ಶಿವಮೊಗ್ಗ: ಖಾಸಗಿ ಹಾಲು ಮಾರಾಟ ಕಂಪನಿ ಹಾಟ್ಸನ್ ರೈತರಿಗೆ ಮೋಸ ಮಾಡುತ್ತಿದೆ ಎಂದು ಆರೋಪಿಸಿ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ಹಾಲಿನ ಡೈರಿಗೆ ಮುತ್ತಿಗೆ ಹಾಕಿ ಪ್ರತಿಭಟನೆ ನಡೆಸಿದೆ.
ರೈತ ಸಂಘ ಪ್ರತಿಭಟನೆ
ಶಿವಮೊಗ್ಗ ಜಿಲ್ಲೆ ಶಿಕಾರಿಪುರ ತಾಲೂಕು ಬೆಲವಂತನ ಕೊಪ್ಪ ಗ್ರಾಮದಲ್ಲಿ ಹಾಟ್ಸನ್ ಕಂಪನಿಯು ಈ ಭಾಗದ ರೈತರಿಂದ ಹಾಲು ಪಡೆದು ಹಣ ನೀಡದೆ ಮೋಸ ಮಾಡುತ್ತಿದೆ. ಕಳೆದ ಐದು ವರ್ಷಗಳಿಂದ ಈ ಕಂಪನಿಯು ಈ ಭಾಗದ ರೈತರಿಗೆ ಹೆಚ್ಚಿನ ದರ ನೀಡುವುದಾಗಿ ನಂಬಿಸಿ, ಹಾಲು ಹಾಕಿಸಿಕೊಳ್ತಿತ್ತು. ಕಳೆದ ಒಂದೂವರೆ ತಿಂಗಳಿನಿಂದ ರೈತರು ನೀಡುವ ಹಾಲಿನಲ್ಲಿ ಎಂಎಸ್ಪಿ ಕಡಿಮೆ ಇದೆ ಎಂದು ಹೇಳಿ ಲೀಟರ್ ಹಾಲಿಗೆ ಕೇವಲ 4 ರೂ ನೀಡುತ್ತಿದ್ದು ಎಂದು ರೈತರು ಆರೋಪಿಸಿದ್ದಾರೆ.
ಈ ವಿಚಾರವನ್ನು ಹಾಟ್ಸನ್ ಕಂಪನಿಯ ಅಧಿಕಾರಿಗಳು ಮೇಲಧಿಕಾರಿಗಳಿಗೆ ತಿಳಿಸಿ, ಸಮಸ್ಯೆ ಪರಿಹರಿಸುವುದಾಗಿ ತಿಳಿಸಿದ ಮೇರೆಗೆ ರೈತ ಸಂಘ ತಾತ್ಕಾಲಿಕವಾಗಿ ಪ್ರತಿಭಟನೆ ವಾಪಸ್ ಪಡೆದಿದೆ.
