ರಾಯಚೂರು: ನಗರದ ಖಾಸಗಿ ಕಾಲೇಜಿನ ವಿದ್ಯಾರ್ಥಿನಿಯರು ಮಹಡಿ ಮೇಲಿನಿಂದ ಪಠ್ಯ-ಪುಸಕ್ತಗಳಿರುವ ಬ್ಯಾಗ್ ಎಸೆದಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ನಗರದ ಲಿಂಗಸೂರು ರಸ್ತೆಯಲ್ಲಿರುವ ಜಸ್ಟಿಸ್ ಶಿವರಾಜ್ ಪಾಟೀಲ್ ಕಾಲೇಜಿನ ವಿದ್ಯಾರ್ಥಿನಿಯರು ಮಹಡಿ ಮೇಲಿನಿಂದ ಸಾಲು ಸಾಲಾಗಿ ಪಠ್ಯ-ಪುಸಕ್ತಗಳು ಇರುವ ಬ್ಯಾಗ್ ನ್ನು ಮೂರನೇ ಮಹಡಿಯಿಂದ ಭಾನುವಾರು ಎಸೆದಿದ್ದಾರೆ. ಇದನ್ನ ಕಂಡ ಕೆಲ ಸ್ಥಳೀಯರು 1:18 ನಿಮಿಷದ ವಿಡಿಯೋವನ್ನು ಚಿತ್ರೀಕರಣ ಮಾಡಿದ್ದಾರೆ.
ಕಲಿಕೆಗೆ ಅಂತ ಕಳಿಸಿದ್ರೆ ,ಬ್ಯಾಗನ್ನೇ ಎಸಿತಾರೆ ಈ ಹುಡ್ಗೀರು
ಸಾಮಾಜಿಕ ಜಾಲಗಳಲ್ಲಿ ಈ ವಿಡಿಯೋ ವೈರಲ್ ಆಗಿದೆ. ಘಟನೆಗೆ ಸಂಬಂಧಿಸಿದ ಕಾಲೇಜು ಪ್ರಾಚಾರ್ಯರನ್ನ ದೂರವಾಣಿ ಮೂಲಕ ಸಂಪರ್ಕಿಸಿದಾಗ ಭಾನುವಾರ ಪಿಯು ಪ್ರಥಮ ಹಾಗೂ ದ್ವಿತೀಯ ವರ್ಷದ ವಿದ್ಯಾರ್ಥಿಗಳಿಗೆ ವಿಶೇಷ ಉಪನ್ಯಾಸ ತರಗತಿಯನ್ನ ಏರ್ಪಡಿಸಲಾಗಿತ್ತು. ಕ್ಲಾಸ್ ಕೇಳಲು ಇಷ್ಟವಿರದ ವಿದ್ಯಾರ್ಥಿಗಳು ಈ ರೀತಿಯಾಗಿ ಮಾಡುವ ಮೂಲಕ ಹುಡಗಾಟ ಮಾಡಿದ್ದಾರೆ. ವಿಡಿಯೋ ವೈರಲ್ ಆಗಿರುವ ಕುರಿತಂತೆ ಮಾಹಿತಿ ಬಂದಿದ್ದು, ಇದರ ಬಗ್ಗೆ ಪರಿಶೀಲಿಸುವುದಾಗಿ ಹೇಳಿದ್ದಾರೆ.
