ರಾಮನಗರ : ತಾಲೂಕಿನ ಬಿಡದಿ ಬಳಿ ಇರುವ ಇನ್ನೋವೇಟಿವ್ ಫಿಲ್ಮ್ ಸಿಟಿಯಲ್ಲಿ ಖ್ಯಾತ ತಮಿಳು ನಟ ವಿಜಯ್ ಸೇತುಪತಿ ಮಾಸ್ಟರ್ ಚೆಫ್ ಎಂಬ ತಮಿಳಿನ ರಿಯಾಲಿಟಿ ಶೋಗೆ ಚಾಲನೆ ನೀಡಿದರು.
ಮಾಸ್ಟರ್ ಚೆಫ್ ಕಾರ್ಯಕ್ರಮಕ್ಕೆ ವಿಜಯ್ ಸೇತುಪತಿ ಸಾರಥಿ
ಆಗಸ್ಟ್‌ನಲ್ಲಿ ತಮಿಳಿನ ಖಾಸಗಿ ವಾಹಿನಿಯಲ್ಲಿ ಈ ಕಾರ್ಯಕ್ರಮ ಮೂಡಿ ಬರಲಿದೆ. ವಿಜಯ್ ಸೇತುಪತಿಯವರು ಈ ಕಾರ್ಯಕ್ರಮನ್ನ ನಡೆಸಿ ಕೊಡಲಿದ್ದಾರೆ. ಹೀಗಾಗಿ, ಇವತ್ತು ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಇದೇ ವೇಳೆ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ವಿಜಯ್ ಸೇತುಪತಿ, ತಮಗೂ ಕರ್ನಾಟಕಕ್ಕೂ ಇರುವ ನಂಟನ್ನು ಕೂಡ ಮೆಲುಕು ಹಾಕಿದರು. ಮಡಿಕೇರಿ ನನಗೆ ಸಾಕಷ್ಟು ಇಷ್ಟವಾದ ಸ್ಥಳವಾಗಿದೆ.
ಈ ಹಿಂದೆ ಬೆಂಗಳೂರು, ಮೈಸೂರಿಗೂ ಕೂಡ ಬಂದಿದ್ದೆ. ಅಲ್ಲದೆ ಬೆಂಗಳೂರಿನ ಕಬ್ಬನ್ ಪಾರ್ಕ್ ಹಾಗೂ ಮೈಸೂರಿನ ಪ್ಯಾಲೇಸ್ ನನ್ನ ನೆಚ್ಚಿನ ತಾಣ ಎಂದರು. ಜೊತೆಗೆ ನಟ ಸುದೀಪ್ ಬಗ್ಗೆ ಕೂಡ ಸಾಕಷ್ಟು ಮೆಚ್ಚುಗೆ ವ್ಯಕ್ತಪಡಿಸಿದರು. ಇನ್ನು, ಇದೇ ವೇಳೆ ಈ ಹಿಂದೆ ಕನ್ನಡದಲ್ಲಿ ನಟಿಸಿದ್ದ ಅಖಾಡ ಚಿತ್ರದ ಕನ್ನಡ ಡೈಲಾಗ್ ಹೇಳಿ ರಂಜಿಸಿದರು.
