ಮೈಸೂರು: ಕಾಂಗ್ರೆಸ್ನಲ್ಲಿ ಮುಂದಿನ ಮುಖ್ಯಮಂತ್ರಿ ಅಭ್ಯರ್ಥಿ ಕುರಿತು ತರಹೇವಾರಿ ಘೋಷಣೆಗಳು ಅಭಿಮಾನಿಗಳಿಂದ ಮೊಳಗುತ್ತಲೇ ಇವೆ. ಕರ್ನಾಟಕದ ರಾಜಕೀಯ ಹುಲಿ ಸಿದ್ದರಾಮಯ್ಯ, ಚಾಮುಂಡೇಶ್ವರಿ ವರಪುತ್ರ ಸಿದ್ದರಾಮಯ್ಯ ಎಂದು ನಗರದಲ್ಲಿಂದು ಅವರ ಅಭಿಮಾನಿಗಳು ಹಾಗೂ ಕಾಂಗ್ರೆಸ್ ಕಾರ್ಯಕರ್ತರು ಹೊಸ ಘೋಷಣೆ ಕೂಗಿದ್ದಾರೆ.
ಮೈಸೂರಿಗೆ ಆಗಮಿಸಿದ ಪ್ರತಿಪಕ್ಷ ನಾಯಕ ಸಿದ್ದರಾಮಯ್ಯ ಎದುರು ಅಭಿಮಾನಿಗಳು ಹೊಸ ಘೋಷಣೆ ಕೂಗಿದರು
ಎರಡು ತಿಂಗಳ ನಂತರ ನಗರಕ್ಕೆ ಆಗಮಿಸಿದ ಸಿದ್ದರಾಮಯ್ಯರಿಗೆ ರಿಂಗ್ ರಸ್ತೆ ಬಳಿ ಸ್ವಾಗತ ಕೋರಲು ಕಾಂಗ್ರೆಸ್ ಮುಖಂಡರು ಹಾಗೂ ಅಭಿಮಾನಿಗಳು ಆಗಮಿಸಿದ್ದರು. ಜನರ ಗುಂಪು ನೋಡಿ ಕಾರಿನಿಂದ ಕೆಳಗಿಳಿಯದ ಸಿದ್ದರಾಮಯ್ಯ ಕುರಿತು ಘೋಷಣೆ ಕೂಗಿದ್ದಾರೆ.
ಮುಂದಿನ ಮುಖ್ಯಮಂತ್ರಿ ಸಿದ್ದರಾಮಯ್ಯ ಎಂದು ಕೂಗದಂತೆ ಕಾಂಗ್ರೆಸ್ ಮುಖಂಡರು, ಕಾರ್ಯಕರ್ತರಿಗೆ ಹಾಗೂ ಅಭಿಮಾನಿಗಳಿಗೆ ತಾಕಿತ್ತು ಮಾಡಿದ್ದರು ಎನ್ನಲಾಗ್ತಿದೆ.
ಓದಿ: ಮೋದಿ ತೆರಿಗೆ ನೀತಿ ಮಧ್ಯಮ ಮತ್ತು ದುಡಿಯುವ ವರ್ಗಕ್ಕೆ ಮಾರಕ: ಸಿದ್ದರಾಮಯ್ಯ
