ಶಿವಮೊಗ್ಗ: ಜಿಲ್ಲಾ ಪ್ರವಾಸದಲ್ಲಿರುವ ಸಚಿವ ಭೈರತಿ ಬಸವರಾಜ್ ಹಾಗೂ ಗ್ರಾಮೀಣಾಭಿವೃದ್ಧಿ ಸಚಿವ ಕೆ.ಎಸ್.ಈಶ್ವರಪ್ಪ ಇಂದು ನಗರದ ಸ್ಮಾರ್ಟ್ ಸಿಟಿ ವ್ಯಾಪ್ತಿಯ ವಿವಿಧ ಕಾಮಗಾರಿಗಳ ಉದ್ಘಾಟನೆ ಹಾಗೂ ಕಾಮಗಾರಿಗಳ ವೀಕ್ಷಣೆ ನಡೆಸಿದರು.
ನಗರದ ಐತಿಹಾಸಿಕ ಶಿವಪ್ಪನಾಯಕನ ಅರಮನೆ ವೀಕ್ಷಣೆ, ಮಲೇಶ್ವರ ನಗರದ ಉದ್ಯಾನವನ ಉದ್ಘಾಟನೆ, ಜಯನಗರ ಬಡಾವಣೆಯ ಐದು ಕನ್ಸರ್ವೆನ್ಸಿ ಉದ್ಘಾಟನೆ, ವಿನೋಬಾ ನಗರದ ಡಿವಿಜಿ ಉದ್ಯಾನವನ ಉದ್ಘಾಟನೆ, ಖಾಸಗಿ ಬಸ್ ನಿಲ್ದಾಣದ ಹತ್ತಿರ ಬೀದಿಬದಿ ವ್ಯಾಪಾರಿಗಳ ವಲಯದ ನಿರ್ಮಾಣಕ್ಕೆ ಶಿಲಾನ್ಯಾಸ ಹೀಗೆ ನಗರದ ವಿವಿಧ ಕಾಮಗಾರಿಗಳ ಉದ್ಘಾಟನೆ ಮತ್ತು ವೀಕ್ಷಣೆ ನಡೆಸಿದರು.
ಈ ಸಂದರ್ಭದಲ್ಲಿ ಪಾಲಿಕೆ ಮೇಯರ್ ಸುವರ್ಣ ಶಂಕರ್, ಉಪ ಮೇಯರ್ ಸುರೇಖಾ ಮುರಳೀಧರ್, ಪಾಲಿಕೆ ಆಯುಕ್ತರಾದ ಚಿದಾನಂದ ವಟಾರೆ ಹಾಗೂ ಪಾಲಿಕೆ ಸದಸ್ಯರು ಇರಿದ್ದರು.
