ರಾಮನಗರ : ಮಾಗಡಿ ತಹಶೀಲ್ದಾರ್ ಕಚೇರಿಯ ಸಿಬ್ಬಂದಿ ಪ್ರವೀಣ್ ಎಂಬಾತ ರೈತನೊಬ್ಬನ ಬಳಿ ₹40 ಸಾವಿರ ಲಂಚ ಪಡೆಯುವ ವೇಳೆ ಎಸಿಬಿ ಬಲೆಗೆ ಬಿದ್ದಿರುವ ಘಟನೆ ನಡೆದಿದೆ.
ಜಮೀನಿನ ಪಹಣಿ, ದಾಖಲೆಗಳನ್ನು ನೀಡಲು ಲಂಚಕ್ಕೆ ಬೇಡಿಕೆ ಇಟ್ಟಿದ್ದ ಪ್ರವೀಣ್ ಲಂಚ ಸ್ವೀಕರಿಸುವಾಗ ರೆಡ್ ಹ್ಯಾಂಡಾಗಿ ಸಿಕ್ಕಿಬಿದ್ದಿದ್ದಾನೆ. ರಾಮನಗರ ಎಸಿಬಿ ಡಿವೈಎಸ್ಪಿ ಮಲ್ಲೇಶ್ ಅವರ ನೇತೃತ್ವದಲ್ಲಿ ದಾಳಿ ನಡೆಸಿ ಪ್ರವೀಣ್ನನ್ನು ವಶಕ್ಕೆ ಪಡೆಯಲಾಗಿದೆ.
ಮಾಗಡಿ ತಹಶೀಲ್ದಾರ್ ಕಚೇರಿ..
ತಹಶೀಲ್ದಾರ್ ರಮೇಶ್ ಸೂಚನೆ ಮೇರೆಗೆ ಪ್ರವೀಣ್ ಹಣ ವಸೂಲಿ ಮಾಡುತ್ತಿದ್ದ ಎನ್ನಲಾಗಿದೆ. ಈ ಹಿಂದೆಯೂ ಕೂಡ ತಹಶೀಲ್ದಾರ್ ರಮೇಶ್ ವಿರುದ್ಧ ಹಲವು ದೂರುಗಳಿದ್ದವು. ಇದೀಗ ಪ್ರವೀಣ್ ಜೊತೆ ತಹಶೀಲ್ದಾರ್ ರಮೇಶ್‌ರನ್ನು ಎಸಿಬಿ ಅಧಿಕಾರಿಗಳು ವಿಚಾರಣೆಗೆ ಒಳಪಡಿಸಿದ್ದಾರೆ.
