ಮೈಸೂರು: ಮನೆಗೆ ಆಶ್ರಯವಾಗಬೇಕಿದ್ದ ಇಬ್ಬರು ಗಂಡು ಮಕ್ಕಳಿಗೆ ಕಿಡ್ನಿ ವೈಫಲ್ಯವಾಗಿದ್ದು, ಬಡತನದಲ್ಲಿರುವ ಕುಟುಂಬಕ್ಕೆ ನೆರವಾಗಿ ಎಂದು ತಾಯಿ ಅಂಗಲಾಚಿದ್ದಾರೆ.
ಮೈಸೂರು ತಾಲೂಕಿನ ಜಯಪುರ ಹೋಬಳಿಯ ಬ್ಯಾತಹಳ್ಳಿಯ ಸುಮಿತ್ರ ಅವರು , ತಮ್ಮ ಇಬ್ಬರ ಮಕ್ಕಳ ಕಷ್ಟ ನೆನೆದು ಕಣ್ಣೀರಾದರು. ನಾವು ವ್ಯವಸಾಯ ಮಾಡಿಕೊಂಡು ಜೀವನ ಸಾಗಿಸುತ್ತಿದ್ದೇವೆ , ಶಾಂತಕುಮಾರ್(24) ಹಾಗೂ ಶರತ್ ಕುಮಾರ್(22) ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತ ಮನೆಗೆ ಆಸರೆಯಾಗಿದ್ದರು. ಆದ್ರೆ ಸುಮಾರು 5 ವರ್ಷದ ಹಿಂದೆ ಮೊದಲ ಮಗನಿಗೆ ಎರಡೂ ಕಿಡ್ನಿ ವೈಫಲ್ಯವಾಗಿದ್ದು , ಇವನಿಗೆ ಡಯಾಲಿಸಿಸ್‌ ಮಾಡಿಸಲಾಗುತ್ತಿತ್ತು. ಈಗ 1 ವರ್ಷದಿಂದ ಚಿಕ್ಕ ಮಗನಾದ 22 ವರ್ಷ ವಯಸ್ಸಿನ ಶರತ್ ಕುಮಾರ್ಗೂ ಸಹ ಎರಡೂ ಕಿಡ್ನಿ ವೈಫಲ್ಯವಾಗಿದೆ. ಈತನಿಗೂ ಸಹ ಈ ಡಯಾಲಿಸಿಸ್‌ ಮಾಡಿಸುತ್ತಿದ್ದೇವೆ. ನಾವು ವ್ಯವಸಾಯ ಮಾಡಿಕೊಂಡು ಜೀವನ ಸಾಗಿಸುವುದೇ ಕಷ್ಟವಾಗುತ್ತಿದೆ. ನನ್ನ ಪತಿ ಮಹದೇವು ಅವರಿಗೆ 54 ವರ್ಷ ವಯಸ್ಸಾಗಿದೆ, ಈಗ ಈ ಇಬ್ಬರೂ ಮಕ್ಕಳಿಗೆ ಡಯಾಲಿಸಿಸ್‌ ಮಾಡಿಸುತ್ತಿರುವುದರಿಂದ ಔಷಧೋಪಚಾರಕ್ಕೂ ತುಂಬಾ ತೊಂದರೆಯಾಗುತ್ತಿದೆ. ಹೀಗಾಗಿ ಇವರ ಚಿಕಿತ್ಸೆಗೆ ಹಣ ಹೊಂದಿಸಲು ಕಷ್ಟವಾಗುತ್ತಿದೆ. ಹಾಗಾಗಿ ನೆರವಿಗೆ ಧಾವಿಸುವಂತೆ ಮನವಿ ಮಾಡಿದ್ದಾರೆ.
ಸಹಾಯ ಮಾಡಲು ಇಚ್ಚಿಸುವವರು ಸಂಪರ್ಕಿಸಬೇಕಾದ ದೂರವಾಣಿ ಸಂಖ್ಯೆ : 8296037273 , 8147474180 , 8880276867 , 9071148741
ಬ್ಯಾಂಕ್‌ನ ವಿವರಗಳು : ಶರತ್‌ಕುಮಾರ್‌ , ಖಾತೆ ನಂ . 310601000003312 , ಇಂಡಿಯನ್ ಓವರ್‌ಸೀಸ್ ಬ್ಯಾಂಕ್ , ಸಿಂಧುವಳ್ಳಿ ಶಾಖೆ , IFSC : IOBA0003106 . ಶಾಂತ ಕುಮಾರ್ , ಖಾತೆ ನಂ . 310601000003315 , ಇಂಡಿಯನ್ ಓವರ್‌ಸೀಸ್ ಬ್ಯಾಂಕ್ , ಸಿಂಧುವಳ್ಳಿ ಶಾಖೆ , IFSC : IOBA0003106
