ಮೈಸೂರು: ಕೊರೊನಾ ಸೋಂಕಿನ ಹಿನ್ನೆಲೆ ಎಲ್ಲ ವ್ಯಾಪಾರ - ವಹಿವಾಟಿನ ಸ್ತಬ್ಧವಾಗಿರುವ ಹಿನ್ನೆಲೆ ಆಹಾರವಿಲ್ಲದೇ ಕಂಗಾಲಾಗಿದ್ದ ಭಿಕ್ಷುಕರಿಗೆ ಪೊಲೀಸರು ತಮ್ಮ ವಾಹನದಲ್ಲಿ ಹೋಗಿ ಊಟ ವಿತರಿಸಿ, ಮಾನವೀಯತೆ ಮೆರೆದಿದ್ದಾರೆ.
ಭಿಕ್ಷುಕರಿಗೆ ಆಹಾರ ಪೊಟ್ಟಣ ವಿತರಿಸಿದ ಪೊಲೀಸ್
ನಗರದಲ್ಲಿ ಲಾಕ್ಡೌನ್ ಎಫೆಕ್ಟ್ನಿಂದ ಇಡೀ ನಗರವೇ ಸಂಪೂರ್ಣ ಬಂದ್ ಆಗಿತ್ತು. ಪೊಲೀಸ್ ವಾಹನದಲ್ಲಿ ಆಹಾರ ಪೊಟ್ಟಣಗಳನ್ನು ಇಟ್ಟುಕೊಂಡು, ಅವಶ್ಯ ಇದ್ದವರಿಗೆ ವಿತರಿಸುತ್ತಿದ್ದರು. ಡಿಸಿಪಿ ಡಾ.ಪ್ರಕಾಶ್ ಗೌಡ ಸ್ವತಃ ರೈಲ್ವೆ ನಿಲ್ದಾಣಕ್ಕೆ ಹೋಗಿ, ಅಲ್ಲಿಯ ಭಿಕ್ಷುಕರಿಗೆ ಆಹಾರದ ಪೊಟ್ಟಣ ವಿತರಿಸಿದರು.
ಪೊಲೀಸರಿಗೆ ಮಾಸ್ಕ್: ಶಾಸಕ ಎಸ್.ಎ.ರಾಮದಾಸ್ ಇಂದು ಲಕ್ಷ್ಮಿಪುರಂ ಸಂಚಾರಿ ಠಾಣೆ ಹಾಗೂ ಇತರ ಪೊಲೀಸರಿಗೆ ಮಾಸ್ಕ್ಗಳನ್ನು ವಿತರಿಸಿದರು. ಜೊತೆಗೆ ಆಹಾರ ಪದಾರ್ಥಗಳನ್ನು ಪೊಲೀಸರಿಗೆ ನೀಡಿದರು.
