ಒಳಚರಂಡಿ ಸ್ವಚ್ಛತೆಗಾಗಿ ಸಾಂಸ್ಕೃತಿಕ ನಗರಿಗೆ ಬಂತು ರೋಬೋಟ್ ಯಂತ್ರ!

ಒಳ ಚರಂಡಿ ಸ್ವಚ್ಛ ಗೊಳಿಸಲು ಹಾಗೂ ಆ ಸಂದರ್ಭದಲ್ಲಿ ನಡೆಯುವ ಅವಘಡಗಳನ್ನು ತಪ್ಪಿಸಲು ಮೈಸೂರು ನಗರ ಪಾಲಿಕೆ ಬ್ಯಾಂಡಿಕೂಟ್ ರೋಬೋಟ್ ಅನ್ನು ಖರೀದಿ ಮಾಡಿದೆ. ಇನ್ಮುಂದೆ ಸಾಂಸ್ಕೃತಿಕ ನಗರಿಯನ್ನು ಈ ರೋಬೋಟ್​ಗಳು ಸ್ವಚ್ಛಗೊಳಿಸಲಿವೆ.

ಮೈಸೂರು : ಸ್ವಚ್ಛ ನಗರಿ ಮೈಸೂರಿನ ಒಳ ಚರಂಡಿಗಳನ್ನು ಸ್ವಚ್ಛಗೊಳಿಸಲು ರೋಬೋಟ್ ಯಂತ್ರ ಬಂದಿದ್ದು, ಇದು ರಾಜ್ಯದಲ್ಲೇ ಮೊದಲ ರೋಬೋಟ್ ಸ್ವಚ್ಛಯಂತ್ರ ಆಗಿದೆ.

ಒಳಚರಂಡಿ ಸ್ವಚ್ಛತೆಗೆ ಬ್ಯಾಂಡಿಕೂಟ್ ರೋಬೋಟ್

ದೇಶದಲ್ಲೇ ಸ್ವಚ್ಛ ನಗರಿ, ಅರಮನೆಗಳ ನಗರಿ ಎಂಬ ಖ್ಯಾತಿ ಪಡೆದಿರುವ ಮೈಸೂರು ಈ ಬಾರಿ ಸ್ವಚ್ಛ ಸರ್ವೇಕ್ಷಣಾ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದು , ಹಲವಾರು ಕೆಲಸಗಳನ್ನು ಕೈಗೊಂಡಿದೆ. ಈ ನಡುವೆ, ನಗರದ ಒಳ ಚರಂಡಿ ಕ್ಲೀನ್​ ಮಾಡಲು ಪುಣೆಯಿಂದ ಬ್ಯಾಂಡಿಕೂಟ್ ರೋಬೋಟ್ ಖರೀದಿ ಮಾಡಿದೆ. ಜೊತೆಗೆ ಇದನ್ನು ಹೇಗೆ ಬಳಸಬಹುದು ಎಂಬ ಬಗ್ಗೆ ಇಲ್ಲಿನ ಪೌರಕಾರ್ಮಿಕರಿಗೆ ತರಬೇತಿ ನೀಡಲು ತಜ್ಞರನ್ನು ಕರೆಸಲಾಗುತ್ತಿದೆ ಎಂದು ಪಾಲಿಕೆಯ ಆಯುಕ್ತ ಗುರು ದತ್ತ ಹೆಗ್ಗಡೆ ಮಾಹಿತಿ ನೀಡಿದರು.

ಈ ಯಂತ್ರವನ್ನು ನಗರಾಭಿವೃದ್ದಿ ಸಚಿವರು ಉದ್ಘಾಟನೆ ಮಾಡಲಿದ್ದು, ಒಳ ಚರಂಡಿ ಸ್ವಚ್ಛಗೊಳಿಸಲು ಹಾಗೂ ಆ ಸಂದರ್ಭದಲ್ಲಿ ನಡೆಯುವ ಅವಘಡಗಳನ್ನು ತಪ್ಪಿಸಲು ಈ ರೋಬೋಟ್ ಸಹಕಾರಿ ಆಗಲಿದೆ. ಒಳ ಚರಂಡಿ ಸ್ವಚ್ಛತೆಗೆ ರೋಬೋಟ್ ಯಂತ್ರ ಬಳಸುತ್ತಿರುವ ರಾಜ್ಯದ ಮೊದಲ ಪಾಲಿಕೆ ಎಂಬ ಹೆಗ್ಗಳಿಕೆ ಮೈಸೂರು ಮಹಾ ನಗರ ಪಾಲಿಕೆ ಆಗಲಿದೆ ಎಂದು ಇದೆ ಸಂದರ್ಭದಲ್ಲಿ ಆಯುಕ್ತರು ಮಾಹಿತಿ ನೀಡಿದರು.

ಬ್ಯಾಂಡಿಕೂಟ್ ರೋಬೋಟ್

ಇದನ್ನೂ ಓದಿ:'ದಾದಾ' ಅಭಿಮಾನಿಗಳಿಗೆ ಗುಡ್​ನ್ಯೂಸ್​: ಸೌರವ್​ ಗಂಗೂಲಿ ಆರೋಗ್ಯದಲ್ಲಿ ಚೇತರಿಕೆ