ರಸ್ತೆಗೆ ಬಂದು ಪರದಾಡುತ್ತಿದ್ದ ಹಾವನ್ನು ರಕ್ಷಿಸಿದ ದಾರಿಹೋಕ

ರಸ್ತೆಗೆ ಬಂದು ಬಿಸಿಲಿನ ತಾಪಕ್ಕೆ ಪರದಾಡುತ್ತಿದ್ದ ಕೇರೆ ಹಾವನ್ನು ದಾರಿಹೋಕ ರಕ್ಷಿಸಿದ್ದಾನೆ.

ಮೈಸೂರು: ರಸ್ತೆಗೆ ಬಂದು ಬಿಸಿಲಿನ‌ ತಾಪ ಹಾಗೂ ಮೊಸಾಕ್ ಕಲ್ಲು ಹಾಸಿನ ಮೇಲೆ ತೆವಳಲು ಪರದಾಡುತ್ತಿದ್ದ ಕೇರೆ ಹಾವನ್ನು ದಾರಿಹೋಕ ರಕ್ಷಿಸಿದ್ದಾನೆ.

ಹಾಡ್ವಿಂಗ್ ವೃತ್ತದ ಬಳಿ ಇರುವ ಮಿನಿ ಪಾರ್ಕ್​ ಕಟ್ಟಡದ ಮೇಲೆ ಕೇರೆ ಹಾವು ಕಾಣಿಸಿಕೊಂಡಿದೆ. ಅದನ್ನು ನೋಡಿದ ಭದ್ರತಾ ಸಿಬ್ಬಂದಿ ಓಡಿಸಲು ಪ್ರಯತ್ನಿಸಿದ್ದಾರೆ. ಆದರೆ, ಹಾವು ಆ‌ ಕಡೆ ಈ ಕಡೆ ಹರಿದಾಡಿದೆ. ನಾಯಿ ಹಿಂದೆ ಬಂದು ನಿಂತಾಗ ಅದಕ್ಕೆ ಕಚ್ಚಬಹುದು ಎಂದು ಸಾರ್ವಜನಿಕರು ಆತಂಕಗೊಂಡಿದ್ದರು.

ಬಳಿಕ ಹಾವು ನೋಡಲು ಬಂದ ವ್ಯಕ್ತಿಯೋರ್ವ, ಕಡ್ಡಿಯ ಸಹಾಯದಿಂದ ಅದನ್ನು ಎತ್ತಿ ಪಕ್ಕಕ್ಕೆ ಬಿಟ್ಟಿದ್ದಾರೆ.