ್ಕಾರ ಲಾಕ್​ಡೌನ್​ ಮಾಡಿದರು ಸಹ ಗ್ರಾಮೀಣ ಭಾಗದಲ್ಲಿ ಲಾಕ್​ಡೌನ್ ಅಷ್ಟೊಂದು ಪರಿಣಾಮಕಾರಿಯಾಗಿ ಅನುಷ್ಠಾನ ಆಗುತ್ತಿರಲಿಲ್ಲ. ಇದರಿಂದ ಕೊರೊನಾ ಹೆಚ್ಚಾಗುತ್ತಿದ್ದು, ತಮ್ಮೂರಿನಲ್ಲಿ ಮುಂದೆ ಯಾವುದೇ ಸಾವು- ನೋವು ಉಂಟಾಗಬಾರದು ಎಂದು ಲಾಕ್​ಡೌನ್​ ಮಾಡಿಕೊಂಡಿದ್ದಾರೆ. ಅವಶ್ಯಕತೆ ಇದ್ದರೆ ಮಾತ್ರ ಹೊಲಕ್ಕೆ ಹೋಗಬಹುದಾಗಿದೆ.