ದಸರಾ: ಬೆಲೆ ಏರಿಕೆ ನಡುವೆಯೂ ಖರೀದಿಗೆ ಮುಗಿಬಿದ್ದ ಜನ!

ಮೈಸೂರು ಜಿಲ್ಲೆಯಲ್ಲಿ ಆಯುಧ ಪೂಜೆಯ ಸಂಭ್ರಮ ಜೋರಾಗಿರುವ ಹಿನ್ನೆಲೆ ಚೆಂಡು ಮಲ್ಲಿಗೆ, ಮಲ್ಲಿಗೆ, ಹೂವಿನ‌ ಹಾರ, ಗುಲಾಬಿ, ಬೂದುಗುಂಬಳ ಸೇರಿದಂತೆ ಇತರೆ ಹೂ-ಹಣ್ಣುಗಳ ಬೆಲೆ ಜಾಸ್ತಿಯಾಗಿದೆ.

ಮೈಸೂರು: ಜಿಲ್ಲೆಯಲ್ಲಿ ಆಯುಧ ಪೂಜೆ ಸಡಗರ ಜೋರಾಗಿರುವುದರಿಂದ ಹೂ-ಹಣ್ಣು, ಬೂದುಗುಂಬಳ, ಬಾಳೆ ಕಂದುಗಳ ಬೆಲೆ ಗಗನಕ್ಕೇರಿದೆ. ಆದರೆ ಗ್ರಾಹಕರು ಮಾತ್ರ ದರ ಏರಿಕೆಯ ಕುರಿತು ಚಿಂತಿಸದೆ ಖರೀದಿ ಭರಾಟೆಯಲ್ಲಿ ಮುಳುಗಿದ್ದಾರೆ.

ದೇವರಾಜ ಮಾರುಕಟ್ಟೆಯಲ್ಲಿರುವ ಹೂವಿನ ಮಾರುಕಟ್ಟೆಯನ್ನ ಜೆ.ಕೆ. ಮೈದಾನಕ್ಕೆ ಸ್ಥಳಾಂತರ ಮಾಡಿದ್ದು, ಸೇವಂತಿಗೆ, ಚೆಂಡು ಮಲ್ಲಿಗೆ, ಮಲ್ಲಿಗೆ, ಹೂವಿನ ‌ಹಾರ, ಗುಲಾಬಿ, ಬೂದುಗುಂಬಳ ಸೇರಿದಂತೆ ಇತರೆ ಹೂ-ಹಣ್ಣುಗಳ ಬೆಲೆ ಜಾಸ್ತಿಯಾಗಿದೆ.