ರಾಯಚೂರು: ಕೃಷ್ಣ ನದಿಯಲ್ಲಿ ನೀರು ಕುಡಿಯುತ್ತಿದ್ದ ಎಮ್ಮೆ ಕರುವಿನ ಮೇಲೆ ಮೊಸಳೆ ದಾಳಿ ನಡೆಸಿದ ಪರಿಣಾಮ ಕಾಲು ಕಟ್ ಆಗಿದೆ. ತಾಲೂಕಿನ ದೇವಸೂಗೂರು ಗ್ರಾಮದ ಬಳಿಯ ಕೃಷ್ಣ ನದಿಗೆ ಕರು ನೀರು ಕುಡಿಯಲು ತೆರಳಿತ್ತು.
ಮೊಸಳೆ ದಾಳಿ
ಸೋಮವಾರ ಮಧ್ಯಾಹ್ನ ಕೃಷ್ಣ ನದಿಯಲ್ಲಿ ಎಮ್ಮೆ ಕರು ನೀರು ಕುಡಿಯಲು ಹೋದಾಗ ಮೊಸಳೆ ದಾಳಿ ನಡೆಸಿದೆ. ಮೊಸಳೆ ದಾಳಿಯಿಂದ ಕಾಲು ಕಳೆದುಕೊಂಡ ಎಮ್ಮೆ ಕರು ಕುಂಟುತ್ತಾ ನದಿ ದಡಕ್ಕೆ ಬಂದು ಸೇರಿ ವಿಲವಿಲನೆ ಒದ್ದಾಡಿದ ದೃಶ್ಯ ಮನಕಲಕುವಂತಿತ್ತು.
ಇನ್ನ ಕೃಷ್ಣ ನದಿಯಲ್ಲಿ ಮೊಸಳೆಗಳಿದ್ದು, ಮಳೆ ಬಾರದೆ ಬತ್ತಿ ಹೋಗುತ್ತಿದೆ. ಹೀಗಾಗಿ ಮೊಸಳೆಗಳಿಗೆ ಆಹಾರವಿಲ್ಲದೆ ಪರದಾಡುತ್ತಿದ್ದು, ಅಹಾರ ಹುಡುಕಿಕೊಂಡು ದಡಕ್ಕೆ ಬಂದು, ಜಾನುವಾರುಗಳ ಮೇಲೆ ದಾಳಿ ಮಾಡುತ್ತಿವೆ ಅಂತಾರೆ ಸ್ಥಳೀಯರು.
