ರಾಯಚೂರು: ಇಂದು ಸಂಜೆ ಮಂತ್ರಾಲಯಕ್ಕೆ ಭೇಟಿ ನೀಡಿದ್ದ ಮಾಜಿ ಸಚಿವ ಗಾಲಿ ಜನಾರ್ದನ ರೆಡ್ಡಿ ಹಾಗೂ ಕುಟುಂಬಸ್ಥರು ರಾಯರ ಸನ್ನಿಧಿಗೆ ತೆರಳಿ ಶ್ರೀ ರಾಘವೇಂದ್ರ ಸ್ವಾಮಿಯ ದರ್ಶನ ಪಡೆದರು.
ಜನಾರ್ದನ ರೆಡ್ಡಿ, ಪತ್ನಿ, ಮಗಳು ಹಾಗೂ ಅಳಿಯ ಮಂತ್ರಾಲಯಕ್ಕೆ ಬಂದಿದ್ದು, ಮೊದಲು ಮಂಚಾಲಮ್ಮ ದೇವಿ ದರ್ಶನ ಪಡೆದು, ಬಳಿಕ ರಾಯರ ಸನ್ನಿಧಿಗೆ ಭೇಟಿ ನೀಡಿ ಮಠಕ್ಕೆ ಚಿನ್ನದ ರಥ ಸಮರ್ಪಿಸಿದರು.
ಕುಟುಂಬ ಸಮೇತರಾಗಿ ರಾಯರ ಸನ್ನಿಧಿಗೆ ಗಾಲಿ ಜನಾರ್ದನ ರೆಡ್ಡಿ ಭೇಟಿ
ರಾಯರ ಸನ್ನಿಧಿಗೆ ಚಿನ್ನದ ರಥೋತ್ಸವ ಮಾಡಿಸುವುದಾಗಿ ಹರಕೆ ಹೊತ್ತುಕೊಂಡಿದ್ದರು. ಅದರಂತೆ ಇಂದು ಚಿನ್ನದ ರಥೋತ್ಸವ ನೇರವೇರಿಸುವ ಮೂಲಕ ರೆಡ್ಡಿ ತಮ್ಮ ಹರಕೆಯನ್ನು ತೀರಿಸಿದ್ದಾರೆ.
ಭಾನುವಾರ ಗಾಣಗಾಪುರಕ್ಕೆ ತೆರಳಿದ್ದ ಗಾಲಿ ಜನಾರ್ದನ ರೆಡ್ಡಿ ಇಂದು ಕುಟುಂಬದ ಸದಸ್ಯರೊಡನೆ ಮಂತ್ರಾಲಯಕ್ಕೆ ಆಗಮಿಸಿ ಗುರುರಾಯರ ದರ್ಶನ ಪಡೆದರು.
