ತುಂಗಾ ನೆರೆ ಸಂತ್ರಸ್ತರಿಗೆ ಬೆಂಗಳೂರಿಗರಿಂದ ಸಹಾಯ

ಶಿವಮೊಗ್ಗ ಜಿಲ್ಲೆಯಲ್ಲಿ ತುಂಗಾ ನದಿಯ ಪ್ರವಾಹಕ್ಕೆ ನಗರದ ಹಲವು ಬಡಾವಣೆಗಳು ನೀರಿನಿಂದ ಆವೃತವಾಗಿದ್ದವು. ಈ ಪ್ರವಾಹದಿಂದ ಬೀದಿ ಪಲಾಗಿದ್ದ ಕುಟುಂಬಗಳಿಗೆ ಬೆಂಗಳೂರಿನ ಜನತೆ ವಸ್ತುಗಳನ್ನು ಕಳುಹಿಸುವ ಮೂಲಕ ತಮ್ಮ ಕೈಲಾದಷ್ಟು ಸಹಾಯ ಮಾಡಿದ್ದಾರೆ.

ಶಿವಮೊಗ್ಗ: ಮಲೆನಾಡಿನಲ್ಲಿ ಕಳೆದ ವಾರ ಸುರಿದ ಭಾರೀ ಮಳೆಯಿಂದ ತುಂಗಾ ನದಿಯ ಪ್ರವಾಹಕ್ಕೆ ನಗರದ ಹಲವು ಬಡಾವಣೆಗಳು ನೀರಿನಿಂದ ಆವೃತವಾಗಿದ್ದವು.ಇದರಿಂದ ನೂರಾರು ಕುಟುಂಬಗಳು ಬೀದಿ ಪಲಾಗಿದ್ದವು. ಇಂತಹವರಿಗೆ ಬೆಂಗಳೂರಿಗರು ತಮ್ಮ ಕೈಲಾದಷ್ಟು ವಸ್ತುಗಳನ್ನು ಮಲೆನಾಡಿಗೆ ಕಳುಹಿಸುವ ಮೂಲಕ ಸಹಾಯ ಮಾಡಿದ್ದಾರೆ.

ಈ ವಸ್ತುಗಳನ್ನು ಕರವೇ, ಕೆಂಪೇಗೌಡ ಯೂಥ್ ಫೌಂಡೇಷನ್ ಶಿವಮೊಗ್ಗ ಪ್ರೆಸ್ ಟ್ರಸ್ಟ್ ವತಿಯಿಂದ ನಿರಾಶ್ರಿತರಿಗೆ ದಿನ ಬಳಕೆಯ ವಸ್ತುಗಳನ್ನು ವಿತರಿಸಲಾಯಿತು. ಶಿವಮೊಗ್ಗದ ವಿದ್ಯಾನಗರ, ರಾಜೀವ ಗಾಂಧಿ ಬಡಾವಣೆಗಳ ನಿವಾಸಿಗಳಿಗೆ ಬೆಂಗಳೂರಿನ ಜನ ನೀಡಿದ್ದ, ಬ್ರೆಡ್, ಬನ್, ಬಿಸ್ಕೆಟ್, ಬಟ್ಟೆ, ಚಾಪೆ, ಟೂತ್ ಬ್ರೆಶ್​​,ಸೋಪ್ ಸೇರಿದಂತೆ ದಿನಸಿ ವಸ್ತುಗಳಾದ ಅಕ್ಕಿ, ಬೇಳೆ ಉಪ್ಪು ಸೇರಿದಂತೆ ಇತರೆ ವಸ್ತುಗಳನ್ನು ವಿತರಿಸಲಾಯಿತು.

ಬೆಂಗಳೂರಿಗರು ನೀಡಿದ ವಸ್ತುಗಳನ್ನು ಅರ್ಹ ನಿರಾಶ್ರಿತರಿಗೆ ತಲುಪಿಸಲು ಶಿವಮೊಗ್ಗ ಪ್ರೆಸ್ ಟ್ರಸ್ಟ್​​​ನ ಅಧ್ಯಕ್ಷ ಎನ್.ಮಂಜುನಾಥ್, ಜೇಸುದಾಸ್ ರವರ ಸಹಯೋಗದಲ್ಲಿ ವಿತರಣೆ ಮಾಡಲಾಯಿತು. ಈ ವೇಳೆ ನಿರಾಶ್ರಿತರಿಗೆ ಶಿವಮೊಗ್ಗ ಪ್ರೆಸ್ಟ್ ಸಹಯೋಗದಲ್ಲಿ ದಿನ ಬಳಕೆಯ ವಸ್ತುಗಳನ್ನು ನೀಡಲಾಯಿತು.