ಶಿವಮೊಗ್ಗ: ಅಂಗನವಾಡಿಯಲ್ಲಿ ಮಕ್ಕಳಿಗೆ ನೀಡುವ ಅಕ್ಕಿ, ಬೇಳೆ ಹಾಗೂ ಅಡುಗೆ ಎಣ್ಣೆ ಕದ್ದು ಪರಾರಿಯಾಗಿರುವ ಘಟನೆ ತೀರ್ಥಹಳ್ಳಿಯ ಕುರುವಳ್ಳಿ ಗ್ರಾಮದ ಪುತ್ತಿನ ಮಠದ ಸರ್ಕಾರಿ ಶಾಲೆಯ ಪಕ್ಕದಲ್ಲಿರುವ ಅಂಗನವಾಡಿ ಕೇಂದ್ರದಲ್ಲಿ ನಡೆದಿದೆ.
ರಾತ್ರಿ ವೇಳೆ ಅಂಗನವಾಡಿ ಬೀಗ ಒಡೆದ ಕಳ್ಳರು 50 ಕೆಜಿ ಅಕ್ಕಿ ,8 ಕೆಜಿ ಸಕ್ಕರೆ, ಒಂದು ಕೆಜಿ ಶೇಂಗಾ ಬೀಜ ಹಾಗೂ 1 ಪ್ಯಾಕೆಟ್ ಎಣ್ಣೆ ಕದ್ದು ಪರಾರಿಯಾಗಿದ್ದಾರೆ. ಸುಮಾರು 2 ಸಾವಿರ ರೂ ಮೌಲ್ಯದ ದಿನಸಿ ವಸ್ತುಗಳು ಕಳವಾಗಿದೆ ಎಂದು ಹೇಳಲಾಗಿದೆ.
ಅಂಗನವಾಡಿಗೆ ನುಗ್ಗಿ ದಿನಸಿ ವಸ್ತುಗಳನ್ನು ಕದ್ದೊಯ್ದ ಖದೀಮರು
ನಿನ್ನೆ ಮಕ್ಕಳನ್ನು ಮನೆಗೆ ಕಳುಹಿಸಿ ಬೀಗ ಹಾಕಿ ಮನೆಗೆ ತೆರಳಿದ್ದ ಅಂಗನವಾಡಿ ಕಾರ್ಯಕರ್ತರು ಇಂದು ಬೆಳಗ್ಗೆ ಬಂದು ನೋಡಿದಾಗ ಅಂಗನವಾಡಿ ಬೀಗ ಒಡೆದಿರುವುದು ಕಂಡುಬಂದಿದೆ. ತಕ್ಷಣ ಅಂಗನವಾಡಿ ಕಾರ್ಯಕರ್ತೆಯರು ಪೊಲೀಸರಿಗೆ ವಿಷಯ ತಿಳಿಸಿದ್ದು, ಸ್ಥಳಕ್ಕಾಗಮಿಸಿದ ತೀರ್ಥಹಳ್ಳಿ ಪೊಲೀಸರು ಪರಿಶೀಲನೆ ನಡೆಸಿ ದೂರು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
ಇದನ್ನೂ ಓದಿ : 16ರ ಬಾಲಕಿ ವರಿಸಿದ್ದ 52 ವರ್ಷದ ವ್ಯಕ್ತಿಯ ಬಂಧನ
