ಮೈಸೂರು: ವಿದೇಶದಲ್ಲಿ ಚಿಕಿತ್ಸೆ ಪಡೆದು ವಾಪಸ್ ಆಗಿರುವ ಕಾಂಗ್ರೆಸ್ ಶಾಸಕ ತನ್ವೀರ್ ಸೇಠ್ ಮಾತನಾಡಿ, ನನ್ನ ಧ್ವನಿ ಸರಿಯಾಗಲು ಇನ್ನೂ 2-3 ತಿಂಗಳು ಬೇಕಾಗುತ್ತದೆ ಎಂದು ಹೇಳಿದ್ದಾರೆ.
ನವೆಂಬರ್ 18ರ ರಾತ್ರಿ ವ್ಯಕ್ತಿಯೊಬ್ಬರಿಂದ ಹಲ್ಲೆಗೊಳಗಾಗಿದ್ದರು. ಇಂದು ಮೈಸೂರು ಜೈಲಿಗೆ ಹಲ್ಲೆ ಮಾಡಿದವರ ಗುರುತು ಹಿಡಿಯಲು ಆಗಮಿಸಿದ ನಂತರ ಮೊದಲ ಬಾರಿಗೆ ಮಾಧ್ಯಮಗಳ ಜೊತೆ ಮಾತಾನಾಡಿ ಧ್ವನಿ ಸರಿಯಾಗಲು ಇನ್ನೂ 2-3 ತಿಂಗಳು ಬೇಕಾಗುತ್ತದೆ. ಎಲ್ಲ ಚಿಕಿತ್ಸೆ ತೆಗೆದುಕೊಂಡಿದ್ದೇನೆ. ಆಸ್ಪತ್ರೆಗೆ ಆರೋಗ್ಯ ವಿಚಾರಿಸಲು ಆಗಮಿಸಿದ ಎಲ್ಲಾರಿಗೂ ಧನ್ಯವಾದ ಎಂದ್ರು.
ಧ್ವನಿ ಸರಿಯಾಗಲು 2-3 ತಿಂಗಳು ಬೇಕು: ತನ್ವೀರ್ ಸೇಠ್
10 ದಿನಗಳ ಕಾಲ ಚಿಕಿತ್ಸೆ ಪಡೆದು, ವ್ಯಾಯಾಮ ಸಹ ಮಾಡಿದ್ದೇನೆ ಎಂದು ಸಣ್ಣಗೆ ತೊದಲುತ್ತಾ ಹೇಳಿದರು. ಜೈಲಿನಲ್ಲಿರುವ ಆರೋಪಿಗಳನ್ನು ಗುರುತು ಹಿಡಿಯುವುದು ಕಷ್ಟ ಆಗಲಿಲ್ಲ. ಆವರನ್ನು ಗುರುತಿಸಿದ್ದೇನೆ. ಅವತ್ತು ನನಗೆ ಈ ರೀತಿ ಹಲ್ಲೆಯಾಗುತ್ತದೆ ಎಂದು ಗೊತ್ತಿರಲಿಲ್ಲ. ಆದ್ರೆ ಹಲ್ಲೆಯಾಗಿದೆ ಎಂದು ಸಣ್ಣ ಧ್ವನಿಯಲ್ಲಿ ಹೇಳಿದ್ರು.
