ಶಿವಮೊಗ್ಗ: ಕೊರೊನಾ ಮಹಾಮಾರಿಗೆ ಸಹೋದರರಿಬ್ಬರು ಬಲಿಯಾಗಿರುವ ಘಟನೆ ಹೊಸನಗರ ತಾಲೂಕಿನಲ್ಲಿ ನಡೆದಿದೆ. ಕರಿಮನೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಕಂದ್ಲಕೊಪ್ಪ ಗ್ರಾಮದ ಸುರೇಶ್(58) ಹಾಗೂ ಗುರುರಾಜ್ ಶೇಟ್(51) ಕೊರೊನಾದಿಂದ ಮೃತಪಟ್ಟ ಸಹೋದರರು.
ಸುರೇಶ್ ಕಳೆದ ಭಾನುವಾರ ಕೊರೊನಾ ಉಲ್ಬಣಿಸಿ ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗೆ ದಾಖಲಾಗಿದ್ದರು. ಚಿಕಿತ್ಸೆ ಫಲಕಾರಿಯಾಗದೇ ಸೋಮವಾರ ಆಸ್ಪತ್ರೆಯಲ್ಲಿಯೇ ಮೃತಪಟ್ಟಿದ್ದಾರೆ.
ಸೋಂಕಿನಿಂದ ಬಳಲುತ್ತಿದ್ದ ಇವರು ಸಹೋದರ ಗುರುರಾಜ್ ಮಂಗಳವಾರ ರಾತ್ರಿ ಉಸಿರು ನಿಲ್ಲಿಸಿದ್ದಾರೆ. ಸುರೇಶ್ ಕೃಷಿಕರಾಗಿದ್ದು, ಗುರುರಾಜ್ ಶೇಟ್ ಹೊಸನಗರದ ಚಿಕ್ಕಪೇಟೆ ವೃತ್ತದಲ್ಲಿ ಬಂಗಾರದ ಅಂಗಡಿ ನಡೆಸುತ್ತಿದ್ದರು. ಹೆಮ್ಮಾರಿ ಸಹೋದರರಿಬ್ಬರನ್ನು ಬಲಿ ಪಡೆದಿದ್ದು, ಕುಟುಂಬ ಕಣ್ಣೀರಿನಲ್ಲಿ ಕೈ ತೊಳೆಯುವಂತಾಗಿದೆ.
ಓದಿ:ಯಾವುದೇ ಒತ್ತಡದಿಂದ ಸಿಂಧೂರಿ ವರ್ಗಾವಣೆಯಾಗಿಲ್ಲ: ಸಚಿವ ಸೋಮಶೇಖರ್ ಸ್ಪಷ್ಟನೆ
