ರಾಯಚೂರು: ಮೂಗಿನಲ್ಲಿ ನಿಂಬೆಹಣ್ಣು ರಸ ಹಾಕಿಕೊಂಡಾಗ ಆರೋಗ್ಯದಲ್ಲಿ ಏರುಪೇರಾಗಿ ಶಿಕ್ಷಕ ಮೃತಪಟ್ಟಿದ್ದಾನೆ ಎಂದು ಕುಟುಂಬಸ್ಥರು ದೂರಿದ್ದಾರೆ. ಜಿಲ್ಲೆಯ ಸಿಂಧನೂರು ಪಟ್ಟಣದಲ್ಲಿ ಘಟನೆ ಜರುಗಿದೆ.
ಶರಣಬಸವೇಶ್ವರ ಕಾಲೋನಿಯ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲಾ ಶಿಕ್ಷಕ ಬಸವರಾಜ(45) ಮೃತ ಶಿಕ್ಷಕನೆಂದು ಗುರುತಿಸಲಾಗಿದೆ. ಕೆಲ ದಿನಗಳ ಹಿಂದೆ ಶಿಕ್ಷಕ ಬಸವರಾಜ ತಂದೆ ಮೃತಪಟ್ಟಿದ್ದರು. ಇವರು ತಂದೆ ಆಗಲಿಕೆಯ ವೇದನೆಯಲ್ಲಿದ್ದರು ಎನ್ನಲಾಗಿದೆ.
ಮೂಗಿನಲ್ಲಿ ನಿಂಬೆಹಣ್ಣಿನ ರಸ ಹಾಕಿದ್ದೆ ಶಿಕ್ಷಕನ ಸಾವಿಗೆ ಕಾರಣವಾಯ್ತಾ?
ಎಂದಿನಂತೆ ಬೆಳಗೆ ತಿಂಡಿ ತಿಂದು ಬಳಿಕ ಮೂಗಿನಲ್ಲಿ ನಿಂಬೆಹಣ್ಣು ರಸ ಹಾಕಿಕೊಂಡಿದ್ದಾರೆ ಎನ್ನಲಾಗಿದೆ. ಆ ವೇಳೆ ನೆತ್ತಿಗೆ ಏರಿ, ಕೆಮ್ಮು ಬಂದಿದೆ, ಕೂಡಲೇ ಆಸ್ಪತ್ರೆಗೆ ಕರೆದುಕೊಂಡು ಹೋಗುವಾಗ ಮಾರ್ಗ ಮಧ್ಯ ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ.
