ಶಿವಮೊಗ್ಗ: ಸಿಎಂ ಇಬ್ರಾಹಿಂ ಕುಡಿದು ಮಾತನಾಡಿರಬೇಕು, ನಾನು ಶಿವಮೊಗ್ಗದಲ್ಲಿ ಗೆದ್ದಾಗ ಒಂದೇ ಒಂದು ಗಲಾಟೆಗಳು ನಡೆದಿಲ್ಲ. ಆದ್ರೆ ಕಾಂಗ್ರೆಸ್ ಗೆದ್ದಾಗಲೆಲ್ಲಾ ಹಿಂದೂ- ಮುಸ್ಲಿಂ ಗಲಾಟೆ ನಡೆದಿವೆ ಎಂದು ಮಾಜಿ ಸಚಿವ ಕೆ ಎಸ್ಈ ಶ್ವರಪ್ಪ ತಿರುಗೇಟು ನೀಡಿದ್ದಾರೆ.
ನಗರದಲ್ಲಿಂದು ಮಾತನಾಡಿದ ಅವರು, ಶಿವಮೊಗ್ಗದಲ್ಲಿ ಯಾವಾಗ ಗಲಾಟೆ ನಡೆದಿದೆ, ಯಾವಾಗ ನಡೆದಿಲ್ಲ ಎಂದು ಸಿಎಂ ಇಬ್ರಾಹಿಂ ತಿಳಿದುಕೊಂಡು ಮಾತನಾಡಲಿ. ನಾನು ಶಿವಮೊಗ್ಗದಲ್ಲಿ ಗೆದ್ದಾಗ, ಹಿಂದೂ- ಮುಸ್ಲಿಂ ಗಲಾಟೆಗಳು ನಡೆದಿಲ್ಲ. ಆದ್ರೆ ಕಾಂಗ್ರೆಸ್ ಗೆದ್ದಾಗಲೆಲ್ಲಾ ಗಲಾಟೆ ನಡೆದಿದೆ. ಜಿಲ್ಲೆಯಲ್ಲಿ ಹಿಂದು-ಮುಸ್ಲಿಮರು ಶಾಂತಿಯುತವಾಗಿದ್ದಾರೆ. ಆದರೆ ಸಿ.ಎಂ.ಇಬ್ರಾಹಿಂ, ಎಸ್ಡಿಪಿಐ ಹಾಗೂ ಪಿಎಫ್ಐನಂತಹವರು ಬಂದು ಗಲಾಟೆಗಳನ್ನು ನಡೆಸುತ್ತಿದ್ದಾರೆ ಎಂದು ಆರೋಪ ಮಾಡಿದರು.
ಕಳೆದೆರಡು ದಿನಗಳ ಹಿಂದೆ ಸಾವರ್ಕರ್ ಬ್ಯಾನರ್ ಪ್ರಕರಣದ ಕುರಿತು ಸಿ ಎಂ ಇಬ್ರಾಹಿಂ ಮಾತನಾಡಿ, ಜಿಲ್ಲೆಯಲ್ಲಿ ಪದೇ ಪದೆ ಇಂತಹ ಘಟನೆಗಳು ನಡೆಯುತ್ತಿವೆ. ಈಶ್ವರಪ್ಪ ಅವರಿಗೆ ಶಿವಮೊಗ್ಗದಲ್ಲಿ ಸ್ವಲ್ಪ ಸೆಕೆ ಜಾಸ್ತಿಯಾಗಿದೆ. ಆರು ತಿಂಗಳು ಊರು ಬಿಟ್ಟು ಹೊರಗಿದ್ದರೆ ಊರಿಗೆ ಒಳ್ಳೆಯದು ಎಂದು ವ್ಯಂಗ್ಯವಾಡಿದ್ದರು.
ಇದನ್ನೂ ಓದಿ: ಸಿದ್ದರಾಮಯ್ಯ ಕಾರಿನ ಮೇಲೆ ಮೊಟ್ಟೆ ಎಸೆದಿದ್ದು ಸರಿಯಲ್ಲ, ಆದರೆ... : ಪ್ರತಾಪ್ ಸಿಂಹ
