ಮಸ್ಕಿ: ಭಾರೀ ಮಳೆಯಿಂದ ಹಳ್ಳ ದಾಟಲಾಗದೆ ಸಂಕಷ್ಟ... ಟ್ರ್ಯಾಕ್ಟರ್​-ಹಗ್ಗದ ಸಹಾಯದಿಂದ ಜನರ ರಕ್ಷಣೆ

ಭಾರೀ ಮಳೆಯಿಂದ ಮಸ್ಕಿ ತಾಲೂಕಿನ ವಟಗಲ್ ಹಾಗೂ ಇರಕಲ್ ರಸ್ತೆ ಸಂಪರ್ಕ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಜನರನ್ನು ರಕ್ಷಣೆ ಮಾಡಲಾಗಿದೆ.

ರಾಯಚೂರು: ಜಿಲ್ಲೆಯಾದ್ಯಂತ ಸುರಿದ ಭಾರೀ ಮಳೆಗಳಿಗೆ ಜನಜೀವನ ಅಸ್ತವ್ಯಸ್ತಗೊಂಡಿದ್ದು, ಉಕ್ಕಿ ಹರಿಯುತ್ತಿರುವ ಹಳ್ಳ ದಾಟಲಾಗದ ಜನರನ್ನು ಟ್ರ್ಯಾಕ್ಟರ್​ ಮತ್ತು ಹಗ್ಗದ ಸಹಾಯದಿಂದ ರಕ್ಷಣೆ ಮಾಡಲಾಗಿದೆ.

ಜಿಲ್ಲೆಯ ಬಹುತೇಕ ಹಳ್ಳ-ಕೊಳ್ಳಗಳು ತುಂಬಿ ಹರಿಯುತ್ತಿವೆ. ಭಾರೀ ಮಳೆಯಿಂದ ಮಸ್ಕಿ ತಾಲೂಕಿನ ವಟಗಲ್ ಹಾಗೂ ಇರಕಲ್ ಗ್ರಾಮದ ಮಧ್ಯದ ರಸ್ತೆ ಸಂಚಾರ ಸ್ಥಗಿತಗೊಂಡಿದೆ. ಈ ರಸ್ತೆ ಮೂಲಕ ಜಮೀನಿನ ಕೆಲಸಕ್ಕೆ ಹೋದ ಸುಮಾರು 70 ಮಂದಿ ಗ್ರಾಮಕ್ಕೆ ಮರಳಿ ಬರಲಾಗದೆ ಹಳ್ಳದ ದಂಡೆಯಲ್ಲಿ ಪರದಾಡಿದ್ದಾರೆ.

ಅಪಾಯದ ಮಟ್ಟ ಮೀರಿ ಹರಿಯುವ ಹಳ್ಳದ ಮಧ್ಯದಲ್ಲಿ ಟ್ರ್ಯಾಕ್ಟರ್ ನಿಲ್ಲಿಸಲಾಗಿತ್ತು. ಸುಮಾರು ಮೂರು ಗಂಟೆಗಳ ಕಾಲ ಹಳ್ಳದಲ್ಲಿ ಟ್ರ್ಯಾಕ್ಟರ್​ ನಿಲ್ಲಿಸಿ ಹಗ್ಗದ ಸಹಾಯದಿಂದ ಗ್ರಾಮಸ್ಥರನ್ನ ರಕ್ಷಣೆ ಮಾಡಲಾಗಿದೆ.